ಇಮಿಗ್ರೇಷನ್ ಅಧಿಕಾರಿಗಳ ಅಮಾನವೀಯ ಕೃತ್ಯ; 5 ವರ್ಷದ ಮಗು ಸೇರಿ ಶಾಲೆಯ ನಾಲ್ವರು ವಿದ್ಯಾರ್ಥಿಗಳ ಬಂಧನ! ಅಸಲಿಗೆ ಕಾರಣವೇನು..? | Arrested

ಕೊಲಂಬಿಯಾ ಹೈಟ್ಸ್ ಶಾಲಾ ಜಿಲ್ಲೆಯ ಅಧೀಕ್ಷಕಿ ಜೆನಾ ಸ್ಟೆನ್ವಿಕ್ ಅವರ ಪ್ರಕಾರ, ಮಂಗಳವಾರ ಮಧ್ಯಾಹ್ನ ಶಾಲೆಯಿಂದ ಮನೆಗೆ ಬಂದ ಲಿಯಾಮ್ ಮತ್ತು ಆತನ ತಂದೆ ಆಡ್ರಿಯನ್ ಅವರನ್ನು ಏಜೆಂಟ್‌ಗಳು ತಡೆದಿದ್ದಾರೆ. ಮನೆಯೊಳಗೆ ಯಾರಿದ್ದಾರೆ ಎಂದು ತಿಳಿಯಲು ಅಧಿಕಾರಿಗಳು 5 ವರ್ಷದ ಬಾಲಕನನ್ನೇ ದಾಳವಾಗಿ (Bait) ಬಳಸಿಕೊಂಡಿದ್ದಾರೆ. ಆತನನ್ನು ಮನೆ ಬಾಗಿಲು ಬಡಿಯಲು ಸೂಚಿಸಿ, ಒಳಗೆ ಯಾರಿದ್ದಾರೆ ಎಂದು ಪರಿಶೀಲಿಸಲು ಬಳಸಿಕೊಂಡಿದ್ದಾರೆ ಎಂದು ಆರೋಪಿಸಲಾಗಿದೆ.

ಈ ಕುಟುಂಬವು 2024ರಲ್ಲಿ ಅಮೆರಿಕಕ್ಕೆ ಬಂದಿದ್ದು, ಈಗಾಗಲೇ ಅಸಿಲಂ (ಆಶ್ರಯ) ಕೋರಿ ಅರ್ಜಿ ಸಲ್ಲಿಸಿದೆ. ಅವರ ವಿರುದ್ಧ ಯಾವುದೇ ಗಡಿಪಾರು ಆದೇಶವಿರಲಿಲ್ಲ. ಬಾಲಕನನ್ನು ನೋಡಿಕೊಳ್ಳಲು ನೆರೆಹೊರೆಯವರು ಮತ್ತು ಶಾಲಾ ಮಂಡಳಿಯ ಸದಸ್ಯರು ಮುಂದೆ ಬಂದರೂ, ಅಧಿಕಾರಿಗಳು ಕೇಳದೆ ಬಾಲಕನನ್ನು ತಂದೆಯೊಂದಿಗೆ ಟೆಕ್ಸಾಸ್‌ನ ಡಿಲ್ಲಿಯಲ್ಲಿರುವ ಇಮಿಗ್ರೇಷನ್ ಲಾಕಪ್‌ಗೆ ಕರೆದೊಯ್ದಿದ್ದಾರೆ.

ಈ ಸರಣಿ ಬಂಧನಗಳಿಂದಾಗಿ ವಲಸಿಗ ಕುಟುಂಬಗಳಲ್ಲಿ ಭಾರೀ ಭೀತಿ ಆವರಿಸಿದೆ. ಶಾಲಾ ಬಸ್‌ಗಳನ್ನು ಹಿಂಬಾಲಿಸುವುದು ಮತ್ತು ಶಾಲಾ ಆವರಣದ ಬಳಿ ಅಧಿಕಾರಿಗಳು ಸುತ್ತುತ್ತಿರುವುದರಿಂದ ವಿದ್ಯಾರ್ಥಿಗಳ ಹಾಜರಾತಿ ಗಣನೀಯವಾಗಿ ಕುಸಿದಿದೆ. ಬಾಲಕನ ಶಿಕ್ಷಕಿ ಎಲ್ಲಾ ಸುಲ್ಲಿವಾನ್, ಲಿಯಾಮ್ ಅತ್ಯಂತ ದಯಾಳು ಮಗು ಎಂದು ನೆನೆದಿದ್ದು, ಆತ ಸುರಕ್ಷಿತವಾಗಿ ಮರಳಲಿ ಎಂದು ಆಶಿಸಿದ್ದಾರೆ. ಈ ಘಟನೆಯು ಅಮೆರಿಕದ ಇಮಿಗ್ರೇಷನ್ ನೀತಿ ಮತ್ತು ಮಾನವ ಹಕ್ಕುಗಳ ಬಗ್ಗೆ ಮರು ಚರ್ಚೆಗೆ ನಾಂದಿ ಹಾಡಿದೆ.(ಏಜೆನ್ಸೀಸ್)