ರಫೆಲ್ ಮತ್ತು F-35 ಸಾಮರ್ಥ್ಯಕ್ಕೆ ಬಿತ್ತು ದೊಡ್ಡ ಪೆಟ್ಟು! ಇರಾನ್ ಮಾಸ್ಟರ್ ಸ್ಟ್ರೋಕ್! ಚೀಪ್ ಡ್ರೋನ್ ಇಡೀ ಜಗತ್ತನ್ನೇ ನಡುಗಿಸಿದ್ದೇಕೆ..? Drone Warfare

ಇಷ್ಟು ದಿನ ಅಮೇರಿಕಾ ಮತ್ತು ಇಸ್ರೇಲ್ ತಮ್ಮ ಬಳಿ ಇರುವ ಥಾಡ್​, ಮತ್ತು ಡೇವಿಡ್​ ಸ್ಲಾಂಗ್​ನಂತಹ ಕ್ಷಿಪಣಿ ರಕ್ಷಣಾ ಕವಚಗಳ ಮೇಲೆ ಅತಿಯಾದ ನಂಬಿಕೆ ಇಟ್ಟಿದ್ದವು. ಆದರೆ, ಇರಾನ್ ತನ್ನ ಶಾಹೀದ್-136 ನಂತಹ ಒನ್-ವೇ ಅಟ್ಯಾಕ್ ಡ್ರೋನ್‌ಗಳ ಮೂಲಕ ಈ ಭದ್ರತಾ ಕೋಟೆಯನ್ನು ಭೇದಿಸಿದೆ.

ಲಕ್ಷಾಂತರ ಡಾಲರ್ ಬೆಲೆಯ ಒಂದು ಇಂಟರ್ಸೆಪ್ಟರ್ ಕ್ಷಿಪಣಿಯು ಕೇವಲ ಕೆಲವು ಸಾವಿರ ಡಾಲರ್ ಬೆಲೆಯ ಡ್ರೋನ್ ಅನ್ನು ಹೊಡೆದುರುಳಿಸಲು ಬಳಕೆಯಾಗುತ್ತಿದೆ. ಇರಾನ್ ಏಕಕಾಲಕ್ಕೆ ನೂರಾರು ಅಥವಾ ಸಾವಿರಾರು ಡ್ರೋನ್‌ಗಳನ್ನು ನುಗ್ಗಿಸಿದಾಗ, ಈ ದುಬಾರಿ ರಕ್ಷಣಾ ವ್ಯವಸ್ಥೆಗಳು ಅಸಹಾಯಕವಾಗುತ್ತಿವೆ. ಇದು ಕೇವಲ ಶಸ್ತ್ರಾಸ್ತ್ರಗಳ ಯುದ್ಧವಲ್ಲ, ಬದಲಿಗೆ ಆರ್ಥಿಕ ಯುದ್ಧವೂ ಹೌದು ಎಂದು ಇರಾನ್ ಸಾಬೀತುಪಡಿಸಿದೆ.

ಇರಾನ್ ಮತ್ತು ಇಸ್ರೇಲ್ ನಡುವಿನ ಈ ಸಂಘರ್ಷ ಭಾರತದಂತಹ ದೊಡ್ಡ ರಾಷ್ಟ್ರಗಳಿಗೆ ದೊಡ್ಡ ಎಚ್ಚರಿಕೆಯ ಕರೆ ನೀಡಿದೆ. ಕೇವಲ ದೊಡ್ಡ ಶಸ್ತ್ರಾಸ್ತ್ರಗಳನ್ನು ಹೊಂದುವುದರಿಂದ ಯುದ್ಧ ಗೆಲ್ಲಲು ಸಾಧ್ಯವಿಲ್ಲ ಎಂಬುದು ಈಗ ಸ್ಪಷ್ಟವಾಗಿದೆ.

ಲೇಸರ್ ಶಸ್ತ್ರಾಸ್ತ್ರಗಳ ಅಗತ್ಯ: ಭಾರತದ ಬಳಿ S-400, ಆಕಾಶ್ NG ಮತ್ತು ಪೃಥ್ವಿ ಏರ್ ಡಿಫೆನ್ಸ್ ವ್ಯವಸ್ಥೆಗಳಿದ್ದರೂ, ಡ್ರೋನ್ ಸಮೂಹಗಳನ್ನು ಎದುರಿಸಲು ಇವು ಸಾಲದು. ಭಾರತವು ಈಗ ಲೇಸರ್ ಆಧಾರಿತ ಡೈರೆಕ್ಟ್-ಎನರ್ಜಿ ವೆಪನ್ಸ್ ಕಡೆಗೆ ಗಮನಹರಿಸಬೇಕಿದೆ. ಡಿಆರ್‌ಡಿಒದ ಸೂರ್ಯ ಕಾರ್ಯಕ್ರಮವು ಈ ನಿಟ್ಟಿನಲ್ಲಿ ಅತ್ಯಂತ ನಿರ್ಣಾಯಕವಾಗಿದೆ.

