ಇವಾಂಕಾ ಹತ್ಯೆಗೆ ಇರಾನ್ ಮಿಲಿಟರಿ ಸ್ಕೆಚ್! ಟ್ರಂಪ್​ ಪುತ್ರಿಯನ್ನು ಕೊಲ್ಲಲು ಹೋದವ ತಗಲಾಕೊಂಡಿದ್ದು ಹೇಗೆ? Ivanka Trump Assassination Plot

ಅಮೆರಿಕ: ಇರಾನ್​ ಮತ್ತು ಅಮೆರಿಕ ನಡುವೆ ಕಳೆದ ಕೆಲ ತಿಂಗಳುಗಳಿಂದ ಸಂಘರ್ಷ ಏರ್ಪಟಿದ್ದು, ಪಾಕಿಸ್ತಾನದಲ್ಲಿ ಈ ಕುರಿತು ನಡೆದ ಶಾಂತಿ ಸಭೆ ಸಹ ವಿಫಲವಾದ ಪರಿಣಾಮ ಉಭಯ ದೇಶಗಳು ಶಸ್ತ್ರಾಸ್ತ್ರ ಸಂಗ್ರಹಣೆಯಲ್ಲಿ ತೊಡಗಿಕೊಂಡಿವೆ.

ಈ ನಡುವೆ ಇರಾನಿನ ಇಸ್ಲಾಮಿಕ್ ರೆವಲ್ಯೂಷನರಿ ಗಾರ್ಡ್ ಕಾರ್ಪ್ಸ್ (IRGC) ಅಮೆರಿಕ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್​ನ ಮಗಳಾದ ಇವಾಂಕಾ ಟ್ರಂಪ್​ಳನ್ನು ಕೊಲ್ಲಲು ಸಂಚು (Ivanka Trump Assassination Plot) ರೂಪಿಸಿತ್ತು ಎಂಬ ಸ್ಪೋಟಕ ಮಾಹಿತಿ ಬಹಿರಂಗವಾಗಿದೆ.

ವರದಿ ಪ್ರಕಾರ, ಇರಾನ್​ನ ಮಿಲಿಟರಿ ಸಂಘಟನೆಯಾದ ಇಸ್ಲಾಮಿಕ್ ರೆವಲ್ಯೂಷನರಿ ಗಾರ್ಡ್ ಕಾರ್ಪ್ಸ್ (IRGC) ನ ಮೊಹಮ್ಮದ್ ಬಕರ್ ಸಾದ್ ದಾವೂದ್ ಅಲ್-ಸಾದಿ (Mohammad Baqer Saad Dawood al-Saadi) ಇವಾಂಕಾಳನ್ನು ಕೊಲ್ಲುವುದಾಗಿ ಪ್ರತಿಜ್ಞೆ ಮಾಡಿ ಫ್ಲೋರಿಡಾದಲ್ಲಿರುವ ಇವಾಂಕಾಳ ಮನೆಯ ನೀಲನಕ್ಷೆಯನ್ನು ಸಹ ಪಡೆದುಕೊಂಡಿದ್ದ ಎಂದು ತಿಳಿದುಬಂದಿದೆ.

ಇವಾಂಕಾಳನ್ನು ಹತ್ಯೆ ಮಾಡುವುದಾಗಿ ಪ್ರತಿಜ್ಞೆ ಮಾಡಿದ್ದ ಮೊಹಮ್ಮದ್ ಬಕರ್ ಸಾದ್ ದಾವೂದ್ ಅಲ್-ಸಾದಿಯನ್ನು ಮೇ. 15 ರಂದು ಟರ್ಕಿ ದೇಶದಲ್ಲಿ ಬಂಧಿಸಿದ ನಂತರ ಈ ವಿಚಾರ ತಿಳಿದು ಬಂದಿದೆ.

ಈ ಬೆದರಿಕೆಯ ನಂತರ ಇವಾಂಕಾಳಿಗೆ ಹೆಚ್ಚಿನ ಭದ್ರತೆ ಜೊತೆಗೆ ಅಲ್-ಸಾದಿಯನ್ನು ಪತ್ತೆ ಹಚ್ಚುವ ಕೆಲಸ ಪ್ರಾರಂಭವಾದ ಹಿನ್ನಲೆ ಇತನ ಪ್ರತೀಕಾರ ಎನ್ನುವುದು ತಿರುಕನ ಕನಸಾಗೆ ಉಳಿಯಿತು ಎಂದು ಹೇಳಬಹುದಾಗಿದೆ.

ಸದ್ಯ ಅಮೆರಿಕದ ವಶದಲ್ಲಿರುವ ಈ ಅಲ್-ಸಾದಿ ಮೇಲೆ ಯಹೂದಿಗಳನ್ನು ಕೊಂದಿರುವ, ನ್ಯೂಯಾರ್ಕ್​ ಬ್ಯಾಂಕ್​ ಮೇಲೆ ಬಾಂಬ್​ ದಾಳಿ ನಡಿಸಿರುವ ಮೊದಲಾದ ಆರೋಪಗಳಿವೆ. ಈ ಕುರಿತಂತೆ ಅಮೆರಿಕದ ಎಫ್​.ಬಿ.ಐ ಹಾಗೂ ಸಿ.ಐ.ಎ ಜಂಟಿ ವಿಚಾರಣೆ ನಡೆಸುತ್ತಿದ್ದು ಇನ್ನಷ್ಟು ಮಾಹಿತಿಗಳು ಬಹಿರಂಗವಾಗುವ ಸಾಧ್ಯತೆಯಿದೆ ಎಂದು ತಿಳಿದು ಬಂದಿದೆ, (ಏಜನ್ಸೀಸ್​).