ಗಾಜಾ ನೆಲಕ್ಕೆ ಪಾಕ್​ ಸೇನೆ ಕಾಲಿಟ್ಟಿಲ್ಲ; ನಾವು ನಂಬಿಕಸ್ತ ದೇಶದೊಂದಿಗೆ ಮಾತ್ರ ವ್ಯವಹರಿಸುತ್ತೇವೆ : ಇಸ್ರೇಲ್ ರಾಯಭಾರಿ | Israel

ನವದೆಹಲಿ: ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಯೋಜನೆಯಡಿಯಲ್ಲಿ ಗಾಜಾಗೆ ಅಂತರರಾಷ್ಟ್ರೀಯ ಸ್ಥಿರೀಕರಣ ಪಡೆ (ಐಎಸ್‌ಎಫ್)ಯಲ್ಲಿ ಪಾಕಿಸ್ತಾನ ಸೇನೆಯ ಯಾವುದೇ ಪಾತ್ರವಿಲ್ಲ ಎಂದು ಇಸ್ರೇಲ್ (Israel) ದೃಢಿಕರಿಸಿದೆ.

ಭಾರತದಲ್ಲಿನ ಇಸ್ರೇಲ್ ರಾಯಭಾರಿ ರುವೆನ್ ಮಾಧ್ಯಮವೊಂದರಲ್ಲಿ ನೀಡಿದ ಸಂದರ್ಶನದಲ್ಲಿ ಹಮಾಸ್ ಮತ್ತು ಪಾಕಿಸ್ತಾನ ಮೂಲದ ಭಯೋತ್ಪಾದಕ ಗುಂಪುಗಳ ನಡುವಿನ ಸಂಬಂಧಗಳ ಬಗ್ಗೆ ಕಳವಳ ವ್ಯಕ್ತಪಡಿಸಿದರು.

ಭವಿಷ್ಯದ ಯಾವುದೇ ಗಾಜಾ ಭದ್ರತಾ ವ್ಯವಸ್ಥೆಯಲ್ಲಿ ಪಾಕಿಸ್ತಾನದ ಮಿಲಿಟರಿ ಭಾಗವಹಿಸುವಿಕೆಯೊಂದಿಗೆ ಇಸ್ರೇಲ್ ಸಹಿಸುವುದಿಲ್ಲ ಮತ್ತು ಹಮಾಸ್​ನ್ನು ಸಂಪೂರ್ಣವಾಗಿ ಕಿತ್ತುಹಾಕದೆ ಯಾವುದೇ ರಾಜಕೀಯ ಅಥವಾ ಪುನರ್ನಿರ್ಮಾಣ ಪ್ರಕ್ರಿಯೆ ಸಾಧ್ಯವಿಲ್ಲ ಎಂದು ಹೇಳಿದರು. ನಾವು ಮುಂದುವರಿಯಬಹುದಾದ ಪರಿಸ್ಥಿತಿಯನ್ನು ಸೃಷ್ಟಿಸಲು ಈಗ ಪ್ರಯತ್ನ ನಡೆಯುತ್ತಿದೆ, ಆದರೆ ಅದಕ್ಕಾಗಿ ಹಮಾಸ್​ನ್ನು ಕಿತ್ತುಹಾಕಬೇಕು ಎಂದು ರುವೆನ್ ಅಜರ್ ಹೇಳಿದರು.

ಗಾಜಾದಲ್ಲಿ ಪ್ರಸ್ತಾವಿತ ಸ್ಥಿರೀಕರಣ ಮತ್ತು ಪುನರ್ನಿರ್ಮಾಣ ಪಡೆಗೆ ಸೈನ್ಯವನ್ನು ಕೊಡುಗೆ ನೀಡಲು ಅಮೆರಿಕವು ಪಾಕಿಸ್ತಾನ ಸೇರಿದಂತೆ ಹಲವಾರು ದೇಶಗಳನ್ನು ಸಂಪರ್ಕಿಸಿದೆ ಎಂಬ ವರದಿಗಳ ಮಧ್ಯೆ ರುಯೆವೆನ್ ಅಜರ್ ಅವರ ಹೇಳಿಕೆಗಳು ಬಂದಿವೆ.

ವರದಿಗಳಿಗೆ ಪ್ರತಿಕ್ರಿಯಿಸಿದ ರಾಯಭಾರಿ, ಹಮಾಸ್ ವಿರುದ್ಧ ಹೋರಾಡಲು ಬಯಸದ ಕಾರಣ ಅನೇಕ ದೇಶಗಳು ಭಾಗವಹಿಸಲು ಈಗಾಗಲೇ ಹಿಂಜರಿಕೆ ವ್ಯಕ್ತಪಡಿಸಿವೆ, ಇದು ಪ್ರಸ್ತುತ ಪರಿಸ್ಥಿತಿಗಳಲ್ಲಿ ಸ್ಥಿರೀಕರಣ ಪಡೆಯ ಪರಿಕಲ್ಪನೆಯನ್ನು ನಿಷ್ಪರಿಣಾಮಕಾರಿಯನ್ನಾಗಿ ಮಾಡುತ್ತದೆ ಎಂದು ಹೇಳಿದರು.

