ಐಐಟಿ ಸೋಲು, ಸಾಲು ಸಾಲು ತಿರಸ್ಕಾರ: ಎಲ್ಲವನ್ನೂ ಗೆದ್ದು ನ್ಯೂಯಾರ್ಕ್‌ನ ಟೈಮ್ಸ್ ಸ್ಕ್ವೇರ್‌ನಲ್ಲಿ ತಾಯಿಗೆ ಜಾಗತಿಕ ಗೌರವ ತಂದುಕೊಟ್ಟ ಭಾರತೀಯ ಯುವಕ! Abhijay Arora

ಸೋಷಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗುತ್ತಿರುವ ವೀಡಿಯೋದಲ್ಲಿ, ಅಭಿಜಯ್ ಭಾರತದಲ್ಲಿರುವ ತನ್ನ ತಾಯಿಗೆ ವೀಡಿಯೊ ಕರೆ ಮಾಡಿ ನ್ಯೂಯಾರ್ಕ್ ನಗರದ ಟೈಮ್ಸ್ ಸ್ಕ್ವೇರ್​ನ ದೈತ್ಯ ಪರದೆಯನ್ನು ನೋಡಲು ಹೇಳಿದನು. ಕೆಲವು ಕ್ಷಣಗಳ ನಂತರ ಅವರ ಛಾಯಾಚಿತ್ರವು ಆ ಬಿಲ್​​ಬೋರ್ಡ್​ನಲ್ಲಿ ಕಾಣಿಸಿಕೊಂಡಿತು. ಆ ತಾಯಿ ಸಾವಿರಾರು ಮೈಲುಗಳಷ್ಟು ದೂರದಿಂದ ನೋಡುತ್ತಾ, ಗೌರವವು ಸಂಪೂರ್ಣವಾಗಿ ತನಗೇ ಸಮರ್ಪಿತವಾಗಿದೆ ಎಂದು ಅರಿತುಕೊಂಡು ಸಂತೋಷ ವ್ಯಕ್ತಪಡಿಸಿದರು.

ವಿಡಿಯೋ ಹಂಚಿಕೊಂಡ ಅಭಿಜಯ್, ತಮ್ಮ ಯಶಸ್ಸಿನ ಹಿಂದಿರುವ ತಾಯಿಯ ಹೋರಾಟವನ್ನು ಭಾವುಕ ಸಾಲುಗಳ ಮೂಲಕ ನೆನೆದಿದ್ದಾರೆ. "ತಮ್ಮ ಸ್ವಂತ ಕನಸುಗಳಿಗಿಂತಲೂ ಹೆಚ್ಚಾಗಿ ನನ್ನ ಕನಸುಗಳನ್ನೇ ಮುಂದಿಟ್ಟುಕೊಂಡು, ವರ್ಷಗಳ ಹಿನ್ನಡೆ, ಸೋಲು ಮತ್ತು ಅನಿಶ್ಚಿತತೆಯ ಕಠಿಣ ದಿನಗಳ ನಡುವೆಯೂ ಧೃತಿಗೆಡದೆ ನನ್ನೊಂದಿಗೆ ಭರವಸೆಯಾಗಿ ನಿಂತ ಮಹಿಳೆಗೆ ಧನ್ಯವಾದ ಹೇಳಲು ಇದೊಂದು ಸಣ್ಣ ಮಾರ್ಗವಾಗಿದೆ ಎಂದು ಹೇಳಿದ್ದಾರೆ.