ವಿದೇಶ

ಜನದಟ್ಟಣೆಯ ಪ್ರದೇಶದಲ್ಲೇ ಪಾಕಿಸ್ತಾನದ ಖ್ಯಾತ ಟಿಕ್‌ಟಾಕ್ ಸ್ಟಾರ್ ಬರ್ಬರ ಹತ್ಯೆ: ಹಾಡಹಗಲಲ್ಲೇ ನಡೆದ ಭೀಕರ ಕೃತ್ಯ! Pakistani TikToker

ಜನದಟ್ಟಣೆಯ ಪ್ರದೇಶದಲ್ಲೇ ಪಾಕಿಸ್ತಾನದ ಖ್ಯಾತ ಟಿಕ್‌ಟಾಕ್ ಸ್ಟಾರ್ ಬರ್ಬರ ಹತ್ಯೆ: ಹಾಡಹಗಲಲ್ಲೇ ನಡೆದ ಭೀಕರ ಕೃತ್ಯ! Pakistani TikToker
ಜನದಟ್ಟಣೆಯ ಪ್ರದೇಶದಲ್ಲೇ ಪಾಕಿಸ್ತಾನದ ಖ್ಯಾತ ಟಿಕ್‌ಟಾಕ್ ಸ್ಟಾರ್ ಬರ್ಬರ ಹತ್ಯೆ: ಹಾಡಹಗಲಲ್ಲೇ ನಡೆದ ಭೀಕರ ಕೃತ್ಯ! Pakistani TikToker
Published on: 

ಪ್ರಮುಖ ಮುಖ್ಯಾಂಶಗಳು

  • ಪಾಕಿಸ್ತಾನದ ಖ್ಯಾತ ಟಿಕ್‌ಟಾಕ್ ಸ್ಟಾರ್ ಆಯೇಷಾ ಗಿಲಾನಿ ಹಾಡಹಗಲಲ್ಲೇ ದುಷ್ಕರ್ಮಿಗಳಿಂದ ಗುಂಡಿಕ್ಕಿ ಬರ್ಬರ ಹತ್ಯೆ
  • ಮನೆಗೆ ಬಂದ ನಿಗೂಢ ಕರೆಗೆ ಸ್ಪಂದಿಸಿ ತಂಗಿ ಹಾಗೂ ಸಹೋದರನ ಜತೆ ಕಾರಿನಲ್ಲಿ ತೆರಳುತ್ತಿದ್ದಾಗ ನಡೆದ ಅನಿರೀಕ್ಷಿತ ದಾಳಿ
  • ಕಾರನ್ನು ಅಡ್ಡಗಟ್ಟಿ ಇಬ್ಬರು ದುಷ್ಕರ್ಮಿಗಳು ನಡೆಸಿದ ಗುಂಡಿನ ದಾಳಿಯಲ್ಲಿ ಆಯೇಷಾ ಕುತ್ತಿಗೆಗೆ ಗುಂಡು ತಗುಲಿ ಸ್ಥಳದಲ್ಲೇ ಸಾವು
  • ಆಯೇಷಾ ನೀಡಿದ್ದ ಹಣವನ್ನು ಮರಳಿಸುವಂತೆ ಕೇಳಿದ್ದೇ ಕೊಲೆಗೆ ಕಾರಣವೆಂದು ಶಂಕೆ ವ್ಯಕ್ತಪಡಿಸಿದ ಮೃತ ಯುವತಿಯ ತಂದೆ
ಇಸ್ಲಮಾಬಾದ್​: ಪಾಕಿಸ್ತಾನ ಮೂಲದ ಖ್ಯಾತ ಟಿಕ್‌ಟಾಕ್ ಸ್ಟಾರ್ ( Pakistani TikToker ) ಹಾಗೂ ಇನ್‌ಫ್ಲುಯೆನ್ಸರ್ ಆಯೇಷಾ ಗಿಲಾನಿ (Ayesha Gilani) ಎಂಬಾಕೆಯನ್ನು ಇಬ್ಬರು ದುಷ್ಕರ್ಮಿಗಳು ಹಾಡಹಗಲಲ್ಲೇ ಬರ್ಬರವಾಗಿ ಹತ್ಯೆಗೈದಿರುವ ಘಟನೆಯು ಇಡೀ ದೇಶದಾದ್ಯಂತ ಭಾರಿ ಸಂಚಲನ ಮತ್ತು ಆಘಾತವನ್ನುಂಟುಮಾಡಿದೆ.
