ಅಮೆರಿಕಕ್ಕೆ ಹೊಸ ಹೆಸರಿಟ್ಟ ಶೆಹಬಾಜ್ ಷರೀಫ್? ಪಾಕ್ ಪ್ರಧಾನಿಯ ಇಂಗ್ಲಿಷ್ ಪಾಂಡಿತ್ಯಕ್ಕೆ ಬೆಚ್ಚಿಬಿದ್ದ ಶ್ವೇತಭವನ..! Shahbaz Sharif

ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಆಹ್ವಾನದ ಮೇರೆಗೆ ಶೆಹಬಾಜ್ ಷರೀಫ್ ಅವರು ಫೆಬ್ರವರಿ 19 ರಂದು ವಾಷಿಂಗ್ಟನ್‌ನಲ್ಲಿ ನಡೆಯಲಿರುವ ಬೋರ್ಡ್ ಆಫ್ ಪೀಸ್ ಉದ್ಘಾಟನಾ ಸಮಾವೇಶದಲ್ಲಿ ಭಾಗವಹಿಸಲಿದ್ದಾರೆ. ಈ ಬಗ್ಗೆ ಬಿಡುಗಡೆಯಾದ ಅಧಿಕೃತ ಪತ್ರಿಕಾ ಪ್ರಕಟಣೆಯ ಶೀರ್ಷಿಕೆಯಲ್ಲೇ ದಪ್ಪಕ್ಷರದಲ್ಲಿ Prime Minister’s Visit to the Unites States of Americas ಎಂದು ಬರೆಯಲಾಗಿದೆ.

ತಪ್ಪುಗಳು: United ಬದಲಿಗೆ Unites ಮತ್ತು America ಬದಲಿಗೆ 'Americas' ಎಂದು ಬರೆಯುವ ಮೂಲಕ ಪಾಕಿಸ್ತಾನದ ವಿದೇಶಾಂಗ ಇಲಾಖೆಯು ತನ್ನ ಬೇಜವಾಬ್ದಾರಿಯನ್ನು ಪ್ರದರ್ಶಿಸಿದೆ.

ಈ ಹಿಂದೆಯೂ ಶೆಹಬಾಜ್ ಷರೀಫ್ ಇಂತಹದ್ದೇ ಒಂದು ಪ್ರಮಾದದಿಂದ ನಗೆಪಾಟಲಿಗೀಡಾಗಿದ್ದರು. ಕಳೆದ ವರ್ಷ ಇಸ್ರೇಲ್ ಮತ್ತು ಇರಾನ್ ನಡುವಿನ ಉದ್ವಿಗ್ನತೆಯ ಸಮಯದಲ್ಲಿ, ದಾಳಿಯನ್ನು ಖಂಡಿಸುವ ಭರದಲ್ಲಿ ಅವರು ನಾನು ದಾಳಿಯನ್ನು ಖಂಡಿಸುತ್ತೇನೆ ಎಂದು ಬರೆಯುವ ಬದಲು I condom the attack ಎಂದು ಬರೆದಿದ್ದರು ಎನ್ನಲಾದ ಸ್ಕ್ರೀನ್‌ಶಾಟ್ ವೈರಲ್ ಆಗಿತ್ತು.

ಆಗಲೂ ಇದು ವರ್ಷದ ಅತಿದೊಡ್ಡ ಟೈಪೋ ಎಂದು ಜಗತ್ತಿನಾದ್ಯಂತ ಮೀಮ್‌ಗಳ ಪ್ರವಾಹವೇ ಹರಿದಿತ್ತು. ಈಗ ಅಮೆರಿಕದ ಹೆಸರನ್ನೇ ತಪ್ಪಾಗಿ ಬರೆಯುವ ಮೂಲಕ ಪಾಕಿಸ್ತಾನ ತನ್ನ ಹಳೆಯ ಇತಿಹಾಸವನ್ನು ಮರುಕಳಿಸಿದೆ.

ಅಧಿಕೃತ ರಾಜತಾಂತ್ರಿಕ ಸಂವಹನಗಳಲ್ಲಿ ಇಂತಹ ತಪ್ಪುಗಳು ಸಂಭವಿಸುವುದು ದೇಶದ ಘನತೆಗೆ ಧಕ್ಕೆ ತರುತ್ತದೆ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ. ಪ್ರಧಾನಿಯ ಅಮೆರಿಕ ಭೇಟಿಯಂತಹ ಸೂಕ್ಷ್ಮ ವಿಷಯದ ಬಗ್ಗೆ ಪ್ರಕಟಣೆ ಹೊರಡಿಸುವ ಮೊದಲು ಕನಿಷ್ಠ ಪ್ರೂಫ್ ರೀಡಿಂಗ್ ಕೂಡ ಮಾಡದಿರುವುದು ಪಾಕಿಸ್ತಾನದ ಆಡಳಿತ ವ್ಯವಸ್ಥೆಯ ಅಧೋಗತಿಯನ್ನು ತೋರಿಸುತ್ತದೆ ಎಂದು ಹಲವರು ಟೀಕಿಸಿದ್ದಾರೆ,(ಏಜೆನ್ಸೀಸ್).