ಬುರ್ಜ್ ಖಲೀಫಾಗೆ ಸಿಡಿಲು! ದುಬೈ ಕ್ರೌನ್ ಪ್ರಿನ್ಸ್ ಹಂಚಿಕೊಂಡ ಅದ್ಭುತ ವಿಡಿಯೋ ವೈರಲ್​..

ಈ ವಿಡಿಯೋದಲ್ಲಿ ಕಪ್ಪು ಮೋಡಗಳು ಮತ್ತು ಧಾರಾಕಾರ ಮಳೆಯ ನಡುವೆ ಜಗತ್ತಿನ ಅತಿ ಎತ್ತರದ ಕಟ್ಟಡವಾದ ಬುರ್ಜ್ ಖಲೀಫಾ (829.8 ಮೀಟರ್) ಕಾಣುತ್ತದೆ. ಆಕಸ್ಮಿಕವಾಗಿ ಬಲವಾದ ಸಿಡಿಲುವೊಂದು ಬಡಿದು ಕಟ್ಟಡದ ತುದಿಗೆ ತಗಲುತ್ತಿದೆ. ನಂತರ ಗುಡುಗು ಮತ್ತು ಮಳೆಯ ಧ್ವನಿ ಕೇಳುತ್ತದೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿ, ಮಿಲಿಯನ್‌ಗಳಷ್ಟು ವೀಕ್ಷಣೆಗಳನ್ನು ಪಡೆದಿದೆ.

ಇನ್ನು ಬುರ್ಜ್ ಖಲೀಫಾ ತನ್ನ ಎತ್ತರದಿಂದಾಗಿ ಸಿಡಿಲು ಆಕರ್ಷಿಸುವುದು ಸಾಮಾನ್ಯ, ಮತ್ತು ಇದಕ್ಕೆ ವಿಶೇಷ ಲೈಟ್ನಿಂಗ್ ರಾಡ್‌ಗಳು ಅಳವಡಿಸಲಾಗಿದೆ. ಕಾರಣ ಬುರ್ಜ್ ಖಲೀಫಾ ಯಾವುದೇ ಹಾನಿಯಾಗಿಲ್ಲ ಎಂದು ವರದಿಯಾಗಿದೆ.

UAEಯಲ್ಲಿ 'ಅಲ್ ಬಶಾಯೆರ್' ಲೋ-ಪ್ರೆಶರ್ ಸಿಸ್ಟಮ್‌ನಿಂದ ಡಿಸೆಂಬರ್ 18ರಂದು ಭಾರಿ ಮಳೆ, ಗುಡುಗು-ಸಿಡಿಲು ಮತ್ತು ಕೆಲವೆಡೆ ಆಲಿಕಲ್ಲು ಸುರಿದಿತ್ತು. ದುಬೈ, ಶಾರ್ಜಾ ಸೇರಿ ಹಲವು ಪ್ರದೇಶಗಳಲ್ಲಿ ರಸ್ತೆಗಳು ಜಲಾವೃತಗೊಂಡಿದ್ದವು.ಈ ಅದ್ಭುತ ಕ್ಷಣದ ಕೆಲವು ಸ್ಕ್ರೀನ್‌ಶಾಟ್‌ಗಳು ಮತ್ತು ಫೋಟೋಗಳು ಸಾಮಾಜಿಕ ಮಾಧ್ಯಮದಲ್ಲಿ ಭಾರೀ ವೈರಲ್​ ಆಗಿದೆ,(ಏಜೆನ್ಸೀಸ್).