ಗಾಜಾದಲ್ಲಿ ಪಾಕಿಸ್ತಾನ ಸೇನೆಯ ಪಾಲ್ಗೊಳ್ಳುವಿಕೆಯಿಂದ ಇಸ್ರೇಲ್‌ಗೆ ಸಮಾಧಾನವಾಗುತ್ತದೆಯೇ ಎಂದು ಕೇಳಿದಾಗ, ರುವೆನ್ ಅಜರ್ ಇಲ್ಲ ಎಂದು ದೃಢವಾಗಿ ಉತ್ತರಿಸಿದರು. ದೇಶಗಳು ಸಾಮಾನ್ಯವಾಗಿ ಅವರು ನಂಬುವ ಪಾಲುದಾರರೊಂದಿಗೆ ಮತ್ತು ಅವರು ಸರಿಯಾದ ರಾಜತಾಂತ್ರಿಕ ಸಂಬಂಧಗಳನ್ನು ಕಾಯ್ದುಕೊಳ್ಳುವ ಪಾಲುದಾರರೊಂದಿಗೆ ಮಾತ್ರ ಸಹಕರಿಸುತ್ತವೆ ಎಂದು ಹೇಳಿದರು.

ಇಸ್ರೇಲ್‌ನ ತಕ್ಷಣದ ಆದ್ಯತೆಗಳು ಕೊಲ್ಲಲ್ಪಟ್ಟವರ ಅವಶೇಷಗಳು ಸೇರಿದಂತೆ ಎಲ್ಲಾ ಒತ್ತೆಯಾಳುಗಳನ್ನು ಹಿಂಪಡೆಯುವುದು ಮತ್ತು ಹಮಾಸ್‌ನ ಮಿಲಿಟರಿ ಮತ್ತು ರಾಜಕೀಯ ಮೂಲಸೌಕರ್ಯವನ್ನು ನಾಶಪಡಿಸುವುದು ಎಂದು ರುವೆನ್ ಅಜರ್ ಹೇಳಿದರು.

ಹಮಾಸ್ ಮತ್ತು ಅದರ ಬಗ್ಗೆ ಸಹಾನುಭೂತಿ ಹೊಂದಿರುವ ದೇಶಗಳು ಈ ಪ್ರಮುಖ ಬೇಡಿಕೆಗಳನ್ನು ಬೈಪಾಸ್ ಮಾಡಲು ಪ್ರಯತ್ನಿಸುತ್ತಿವೆ ಎಂದು ಆರೋಪಿಸಿದ ಅವರು, ಹಮಾಸ್​ನ್ನು ನಿರ್ಮೂಲನೆ ಮಾಡದ ಹೊರತು ರಾಜತಾಂತ್ರಿಕತೆ ಮುಂದುವರಿಯಲು ಸಾಧ್ಯವಿಲ್ಲ ಎಂದು ಎಚ್ಚರಿಸಿದರು.

ಪಾಕಿಸ್ತಾನ ಮೂಲದ ಭಯೋತ್ಪಾದಕ ಗುಂಪುಗಳಿಗೆ ಸಂಬಂಧಿಸಿದ ಭಾರತದ ಸ್ವಂತ ಭದ್ರತಾ ಕಾಳಜಿಗಳನ್ನು ಉಲ್ಲೇಖಿಸಿದ ರುವೆನ್ ಅಜರ್, ಪರಿಸ್ಥಿತಿಯನ್ನು ಸೂಕ್ಷ್ಮವಾಗಿ ಗಮನಿಸಲಾಗುತ್ತಿದೆ ಮತ್ತು ಭಾರತೀಯ ಅಧಿಕಾರಿಗಳು ಬೆದರಿಕೆಯನ್ನು ಗಂಭೀರವಾಗಿ ಪರಿಗಣಿಸುತ್ತಿದ್ದಾರೆ ಎಂಬ ವಿಶ್ವಾಸ ವ್ಯಕ್ತಪಡಿಸಿದರು.

ಹಮಾಸ್​ನ್ನು ಭಾರತವು ಔಪಚಾರಿಕವಾಗಿ ನಿಷೇಧಿಸಬೇಕೆ ಎಂಬ ಬಗ್ಗೆ, ರಾಯಭಾರಿ ನಿಷೇಧಿಸಬೇಕು, ಏಕೆಂದರೆ ಮುದೊಂದು ದಿನ ಭಾರತಕ್ಕೆ ಸಹ ಬೆದರಿಕೆಯಾಗಬಹುದು ಎಂದ ಅವರು,ಆದರೆ ನಿರ್ಧಾರವು ಸಂಪೂರ್ಣವಾಗಿ ಭಾರತೀಯ ಅಧಿಕಾರಿಗಳ ಮೇಲಿದೆ ಎಂದು ಹೇಳಿದರು,(ಏಜನ್ಸೀಸ್).