ಅಮೆರಿಕ-ಇರಾನ್ ಡೀಲ್‌ನಲ್ಲಿ 'ರೆಡ್ ಲೈನ್': ಪಾಕ್ ಸೇನಾ ಮುಖ್ಯಸ್ಥನ ಸಂಧಾನಕ್ಕೆ ಅಡ್ಡಿಯಾಗಿರುವ ಮೂರು ರಹಸ್ಯಗಳೇನು! US-Iran Peace Deal

ಇರಾನ್‌ನ ಪರಮಾಣು ಕಾರ್ಯಕ್ರಮವೇ ಈ ಯುದ್ಧದ ಮೂಲ ಕಾರಣವಾಗಿದ್ದು. ಅಂತಾರಾಷ್ಟ್ರೀಯ ಪರಮಾಣು ಶಕ್ತಿ ಸಂಸ್ಥೆ (IAEA) ಇರಾನ್‌ನ ಕೆಲವು ಅಘೋಷಿತ ನೆಲೆಗಳಲ್ಲಿ ಪತ್ತೆಯಾದ ಯುರೇನಿಯಂ ಕಣಗಳ ಬಗ್ಗೆ ತನಿಖೆ ನಡೆಸುತ್ತಿದೆ.

ಇರಾನ್ ಪಟ್ಟು: ನಮ್ಮ ಮೇಲಿನ ಈ ತನಿಖೆಯನ್ನು ಮೊದಲು ಕೈಬಿಡಬೇಕು. ಇಲ್ಲದಿದ್ದರೆ ನಾವು ಒಪ್ಪಂದಕ್ಕೆ ಸಹಿ ಹಾಕುವುದಿಲ್ಲ ಎಂದು ಇರಾನ್ ಪಟ್ಟು ಹಿಡಿದಿದೆ.

ಅಮೆರಿಕದ ನಿಲುವು: IAEA ಒಂದು ಸ್ವತಂತ್ರ ಸಂಸ್ಥೆಯಾಗಿದ್ದು, ಅದರ ತನಿಖೆಯಲ್ಲಿ ಹಸ್ತಕ್ಷೇಪ ಮಾಡಲು ನಮಗೆ ಸಾಧ್ಯವಿಲ್ಲ ಎಂದು ಅಮೆರಿಕ ಹೇಳುತ್ತಿದೆ. ಈ ಪರಸ್ಪರ ನಂಬಿಕೆಯ ಕೊರತೆಯೇ ಮೊದಲ ಅಡೆತಡೆಯಾಗಿದೆ.

ಇರಾನ್ ದಶಕಗಳಿಂದ ಅಮೆರಿಕದ ಕಠಿಣ ಆರ್ಥಿಕ ದಿಗ್ಬಂಧನಗಳಿಂದ ಜರ್ಜರಿತವಾಗಿದೆ. ಶಾಂತಿ ಒಪ್ಪಂದಕ್ಕೆ ಬರುವ ಮೊದಲು ತನಗೆ ಆರ್ಥಿಕ ಸ್ವಾತಂತ್ರ್ಯ ಬೇಕು ಎಂಬುದು ಇರಾನ್ ಆಗ್ರಹ ಮಾಡುತ್ತಿದೆ.

ಇರಾನ್ ಬೇಡಿಕೆ: ತೈಲ ಮಾರಾಟ ಮತ್ತು ಅಂತಾರಾಷ್ಟ್ರೀಯ ಬ್ಯಾಂಕಿಂಗ್ ವ್ಯವಹಾರದ ಮೇಲಿರುವ ಎಲ್ಲಾ ನಿರ್ಬಂಧಗಳನ್ನು ತಕ್ಷಣವೇ ತೆಗೆದುಹಾಕಬೇಕು.

ಅಮೆರಿಕದ ಲೆಕ್ಕಾಚಾರ: ಇರಾನ್ ತನ್ನ ಪರಮಾಣು ಚಟುವಟಿಕೆಯನ್ನು ಸಂಪೂರ್ಣ ನಿಲ್ಲಿಸುವ ಭರವಸೆ ನೀಡುವವರೆಗೂ ನಾವು ಎಲ್ಲಾ ದಿಗ್ಬಂಧನಗಳನ್ನು ತೆರವುಗೊಳಿಸುವುದಿಲ್ಲ ಎಂದು ಬಿಡೆನ್ ಅಥವಾ ಟ್ರಂಪ್ ಆಡಳಿತ ಇಬ್ಬರೂ ಒಮ್ಮತದ ನಿಲುವು ಹೊಂದಿದ್ದಾರೆ.