ಸಬ್‌ಮರೀನ್ ಕೊರತೆ: ಅಮೇರಿಕಾದ ವರ್ಜೀನಿಯಾ ಕ್ಲಾಸ್ ಸಬ್‌ಮರೀನ್‌ಗಳು ರಹಸ್ಯ ದಾಳಿ ನಡೆಸುವಲ್ಲಿ ಎತ್ತಿದ ಕೈ. ಭಾರತದ ಐಎನ್‌ಎಸ್ ವಿಕ್ರಮಾದಿತ್ಯ ಮತ್ತು ವಿಕ್ರಾಂತ್ ಹಡಗುಗಳಿದ್ದರೂ, ಪರಮಾಣು ಚಾಲಿತ ಅಟ್ಯಾಕ್ ಸಬ್‌ಮರೀನ್‌ಗಳ ಕೊರತೆ ಭಾರತವನ್ನು ಕಾಡುತ್ತಿದೆ.

ಸ್ವದೇಶಿ ಡ್ರೋನ್ ಉತ್ಪಾದನೆ: ಇರಾನ್ ಹೇಗೆ ತನ್ನ ಕಡಿಮೆ ವೆಚ್ಚದ ತಂತ್ರಜ್ಞಾನದಿಂದ ಅಮೇರಿಕಾವನ್ನು ಇಕ್ಕಟ್ಟಿಗೆ ಸಿಲುಕಿಸಿದೆಯೋ, ಅದೇ ರೀತಿ ಭಾರತವು ತನ್ನದೇ ಆದ ಬೃಹತ್ ಡ್ರೋನ್ ಪಡೆಯನ್ನು ನಿರ್ಮಿಸಬೇಕಿದೆ.

ಇರಾನ್ ಕೇವಲ ಡ್ರೋನ್‌ಗಳ ಮೇಲೆ ಅವಲಂಬಿತವಾಗಿಲ್ಲ. ಅಮೇರಿಕಾದ ರೇಡಾರ್‌ಗಳಿಗೂ ಸಿಗದ ಹೈಪರ್ಸಾನಿಕ್ ಕ್ಷಿಪಣಿಗಳನ್ನು ಬಳಸಿ ಇಸ್ರೇಲ್‌ನ ಭದ್ರತಾ ವ್ಯವಸ್ಥೆಯನ್ನು ಗಾಬರಿಗೊಳಿಸಿದೆ. ಭಾರತದ ಬಳಿ ಬ್ರಹ್ಮೋಸ್ ಮತ್ತು ಅಗ್ನಿಯಂತಹ ಶಕ್ತಿಶಾಲಿ ಕ್ಷಿಪಣಿಗಳಿದ್ದರೂ, ಇಂದಿನ ಯುದ್ಧತಂತ್ರಕ್ಕೆ ಅನುಗುಣವಾಗಿ ಅವುಗಳನ್ನು ಬಳಸುವ ಸ್ಟ್ರಾಟಜಿ ಬದಲಾಗಬೇಕಿದೆ.

ಒಟ್ಟಾರೆಯಾಗಿ, ಇರಾನ್ ಜಗತ್ತಿಗೆ ಒಂದು ವಿಷಯವನ್ನಂತೂ ಮನವರಿಕೆ ಮಾಡಿಕೊಟ್ಟಿದೆ. ಯುದ್ಧ ಗೆಲ್ಲಲು ಕೇವಲ ದುಬಾರಿ ಆಟಿಕೆಗಳಿದ್ದರೆ ಸಾಲದು, ಶತ್ರುವನ್ನು ಹಣ್ಣುಗಾಯಿ ನೀರುಗಾಯಿ ಮಾಡುವ ಬುದ್ಧಿವಂತ ತಂತ್ರಜ್ಞಾನ ಮತ್ತು ಧೈರ್ಯವಿರಬೇಕು. ಭಾರತವು ಈಗ ತನ್ನ ರಕ್ಷಣಾ ಬಜೆಟ್ ಅನ್ನು ಕೇವಲ ದೊಡ್ಡ ವಿಮಾನಗಳ ಮೇಲೆ ಖರ್ಚು ಮಾಡದೆ, ಭವಿಷ್ಯದ ಡ್ರೋನ್ ಮತ್ತು ಲೇಸರ್ ತಂತ್ರಜ್ಞಾನದತ್ತ ತಿರುಗಿಸಬೇಕಿದೆ,(ಏಜೆನ್ಸೀಸ್).