ಭಾರತದ ವಿದೇಶಾಂಗ ನೀತಿ ವಿಫಲವಾಗಿದೆ: ಎಲ್ಲಿದ್ದಾನೆ ಆ ವಿಶ್ವಗುರು? ಕೇಂದ್ರ ಸರ್ಕಾರದ ವಿರುದ್ಧ ಜೈರಾಮ್​ ರಮೇಶ್​ ವಾಗ್ದಾಳಿ! Jairam Ramesh on Foreign Policy

ನವದೆಹಲಿ:  ಮಧ್ಯಪ್ರಾಚ್ಯದಲ್ಲಿ ನಡೆಯುತ್ತಿರುವ ಸಂಘರ್ಷದ ಶಾಂತಿ ಮಾತುಕತೆ ಪಾಕಿಸ್ತಾನದಲ್ಲಿ ನಡೆಯುತ್ತಿರುವ ಕುರಿತು ವ್ಯಂಗ್ಯವಾಡಿರುವ ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್​, ಇದು ಭಾರತದ ವಿದೇಶಾಂಗ ನೀತಿಯ ವೈಫಲ್ಯವನ್ನು ತೋರಿಸುತ್ತದೆ ಎಂದು ಹೇಳಿದೆ.

ಸಾಮಾಜಿಕ ಜಾಲತಾಣ ವೇದಿಕೆ ಎಕ್ಸ್​ನಲ್ಲಿ, ಕಾಂಗ್ರೆಸ್​ ಪಕ್ಷದ ಸಂಸದ ಜೈರಾಮ್​ ರಮೇಶ್​ (Jairam Ramesh on Foreign Policy), ಇಸ್ಲಾಮಾಬಾದ್‌ನಲ್ಲಿ ಅಮೆರಿಕ ಮತ್ತು ಇರಾನ್ ನಡುವಿನ ಸಭೆ ಇಂದು (ಏ.11) ಆರಂಭವಾಗಲಿದೆ. ಭಾರತ ಸೇರಿದಂತೆ ಇಡೀ ಜಗತ್ತು, ಇದು ಎರಡೂ ದೇಶಗಳ ನಡುವಿನ ಶಾಶ್ವತ ಶಾಂತಿ ಪ್ರಕ್ರಿಯೆಯ ಆರಂಭವನ್ನು ಗುರುತಿಸುತ್ತದೆ ಎಂದು ಹೇಳಲಾಗುತ್ತಿದೆ.

ಇರಾನ್​ ಮೇಲೆ ಅಮೆರಿಕ ಮತ್ತು ಇಸ್ರೇಲ್​ ದಾಳಿ ಪ್ರಾರಂಭಿಸಿ 40 ದಿನ ಕಳೆದ ನಂತರ ಯುಎಸ್​ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್​, 14 ದಿನಗಳ ಕದನ ವಿರಾಮವನ್ನು ಘೋಷಿಸಿದರು. ಈ ಕದನ ವಿರಾಮವನ್ನು ಇರಾನ್​ ಒಪ್ಪಿಕೊಳ್ಳುವ ಮೊದಲು ತಮ್ಮ 10 ಷರತ್ತುಗಳನ್ನು ಮೊದಲು ಒಪ್ಪಿಕೊಳ್ಳಬೇಕು, ನಂತರ ಶಾಂತಿ ಮಾತುಕತೆ ನಡೆಸುವ ಎಂದು ಇರಾನ್​ ಹೇಳಿದೆ. 

ಅದರೆ ಕದನ ವಿರಾಮದ ಹೊರತಾಗಿ ಕೂಡ ಇಸ್ರೇಲ್​ ಇರಾನಿನ ಮಿತ್ರ ದೇಶ ಲೆಬನಾನ್​ ಮೇಲೆ ವೈಮಾನಿಕ ದಾಳಿ ನಡೆಸಿ, ಸುಮಾರು 250 ಜನರ ಸಾವಿಗೆ ಕಾರಣವಾಗಿದೆ. ಈಗ ಇರಾನಿನ ಷರತ್ತು ಮತ್ತು ಶಾಶ್ವತ ಶಾಂತಿ ಸ್ಥಾಪನಗೆಗಾಗಿ ಅಮೆರಿಕ ಮತ್ತು ಇರಾನಿನ ಶಾಂತಿ ಸ್ಥಾಪನಾ ನಿಯೋಗ ಪಾಕಿಸ್ತಾನದ ಇಸ್ಲಾಮಾಬಾದ್​ನ್ನು ತಲುಪಿದೆ.

ಒಂದು ಕಡೆ ಶಾಂತಿ ಮಂತ್ರ ಬೋಧಿಸುತ್ತಿರುವ ಅಮೆರಿಕಾ ಇನ್ನೊಂದು ಕಡೆ ತನ್ನ ನೈಕಾಪಡೆಯನ್ನು ಹೊರ್ಮುಜ್ ಜಲಸಂಧಿಯತ್ತ ರವಾನಿಸುತ್ತಿದೆ ಎಂದು ತಿಳಿದು ಬಂದಿದೆ. ಶಾಂತಿ ಒಪ್ಪಂದದ ಕುರಿತು ಮಾತನಾಡಿರುವ ಅಮೆರಿಕ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್, ಈ ಮಾತುಕತೆ ಮುರಿದು ಬಿದ್ದರೆ ನಮ್ಮ ಸೈನ್ಯ ಸಶಕ್ತವಾಗಿದೆ, ಇರಾನ್​ನನ್ನು ಹೇಗೆ ಮಣಿಸಬೇಕೆಂದು ನಮಗೆ ತಿಳಿದಿದೆ ಎಂದು ಬೆದರಿಕೆ ಹಾಕಿದ್ದಾರೆ, (ಏಜನ್ಸೀಸ್​).