ಜನದಟ್ಟಣೆಯ ಪ್ರದೇಶದಲ್ಲಿಯೇ ಆಯೇಷಾ ಮೇಲೆ ಮನಬಂದಂತೆ ಗುಂಡು ಹಾರಿಸಿದ್ದಾರೆ. ದುಷ್ಕೃತ್ಯ ಎಸಗಿದ ಬಳಿಕ ಹಂತಕರು ಬೈಕ್‌ನಲ್ಲಿ ಪರಾರಿಯಾಗಿರುವ ದೃಶ್ಯವು ಪಾಕಿಸ್ತಾನದಲ್ಲಿ ಸಾಮಾನ್ಯ ನಾಗರಿಕರು ಹಾಗೂ ಸೆಲೆಬ್ರಿಟಿಗಳ ಸುರಕ್ಷತೆ ಎಷ್ಟು ಹದೆಗೆಟ್ಟಿದೆ ಎಂಬುದಕ್ಕೆ ಕನ್ನಡಿ ಹಿಡಿದಂತಿದೆ. ಈ ಭೀಕರ ಹತ್ಯೆಯು ಸ್ಥಳೀಯವಾಗಿ ತೀವ್ರ ಅಲ್ಲೋಲಕಲ್ಲೋಲ ಸೃಷ್ಟಿಸಿದ್ದು, ಆಯೇಷಾ ಅವರ ಫಾಲೋವರ್ಸ್‌ಗಳು ಮತ್ತು ಅಭಿಮಾನಿಗಳನ್ನು ಶೋಕಸಾಗರದಲ್ಲಿ ಮುಳುಗಿಸಿದೆ.
ಗಿಲಾನಿ ಅವರು ಟಿಕ್‌ಟಾಕ್‌ನಲ್ಲಿ ಬರೋಬ್ಬರಿ 1.3 ಮಿಲಿಯನ್‌ಗೂ ಅಧಿಕ ಫಾಲೋವರ್ಸ್‌ಗಳನ್ನು ಹೊಂದಿದ್ದರು. ಕೊಲೆಯ ನಿಖರವಾದ ಕಾರಣ ತಕ್ಷಣಕ್ಕೆ ಸ್ಪಷ್ಟವಾಗಿಲ್ಲವಾದರೂ, ಹತ್ಯೆಗೂ ಮುನ್ನ ಆಯೇಷಾ ಗಿಲಾನಿಗೆ ಬಂದ ನಿಗೂಢ ದೂರವಾಣಿ ಕರೆಯೇ ಈ ದುರಂತಕ್ಕೆ ಮುನ್ಸೂಚನೆಯಾಗಿತ್ತು ಎನ್ನಲಾಗಿದೆ.
ಫೋನ್ ಮಾಡಿದ ವ್ಯಕ್ತಿ ಆಯೇಷಾ ಅವರನ್ನು ಮನೆಯಿಂದ ಹೊರಗೆ ಬರುವಂತೆ ಸೂಚಿಸಿದ್ದನು. ಅದರಂತೆ ಆಯೇಷಾ ತಮ್ಮ 15 ವರ್ಷದ ತಂಗಿ ಅಸಿಮಾ ಹಾಗೂ ಸಹೋದರ ಇಮತ್ತುಲ್ಲಾ ಜತೆ ಕಾರಿನಲ್ಲಿ ತೆರಳುತ್ತಿದ್ದರು. ಈ ವೇಳೆ 30 ರಿಂದ 35 ವರ್ಷ ವಯಸ್ಸಿನ ಇಬ್ಬರು ದುಷ್ಕರ್ಮಿಗಳು ಏಕಾಏಕಿ ಅವರ ಕಾರನ್ನು ಅಡ್ಡಗಟ್ಟಿ ಮನಬಂದಂತೆ ಗುಂಡಿನ ದಾಳಿ ನಡೆಸಿದ್ದಾರೆ. ಈ ದಾಳಿಯ ಸಂದರ್ಭದಲ್ಲಿ ನೇರವಾಗಿ ಆಯೇಷಾ ಅವರ ಕುತ್ತಿಗೆಗೆ ಗುಂಡು ತಗುಲಿದ್ದು, ಅವರು ಸ್ಥಳದಲ್ಲೇ ಸಾವಿಗೀಡಾಗಿದ್ದಾರೆ.
