ಒಬ್ಬನೇ ಅಭ್ಯರ್ಥಿ, ಆದರೂ 0.07% ರಿಜೆಕ್ಷನ್!: ಉತ್ತರ ಕೊರಿಯಾ ಚುನಾವಣಾ ಫಲಿತಾಂಶ ಕಂಡು ಜಗತ್ತೇ ಬೆಚ್ಚಿಬಿದ್ದಿದ್ದೇಕೆ? North Korea Election 2026

ಅಧಿಕೃತ ಅಂಕಿ ಅಂಶಗಳ ಪ್ರಕಾರ, ನೋಂದಾಯಿತ ಮತದಾರರಲ್ಲಿ ಶೇ. 99.99 ರಷ್ಟು ಜನರು ಭಾಗವಹಿಸಿದ್ದರು. ಶೇ. 0.0037 ರಷ್ಟು ಜನರು ವಿದೇಶದಲ್ಲಿ ಮತ್ತು ಬೇರೆಡೆ ಕೆಲಸ ಮಾಡುತ್ತಿರುವುದರಿಂದ ಮತ ಚಲಾಯಿಸಲು ಸಾಧ್ಯವಾಗಲಿಲ್ಲ. ಇನ್ನೂ 0.00003% ಜನರು ಮತದಾನದಿಂದ ದೂರ ಉಳಿದಿದ್ದಾರೆ.

ಆದಾಗ್ಯೂ, ಮತ ಚಲಾಯಿಸಿದವರಲ್ಲಿ, ಶೇ. 99.93 ರಷ್ಟು ಜನರು ಅಭ್ಯರ್ಥಿಗಳನ್ನು ಬೆಂಬಲಿಸಿದರೆ, 0.07% ರಷ್ಟು ಜನರು ಅಭ್ಯರ್ಥಿಯ ವಿರುದ್ಧ ಮತ ಚಲಾಯಿಸಿದ್ದಾರೆ.

ಉತ್ತರ ಕೊರಿಯಾದ ಚುನಾವಣಾ ಫಲಿತಾಂಶಗಳು ದಾಖಲಾದ ಆ 0.07% ವಿರೋಧ ಮತಗಳು ಜಾಗತಿಕ ಮಟ್ಟದಲ್ಲಿ ದೊಡ್ಡ ಮಟ್ಟದ ಹಾಸ್ಯ ಮತ್ತು ಚರ್ಚೆಗೆ ಕಾರಣವಾಗಿವೆ. ಒಬ್ಬ ಸಾಮಾಜಿಕ ಬಳಕೆದಾರರು 0.07% ಜನರಿಗೆ ಮೌನದ ಕ್ಷಣ ಎಂದು ಬರೆದರೆ, ಮತ್ತೊಬ್ಬ ಬಳಕೆದಾದರರು ಕಿಮ್ ಅವರ ಚಿತ್ರದ ಜೊತೆಗೆ ಆ 0.07% ಜನರ ಹೆಸರುಗಳನ್ನು ನನಗೆ ನೀಡಿ ಎಂದು ಲೇವಡಿ ಮಾಡಿದ್ದಾರೆ (ಏಜೆನ್ಸೀಸ್​​).