ಹಾರಾಟಕ್ಕೆ ಕೆಲವೇ ನಿಮಿಷಗಳ ಮುನ್ನ ಭೀಕರ ಅವಘಡ: ರನ್‌ವೇ ಡಾಂಬರು ರಸ್ತೆಗೆ ಅಪ್ಪಳಿಸಿದ ಬೋಯಿಂಗ್; ನೂರಾರು ಪ್ರಯಾಣಿಕರು ಪಾರು! Lufthansa

ಆನ್‌ಲೈನ್‌ನಲ್ಲಿ ಪ್ರಸಾರವಾಗುತ್ತಿರುವ ವೀಡಿಯೊ ದೃಶ್ಯಾವಳಿಗಳ ಪ್ರಕಾರ, ಲುಫ್ಥಾನ್ಸ ಬೋಯಿಂಗ್ 787-9 ಜೆಟ್ ವಿಮಾನವು ಗೇಟ್ ಬಳಿ ಸಂಪೂರ್ಣ ನಿಶ್ಚಲವಾಗಿ ನಿಂತಿತ್ತು. ಆದರೆ, ಯಾವುದೇ ಮುನ್ಸೂಚನೆಯಿಲ್ಲದೆ ಸೆಕೆಂಡುಗಳ ಅವಧಿಯಲ್ಲಿ ವಿಮಾನದ ಮುಂಭಾಗದ ಭಾಗವು ಇದ್ದಕ್ಕಿದ್ದಂತೆ ಕುಸಿದು ನೇರವಾಗಿ ರನ್‌ವೇಯ ಡಾಂಬರು ರಸ್ತೆಯ ಮೇಲೆ ಬಿದ್ದಿತು.

ಆದಾಗ್ಯೂ, ಈ ಸಮಯದಲ್ಲಿ ಯಾವುದೇ ಪ್ರಯಾಣಿಕರು ವಿಮಾನದಲ್ಲಿ ಇರಲಿಲ್ಲ. ಬದಲಿಗೆ ಸಿಬ್ಬಂದಿಗಳಿದ್ದ ಕಾರಣ ಅವರಿಗೆ ಸಣ್ಣ ಪುಟ್ಟ ಗಾಯಗಳಾಗಿದ್ದು, ಪ್ರಸ್ತುತ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ವಿಮಾನಯಾನ ಸಂಸ್ಥೆ ತಿಳಿಸಿದೆ.

ವರದಿಯ ಪ್ರಕಾರ, ಈ ಗಂಭೀರ ಅವಘಡ ಸಂಭವಿಸಿದ ತಕ್ಷಣವೇ ವಿಮಾನ ನಿಲ್ದಾಣದಲ್ಲಿ ಹೈ ಅಲರ್ಟ್ ಘೋಷಿಸಲಾಯಿತು. ವಿಮಾನ ನಿಲ್ದಾಣದ ಅಗ್ನಿಶಾಮಕ ದಳ ಮತ್ತು ಆಂಬ್ಯುಲೆನ್ಸ್ ಸೇರಿದಂತೆ ಸಾಲು ಸಾಲು ತುರ್ತು ಸೇವಾ ವಾಹನಗಳು ಸಕ್ಷಣವೇ ಸ್ಥಳಕ್ಕೆ ಧಾವಿಸಿದವು.

ಆದಾಗ್ಯೂ, ಈ ಘಟನೆಗೆ ನಿಖರವಾದ ಕಾರಣವೇನೆಂದು ಪರಿಶೀಲಿಸಲು ನಾವು ಪ್ರಸ್ತುತ ಸಂಬಂಧಿತ ಅಧಿಕಾರಿಗಳೊಂದಿಗೆ ಸಂದರ್ಭಗಳನ್ನು ಪರಿಶೀಲಿಸುತ್ತಿದ್ದೇವೆ ಎಂದು ಕಂಪನಿ ತಿಳಿಸಿದೆ.

ಹಾನಿಗೊಳಗಾದ ವಿಮಾನವು D-ABPQ ಎಂದು ನೋಂದಾಯಿಸಲ್ಪಟ್ಟಿದ್ದು, ಬೋಯಿಂಗ್ 787-9 ಡ್ರೀಮ್‌ಲೈನರ್ ಆಗಿದೆ. ಹಳೆಯ, ಕಡಿಮೆ ಇಂಧನ-ಸಮರ್ಥ ವಿಮಾನಗಳನ್ನು ಬದಲಾಯಿಸಲು ಮತ್ತು ಕಾರ್ಯಾಚರಣೆಗಳನ್ನು ಸುಗಮಗೊಳಿಸಲು ವಿಮಾನಯಾನ ಸಂಸ್ಥೆಯು ಕೆಲಸ ಮಾಡುತ್ತಿರುವುದರಿಂದ ಈ ಮಾದರಿಯು ಲುಫ್ಥಾನ್ಸದ ಫ್ಲೀಟ್‌ಗೆ ಹೊಸದಾಗಿ ಸೇರ್ಪಡೆಯಾಗಿದೆ.

ಅಪಘಾತಕ್ಕೆ ಈಡಾದ ಈ ಬೋಯಿಂಗ್ 787-9 ಜೆಟ್ ವಿಮಾನವು ತೀರಾ ಹೊಸದಾಗಿತ್ತು. ಇದು ಈ ವರ್ಷ ಅಂದರೆ 2026 ರ ಜನವರಿ ಮಧ್ಯಭಾಗದಲ್ಲಿ ಮಾತ್ರ ನಿಯಮಿತ ವಾಣಿಜ್ಯ ಸೇವೆಗೆ ಪ್ರವೇಶಿಸಿತ್ತು. ಕೇವಲ ನಾಲ್ಕೈದು ತಿಂಗಳುಗಳ ಹಿಂದಷ್ಟೇ ಹಾರಾಟ ಆರಂಭಿಸಿದ್ದ ಇಷ್ಟು ಹೊಸ ವಿಮಾನದಲ್ಲಿ ಇಂತಹ ಅತ್ಯಂತ ಗಂಭೀರ ಸ್ವರೂಪದ ರಚನಾತ್ಮಕ ತಾಂತ್ರಿಕ ವೈಫಲ್ಯ ಸಂಭವಿಸಿರುವುದು ವಾಯುಯಾನ ತಜ್ಞರಲ್ಲಿ ತೀವ್ರ ಆತಂಕ ಮೂಡಿಸಿದೆ (ಏಜೆನ್ಸೀಸ್).