ಸಹೋದರ ಇಮತ್ತುಲ್ಲಾ ನೀಡಿರುವ ಮಾಹಿತಿಯ ಪ್ರಕಾರ, 30 ರಿಂದ 35 ವರ್ಷ ವಯಸ್ಸಿನ ಇಬ್ಬರು ಹಂತಕರು ದಿಢೀರ್ ದಾಳಿ ನಡೆಸಿದಾಗ ಹಾರಿದ ಗುಂಡು ಆಯೇಷಾ ಅವರ ಕುತ್ತಿಗೆಗೆ ಬಡಿದು ಅವರು ಕಾರಿನಲ್ಲೇ ಪ್ರಾಣಬಿಟ್ಟಿದ್ದಾರೆ. ಇದರಿಂದಾಗಿ ನಿಯಂತ್ರಣ ತಪ್ಪಿದ ಕಾರು ಮತ್ತೊಂದು ವಾಹನಕ್ಕೆ ಡಿಕ್ಕಿಯಾಗಿದೆ. ಈ ಭೀಕರ ಅಪಘಾತದಲ್ಲಿ ಆಯೇಷಾ ಅವರ 15 ವರ್ಷದ ತಂಗಿ ಅಸಿಮಾ ಕೂಡ ಗಂಭೀರವಾಗಿ ಗಾಯಗೊಂಡಿದ್ದು, ಕೂಡಲೇ ಅವರನ್ನು ಹೆಚ್ಚಿನ ಚಿಕಿತ್ಸೆಗಾಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಪ್ರಾಥಮಿಕ ತನಿಖೆ ಹಾಗೂ ವರದಿಗಳ ಪ್ರಕಾರ, ಈ ಹತ್ಯೆಯ ಹಿಂದೆ ಹಣಕಾಸಿನ ವಿವಾದವಿರುವ ಶಂಕೆ ವ್ಯಕ್ತವಾಗಿದೆ. ಆಯೇಷಾ ಗಿಲಾನಿ ಕೆಲವರಿಗೆ ಹಣ ನೀಡಿದ್ದು, ಅದನ್ನು ಮರಳಿಸುವಂತೆ ಕೇಳಿದ್ದಕ್ಕಾಗಿ ಕೆಲವರು ಈ ಕೃತ್ಯ ಎಸಗಿರಬಹುದು ಎಂದು ಮೃತ ಯುವತಿಯ ತಂದೆ ಶಂಕೆ ವ್ಯಕ್ತಪಡಿಸಿದ್ದಾರೆ. ಕುಟುಂಬ ಸದಸ್ಯರ ದೂರು ಹಾಗೂ ದೊರೆತಿರುವ ಸಿಸಿಟಿವಿ ದೃಶ್ಯಾವಳಿಗಳನ್ನು ಆಧರಿಸಿ ಪಾಕಿಸ್ತಾನ ಪೊಲೀಸರು ಎಲ್ಲ ಆಯಾಮಗಳಲ್ಲೂ ತನಿಖೆಯನ್ನು ಚುರುಕುಗೊಳಿಸಿದ್ದಾರೆ, (ಏಜೆನ್ಸೀಸ್​).
Pakistan
ಪಾಕಿಸ್ತಾನ
Pakistani TikToker
ಪಾಕಿಸ್ತಾನಿ ಟಿಕ್​ಟಾಕರ್​
Kannada News
ಕನ್ನಡ ನ್ಯೂಸ್
ayesha gilani
ಆಯೇಷಾ ಗಿಲಾನಿ
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net