ಟರ್ಕಿಯಲ್ಲಿ ವಿಮಾನ ಅಪಘಾತ: ಲಿಬಿಯಾ ಸೇನಾ ಮುಖ್ಯಸ್ಥ ಸೇರಿ 8 ಅಧಿಕಾರಿಗಳು ಸಜೀವ ದಹನ!

ಅಪಘಾತಕ್ಕೊಳಗಾದ ವಿಮಾನವು ಡಸಾಲ್ಟ್ ಫಾಲ್ಕನ್ 50 ಮಾದರಿಯ ಖಾಸಗಿ ಜೆಟ್ ಆಗಿದ್ದು, ಅಂಕಾರಾದ ಎಸೆನ್‌ಬೋಗಾ ವಿಮಾನ ನಿಲ್ದಾಣದಿಂದ ಟ್ರಿಪೋಲಿಗೆ ಹೊರಟಿತ್ತು. ಸ್ಥಳೀಯ ಸಮಯ ಸಂಜೆ 8:10ಕ್ಕೆ ಟೇಕ್‌ಆಫ್ ಆದ ನಂತರ ಸುಮಾರು 40 ನಿಮಿಷಗಳಲ್ಲಿ ರೇಡಿಯೋ ಸಂಪರ್ಕ ಕಡಿತಗೊಂಡಿತು. ವಿಮಾನದಲ್ಲಿ ವಿದ್ಯುತ್ ದೋಷ ಉಂಟಾಗಿ ತುರ್ತು ಲ್ಯಾಂಡಿಂಗ್ ಕೋರಿತ್ತು. ಆದರೆ, ದುರದೃಷ್ಟವಶಾತ್​ ಪತನವಾಗಿದೆ ಎಂದು ಟರ್ಕಿ ಅಧಿಕಾರಿಗಳು ತಿಳಿಸಿದ್ದಾರೆ.

ಲಿಬಿಯಾ ಸರ್ಕಾರದ ಪ್ರಧಾನಿ ಅಬ್ದುಲ್ ಹಮೀದ್ ದ್ಬೇಬಾ ಅವರು ಈ ದುರಂತವನ್ನು ದೃಢಪಡಿಸಿ, "ದೇಶಕ್ಕೆ ದೊಡ್ಡ ನಷ್ಟ" ಎಂದು ಕರೆದಿದ್ದಾರೆ. ಈ ಅಪಘಾತದಿಂದಾಗಿ ಲಿಬಿಯಾದಲ್ಲಿ ಮೂರು ದಿನಗಳ ರಾಷ್ಟ್ರೀಯ ದುಃಖಾಚರಣೆ ಘೋಷಿಸಲಾಗಿದೆ.

ಮೃತರಲ್ಲಿ ಇತರರು: ಗ್ರೌಂಡ್ ಫೋರ್ಸಸ್ ಮುಖ್ಯಸ್ಥ ಮೇಜರ್ ಜನರಲ್ ಅಲ್-ಫಿತೂರಿ ಘರೀಬಿಲ್, ಮಿಲಿಟರಿ ಮ್ಯಾನುಫ್ಯಾಕ್ಚರಿಂಗ್ ಅಥಾರಿಟಿ ನಿರ್ದೇಶಕ ಬ್ರಿಗೇಡಿಯರ್ ಜನರಲ್ ಮಹ್ಮೂದ್ ಅಲ್-ಖತಾವಿ, ಸಲಹೆಗಾರ ಮೊಹಮ್ಮದ್ ಅಲ್-ಅಸಾವಿ ಡಯಾಬ್ ಮತ್ತು ಫೋಟೋಗ್ರಾಫರ್ ಮೊಹಮ್ಮದ್ ಒಮರ್ ಅಹ್ಮದ್ ಮಹ್ಜೂಬ್.

ಲಿಬಿಯಾದಲ್ಲಿ 2011ರ ನಂತರದ ಅಸ್ಥಿರತೆಯ ನಡುವೆ ಅಲ್-ಹಡ್ಡಾದ್ ಅವರು ಪಶ್ಚಿಮ ಲಿಬಿಯಾದ ಪ್ರಮುಖ ಸೇನಾ ನಾಯಕರಾಗಿದ್ದರು ಮತ್ತು ಸೇನಾ ಏಕೀಕರಣ ಪ್ರಯತ್ನಗಳಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು.ಈ ದುರಂತವು ಲಿಬಿಯಾ ಮತ್ತು ಟರ್ಕಿ ನಡುವಿನ ಸಂಬಂಧಗಳ ಮೇಲೆ ಪ್ರಭಾವ ಬೀರಬಹುದು ಎಂಬ ಆತಂಕ ವ್ಯಕ್ತವಾಗಿದೆ,(ಏಜೆನ್ಸೀಸ್​).