ಈ ಘಟನೆಯಲ್ಲಿ ಗಾಯಗೊಂಡಿರುವ ವಿಮಾನದ ಪೈಲಟ್ ಮತ್ತು ಸಹ-ಪೈಲಟ್ ಇಬ್ಬರನ್ನೂ ಆಸ್ಪತ್ರೆಗೆ ಸೇರಿಸಲಾಗಿದೆ ಎಂದು ತಬುಕ್ ವಿಮಾನ ನಿಲ್ದಾಣ ನಿರ್ವಹಣಾ ಸಂಸ್ಥೆ ತಿಳಿಸಿದೆ. ವಿಮಾನದಲ್ಲಿದ್ದ ಎಲ್ಲಾ ಪ್ರಯಾಣಿಕರು ಹಾಗೂ ಸಿಬ್ಬಂದಿ ಸುರಕ್ಷಿತವಾಗಿದ್ದಾರೆ.
ಹೈಜಾಕ್ ಕೋಡ್ ರವಾನೆ!...
ಟೈಮ್ಸ್ ಆಫ್ ಇಸ್ರೇಲ್ ವರದಿಯ ಪ್ರಕಾರ, ವಿಮಾನವು ಗಾಳಿಯಲ್ಲಿದ್ದಾಗ ಮೊದಲು ಸಾಮಾನ್ಯ ತುರ್ತು ಸಂಕೇತವನ್ನು ರವಾನಿಸಿತ್ತು. ಆದರೆ ಕೆಲವೇ ಕ್ಷಣಗಳಲ್ಲಿ ಅದನ್ನು ವಿಮಾನ ಹೈಜಾಕ್ ಕೋಡ್ಗೆ ಬದಲಾಯಿಸಿತು. ಮೊದಲ ತುರ್ತು ಸಂಕೇತ ರವಾನೆಯಾಗುವ ಮುನ್ನ, ವಿಮಾನವು ಕೇವಲ ಎರಡು ನಿಮಿಷಗಳಲ್ಲಿ ಸುಮಾರು 17,400 ಅಡಿಗಳಷ್ಟು ಕೆಳಗೆ ಹಠಾತ್ತನೆ ಕುಸಿದಿತ್ತು. ವಿಮಾನವು ಅಪಹರಣದ ಸೂಚಕ ಕೋಡ್ 'Squawk 7500' ರವಾನಿಸುತ್ತಿದ್ದಂತೆಯೇ, ಇಸ್ರೇಲಿ ವಾಯುಪಡೆಯ ಫೈಟರ್ ಜೆಟ್ಗಳು ಮುನ್ನೆಚ್ಚರಿಕೆಯಾಗಿ ವಿಮಾನದತ್ತ ಧಾವಿಸಿದವು.
ಜೋರ್ಡಾನ್ ಮಾರ್ಗವಾಗಿ ಸೌದಿ ಪ್ರವೇಶಿಸಿದ ವಿಮಾನ
ಫ್ಲೈಟ್ರಾಡಾರ್ 24 (Flightradar24) ಮಾಹಿತಿ ಪ್ರಕಾರ, ತೆಲ್ ಅವೀವ್ಗೆ ತೆರಳಬೇಕಿದ್ದ ವಿಮಾನವು ಇಸ್ರೇಲ್ ಕಡೆಗೆ ಹೋಗದೆ, ಜೋರ್ಡಾನ್ ವಾಯುಪ್ರದೇಶದ ಮೂಲಕ ಸೌದಿ ಅರೇಬಿಯಾದತ್ತ ಸಾಗಿ, ತಬುಕ್ನಲ್ಲಿ ಲ್ಯಾಂಡ್ ಆಯಿತು. ಈ ಹೈಡ್ರಾಮಾದ ನಂತರ, ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಅವರು ಹಿರಿಯ ಅಧಿಕಾರಿಗಳೊಂದಿಗೆ ತುರ್ತು ಸಮಾಲೋಚನೆ ನಡೆಸಿದ್ದು, ಪ್ರಸ್ತುತ ಪರಿಸ್ಥಿತಿ ಸಪೂರ್ಣ ನಿಯಂತ್ರಣದಲ್ಲಿದೆ ಎಂದು ಪ್ರಧಾನಿ ಕಚೇರಿ ತಿಳಿಸಿದೆ.
ಬರಲಿರುವ ಚುನಾವಣೆಗೆ ಮುನ್ನ ಇಸ್ರೇಲ್ನ ಶತ್ರುಗಳು ಇಂತಹ ದಾಳಿಗಳಿಗೆ ಯತ್ನಿಸಬಹುದು ಎಂದು ನೆತನ್ಯಾಹು ಮುಂಚಿತವಾಗಿಯೇ ಎಚ್ಚರಿಸಿದ್ದರು. ಯಾವುದೇ ಕೃತ್ಯವೆಸಗಿದರೂ ಇಸ್ರೇಲ್ನ ದೊಡ್ಡ ಬಾಹುಗಳು ಶತ್ರುಗಳನ್ನು ಬಿಡುವುದಿಲ್ಲ ಎಂದು ಅವರು ಹೇಳಿದ್ದ ಬೆನ್ನಲ್ಲೇ ಈ ಘಟನೆ ಸಂಭವಿಸಿದೆ(ಏಜೆನ್ಸೀಸ್).
