ಪಾಕಿಸ್ತಾನದ 'ಭಿಕಾರಿ'ತನ ಜಗಜ್ಜಾಹಿರು: ಬೆಂಕಿ ಆರಿಸಲು ಬಕೆಟ್ ಹಿಡಿದು ಬಂದ ಅಗ್ನಿಶಾಮಕ ಸಿಬ್ಬಂದಿ; ವಿಡಿಯೋ ವೈರಲ್​ | Pakistan

Pakistan : ಪಾಕಿಸ್ತಾನದಲ್ಲಿ ತಿನ್ನಲು ಅನ್ನವಿಲ್ಲದಿದ್ದರೂ ಬಂದೂಕಿಗೆ ಗುಂಡಿನ ವ್ಯವಸ್ಥೆಯನ್ನು ಮಾಡಿಕೊಂಡಿರುತ್ತಾರೆ ಎಂದು ಗೇಲಿ ಮಾಡುವುದನ್ನು ನಾವು ಕೇಳಿರುತ್ತದೆ.

ಪಾಕಿಸ್ತಾನ ಆರ್ಥಿಕ ದಿವಾಳಿಯಾಗಿದೆಯಂತೆ, ವಿಶ್ವಬ್ಯಾಂಕ್​ ಮತ್ತು ಐಎಮ್​ಎಫ್​ಗಳ ಸಾಲವನ್ನು ಈ ಜನ್ಮದಲ್ಲಿ ತಿರಿಸಲು ಸಾಧ್ಯವೇ ಇಲ್ಲವಂತೆ ಎಂಬ ಮಾತನ್ನೂ ಸಹ ಕೇಳಿರುತ್ತೆವೆ. ಈ ರೀತಿಯ ವಿಚಾರಗಳಿಗೆ ನಿದರ್ಶನವೆಂಬಂತ ಘಟನೆಯೊಂದು ಪಾಕಿಸ್ತಾನದಲ್ಲಿ ನಡೆದಿದ್ದು ಈಗ ಸಾಮಾಜಿಕ ಮಾಧ್ಯಮಗಳಲ್ಲಿ ಈ ವಿಡಿಯೋ ಲಕ್ಷಾಂತರ ವೀಕ್ಷಣೆಯನ್ನು ಪಡೆದುಕೊಳ್ಳುತ್ತಿದೆ.

ಅಷ್ಟಕ್ಕೂ ಈ ವಿಡಿಯೋದಲ್ಲಿ ಏನಿದೆ ಎಂದರೆ, ಪಾಕಿಸ್ತಾನದ ದಿಪ್ಲಾಪುರ ಎಂಬಲ್ಲಿ ಅಗ್ನಿ ದುರಂತವೊಂದು ಸಂಭವಿಸಿದ್ದು, ಅದನ್ನು ನಿಯಂತ್ರಿಸಲು ಸ್ಥಳೀಯರು ಅಗ್ನಿಶಾಮಕ ದಳದವರಿಗೆ ಮಾಹಿತಿ ನೀಡಿದ್ದಾರೆ. ಅಗ್ನಿಶಾಮಕದವರು ಸ್ಥಳಕ್ಕೆ ಬಂದು ಕೆಲವೇ ನಿಮಿಷಗಳಲ್ಲಿ ಬೆಂಕಿಯನ್ನು ಆರಿಸುತ್ತಾರೆ ಎಂದು ಭಾವಿಸಿದ್ದ ಜನರಿಗೆ ಆಶ್ಚರ್ಯವೊಂದು ಕಾದಿತ್ತು.

ಮಾಹಿತಿ ದೊರೆತ ನಂತರ ಸ್ಥಳಕ್ಕೆ ಆಗಮಿಸಿದ ಅಗ್ನಿಶಾಮಕದವರು ಆಧುನಿಕ ಪೈಪ್​ಗಳು ಮತ್ತು, ಶರವೇಗದಲ್ಲಿ ಬೆಂಕಿಯನ್ನು ಆರಿಸುವ ಯಂತ್ರೋಪಕರಣಗಳನ್ನು ತೆಗೆಯುವ ಬದಲು, ವಾಹನದಿಂದ ಬಕೆಟ್​ಗಲನ್ನು ತೆಗೆದು ಹತ್ತಿರದ ನಳದಲ್ಲಿ ನೀರನ್ನು ತುಂಬಿಸಿ, ಬೆಂಕಿಯನ್ನು ಆರಿಸಲು ಶುರು ಮಾಡಿದ್ದಾರೆ. ಈ ವಿಡಿಯೋ ಈಗ ಸಾಮಾಜಿಕ ಮಾಧ್ಯಮಗಳಲ್ಲಿ ಸಖತ್​ ವೈರಲ್​ ಆಗುತ್ತಿದ್ದು, ಪಾಕಿಸ್ತಾನದ ಭಿಕಾರತನಕ್ಕೆ ಜನ ಚಿ-ತು ಎಂದು ಉಗಿಯುತ್ತಿದ್ದಾರೆ.

ಇವರ ಮನೆಗೆ ಬೆಂಕಿ ಬಿದ್ದರೆ ಆರಿಸಲು ನೀರಿನ ಗತಿಯಿಲ್ಲ, ಇನ್ನೂ ಇವರಿಗೆನ ಕಾಶ್ಮೀರ ಬೇಕಂತೆ ಎಂದು ಒಬ್ಬ ಬಳಕೆದಾರ ಕಮೆಂಟ್​ ಮಾಡಿದರೆ, ಪ್ರತಿದಿನ ಜಗತ್ತಿನ ಮುಂದೆ ಮಾನವನ್ನು ಹರಾಜು ಹಾಕಿಕೊಳ್ಳುವುದು ಇವರಿಗೆ ಅಭ್ಯಾಸವಾಗಿದೆ ಎಂದು ಇನ್ನೊಬ್ಬ ಬಳಕೆದಾರ ಕಮೆಂಟ್​ ಮಾಡಿದ್ದಾರೆ.

ವೈರಲ್​ ಆಗುತ್ತಿರುವ ಈ ವಿಡಿಯೋ ಪಾಕಿಸ್ತಾನದಲ್ಲಿರುವ ಜನರ ನೈಜ ಚಿತ್ರಣವನ್ನು ಜಗತ್ತಿಗೆ ತೋರಿಸುತ್ತಿದ್ದು, ಕನಿಷ್ಟ ಮೂಲಸೌಕರ್ಯವನ್ನು ಪಡೆಯಲು ಸಾಧ್ಯವಾಗದ ಹಂತವನ್ನು ಈ ದೇಶ ತಲುಪಿದೆ ಎಂದು ಪರಿಣಿತರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಈ ವಿಡಿಯೋಗೆ ಪಾಕಿಸ್ತಾನದ ಕಡೆಯಿಂದ ಇಲ್ಲಿವರೆಗೆ ಯಾವುದೇ ಸ್ಪಷ್ಟಣೆ ಬಂದಿಲ್ಲವಾದರೂ, ಈ ರೀತಿಯ ದುರ್ವ್ಯವಸ್ಥೆ ಯಾವ ದೇಶದಲ್ಲಿಯೂ ಇರಬಾರದು ಎನ್ನುವುದು ಜಾಗತಿಕ ತಜ್ಞರ ಅಭಿಪ್ರಾಯವಾಗಿದೆ,(ಏಜನ್ಸೀಸ್​).