ಇವರು ಜಿನ್ಪಿಂಗ್ ನೇತೃತ್ವದ ಕೇಂದ್ರ ಮಿಲಿಟರಿ ಆಯೋಗದ ಉಪಾಧ್ಯಕ್ಷರಾಗಿದ್ದರು. ಅಂದರೆ, ಜಿನ್ಪಿಂಗ್ ನಂತರ ಅತ್ಯಂತ ಶಕ್ತಿಶಾಲಿ ಸೇನಾ ಅಧಿಕಾರಿಯಾಗಿದ್ದರು. ತೈವಾನ್ ಮರುವಶಪಡಿಸಿಕೊಳ್ಳುವ ಸಂಬಂಧ ಜಿನ್ಪಿಂಗ್ ಮತ್ತು ಜಾಂಗ್ ನಡುವೆ ಸೃಷ್ಟಿಯಾದ ಭಿನ್ನಾಭಿಪ್ರಾಯ ವಿಕೋಪಕ್ಕೆ ಹೋದ ಬಳಿಕ, ಜಾಂಗ್ ಯೂಕ್ಸಿಯಾರನ್ನು ಕೇಂದ್ರ ಮಿಲಿಟರಿ ಆಯೋಗದ ಉಪಾಧ್ಯಕ್ಷ ಸ್ಥಾನದಿಂದ ದಿಢೀರನೆ ವಜಾಗೊಳಿಸಿ, ಆದೇಶ ಹೊರಡಿಸಲಾಯಿತು. ಇದರ ಬೆನ್ನಲ್ಲೇ ಜಾಂಗ್ ಯೂಕ್ಸಿಯಾರನ್ನು ಬಂಧಿಸಲಾಗಿದ್ದು, ಈ ಬೆಳವಣಿಗೆ ಸಂಚಲನ ಮೂಡಿಸಿದೆ. ಚೀನಾದ ಮಿಲಿಟರಿ ಇತಿಹಾಸದಲ್ಲಿ ಇದು ಅತ್ಯಂತ ಆಘಾತಕಾರಿ ಬೆಳವಣಿಗೆಯೆಂದು ಪರಿಗಣಿಸಲಾಗಿದೆ, ಏಕೆಂದರೆ ಜಾಂಗ್ ಅವರು ಅಧ್ಯಕ್ಷ ಕ್ಸಿ ಜಿನ್ಪಿಂಗ್ ಆಪ್ತಮಿತ್ರರಲ್ಲಿ ಒಬ್ಬರಾಗಿದ್ದರು.