ಇರಾನ್‌ನ ಅತ್ಯಂತ ಪ್ರಬಲ ಮಿಲಿಟರಿ ಶಕ್ತಿ 'ಇಸ್ಲಾಮಿಕ್ ರೆವಲ್ಯೂಷನರಿ ಗಾರ್ಡ್ ಕಾರ್ಪ್ಸ್' (IRGC). ಇದನ್ನು ಅಮೆರಿಕ 'ವಿದೇಶಿ ಭಯೋತ್ಪಾದಕ ಸಂಘಟನೆ ಎಂದು ಘೋಷಿಸಿದೆ.

ಭಾವನಾತ್ಮಕ ವಿವಾದ: ತನ್ನ ಮಿಲಿಟರಿ ಪಡೆಯನ್ನು ಭಯೋತ್ಪಾದಕ ಪಟ್ಟಿಯಿಂದ ಹೊರಗಿಡಬೇಕು ಎಂಬುದು ಇರಾನ್‌ನ ಪ್ರಮುಖ ಷರತ್ತು.

ರಾಜಕೀಯ ಸಂಕಷ್ಟ: ಅಮೆರಿಕದಲ್ಲಿ ಇರಾನ್ ವಿರೋಧಿ ಲಾಬಿ ಪ್ರಬಲವಾಗಿದೆ. IRGC ಮೇಲಿನ ಭಯೋತ್ಪಾದಕ ಹಣೆಪಟ್ಟಿಯನ್ನು ತೆಗೆದರೆ ಅಮೆರಿಕ ಅಧ್ಯಕ್ಷರು ದೇಶದ ಒಳಗೆ ಭಾರಿ ರಾಜಕೀಯ ವಿರೋಧ ಎದುರಿಸಬೇಕಾಗುತ್ತದೆ. ಇದೇ ಕಾರಣಕ್ಕೆ ಈ ಸಂಧಾನ ಪ್ರಕ್ರಿಯೆ ಕುಂಟುತ್ತಾ ಸಾಗಿದೆ.

ಈ ಮೂರು ಸಂಕೀರ್ಣ ವಿಷಯಗಳ ನಡುವೆ ಪಾಕಿಸ್ತಾನದ ಸೇನಾ ಮುಖ್ಯಸ್ಥ ಜನರಲ್ ಅಸಿಮ್ ಮುನೀರ್ ಮಧ್ಯವರ್ತಿಯಾಗಿ ಕೆಲಸ ಮಾಡುತ್ತಿದ್ದಾರೆ. ಇರಾನ್ ನಾಯಕರೊಂದಿಗೆ ಹಳೆಯ ನಂಟು ಹೊಂದಿರುವ ಮುನೀರ್, ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರಿಗೂ ಆಪ್ತರಾಗಲು ಪ್ರಯತ್ನಿಸುತ್ತಿದ್ದಾರೆ. ಆದರೆ, ಅಮೆರಿಕದ ಗುಪ್ತಚರ ವಲಯವು ಪಾಕಿಸ್ತಾನದ ಈ ಹಸ್ತಕ್ಷೇಪವನ್ನು ಅಪಾಯಕಾರಿ ಮುನ್ಸೂಚನೆ ಎಂದು ಪರಿಗಣಿಸಿದೆ.

ಮುಂದಿನ ವಾರ ಇಸ್ಲಾಮಾಬಾದ್‌ನಲ್ಲಿ ನಡೆಯಲಿರುವ ಶೃಂಗಸಭೆಯಲ್ಲಿ ಟ್ರಂಪ್ ಭಾಗವಹಿಸುವ ಸಾಧ್ಯತೆ ಇದೆ. ಒಂದು ವೇಳೆ ಈ ಮೂರು ಕಗ್ಗಂಟುಗಳಿಗೆ ಪರಿಹಾರ ಸಿಗದಿದ್ದರೆ, ಪಶ್ಚಿಮ ಏಷ್ಯಾದಲ್ಲಿ ಯುದ್ಧದ ಜ್ವಾಲೆ ಮತ್ತಷ್ಟು ಭೀಕರವಾಗಲಿದೆ. ಅಮೆರಿಕ ತನ್ನ ದಿಗ್ಬಂಧನ ಸಡಿಲಿಸುತ್ತದೆಯೇ? ಅಥವಾ ಇರಾನ್ ತನ್ನ ಪರಮಾಣು ಹಠ ಬಿಡುತ್ತದೆಯೇ? ಎಂಬುದೇ ಸದ್ಯದ ಯಕ್ಷಪ್ರಶ್ನೆಯಾಗಿದೆ,(ಏಜೆನ್ಸೀಸ್).