ಅಂದಹಾಗೆ, ಆಸ್ಟ್ರೇಲಿಯಾದ ಪ್ರಧಾನಿ ಆಂಥೋನಿ ಅಲ್ಬನೀಸ್ ಈ ಹಿಂದೆ ಕಾರ್ಮೆಲ್ ಟೆಬಟ್ ಎಂಬುವರನ್ನು ವಿವಾಹವಾಗಿದ್ದರು. 2000 ಇಸವಿಯಲ್ಲಿ ಮದುವೆಯಾಗಿ 2019 ರಲ್ಲಿ ವಿಚ್ಛೇದನ ಪಡೆದರು. ಅವರಿಗೆ ಒಬ್ಬ ಮಗನೂ ಇದ್ದಾನೆ. ಕಾರ್ಮೆಲ್ ಟೆಬಟ್ ಅವರು ಆಸ್ಟ್ರೇಲಿಯಾದ ಮಾಜಿ ರಾಜಕಾರಣಿ ಕೂಡ ಹೌದು. ಲೇಬರ್ ಪಾರ್ಟಿಯ ಸದಸ್ಯರಾಗಿ 1998 ರಿಂದ 2015ರವರೆಗೆ ನ್ಯೂ ಸೌತ್ ವೇಲ್ಸ್ ವಿಧಾನಸಭೆಯಲ್ಲಿ ಮರಿಕ್ವಿಲ್ ಕ್ಷೇತ್ರದ ಪ್ರತಿನಿಧಿಯಾಗಿದ್ದರು. 2008ರಿಂದ 2011ರವರೆಗೆ ಅವರು ನ್ಯೂ ಸೌತ್ ವೇಲ್ಸ್ನ ಉಪ-ಮುಖ್ಯಮಂತ್ರಿಯಾಗಿ ಸೇವೆ ಸಲ್ಲಿಸಿದ್ದು, ರಾಜ್ಯದ ಮೊದಲ ಮಹಿಳಾ ಉಪ-ಮುಖ್ಯಮಂತ್ರಿಯಾಗಿ ಇತಿಹಾಸ ಬರೆದಿದ್ದಾರೆ. ಅಲ್ಲದೆ, ಆರೋಗ್ಯ, ಶಿಕ್ಷಣ ಮತ್ತು ಸಾಮಾಜಿಕ ಸೇವೆಗಳ ಇಲಾಖೆಗಳಲ್ಲಿ ಸಚಿವರಾಗಿ ಕೆಲಸ ಮಾಡಿದ್ದಾರೆ. 2000ರಲ್ಲಿ ಆಸ್ಟ್ರೇಲಿಯಾ ಪ್ರಧಾನಿಯಾದ ಆಂಥೋನಿ ಅಲ್ಬನೀಸ್ರನ್ನು ವಿವಾಹವಾದ ಅವರು, 2019ರಲ್ಲಿ ವಿಚ್ಛೇದನ ಪಡೆದರು. ನಾಥನ್ ಹೆಸರಿನ ಓರ್ವ ಪುತ್ರನಿದ್ದಾನೆ. ರಾಜಕೀಯದಿಂದ ನಿವೃತ್ತರಾದ ನಂತರ, 2015ರಿಂದ 2018ರವರೆಗೆ ಮೆಡಿಕಲ್ ಡೀನ್ಸ್ ಆಸ್ಟ್ರೇಲಿಯಾ ಮತ್ತು ನ್ಯೂಜಿಲೆಂಡ್ನ ಸಿಇಒ ಆಗಿ, 2018 ರಿಂದ 2023 ರವರೆಗೆ ಮೆಂಟಲ್ ಹೆಲ್ತ್ ಕೋರ್ಡಿನೇಟಿಂಗ್ ಕೌನ್ಸಿಲ್ನ ಸಿಇಒ ಆಗಿ ಸೇವೆ ಸಲ್ಲಿಸಿದ್ದಾರೆ.
