ವಿದೇಶ

ಪಾಕಿಸ್ತಾನದಲ್ಲಿ ಸ್ವಾತಂತ್ರ್ಯ ದಿನಾಚರಣೆ: ಕೇಕ್​ಗಾಗಿ ಮುಗಿಬಿದ್ದ ಜನ, ಶುರುವಾಯ್ತು ಕಿತ್ತಾಟ; ಸೋಷಿಯಲ್​ ಮೀಡಿಯಾನಲ್ಲಿ ವಿಡಿಯೋ ವೈರಲ್​! Fighting for Cake in Pakistan

ಪಾಕಿಸ್ತಾನದ ಸ್ವಾತಂತ್ರ್ಯ ದಿನಾಚರಣೆ: ಕೇಕ್‌ಗಾಗಿ ಮುಗಿಬಿದ್ದ ಜನ; ಪರಸ್ಪರ ಕಿತ್ತಾಟ
ಪಾಕಿಸ್ತಾನದ ಸ್ವಾತಂತ್ರ್ಯ ದಿನಾಚರಣೆ: ಕೇಕ್‌ಗಾಗಿ ಮುಗಿಬಿದ್ದ ಜನ; ಪರಸ್ಪರ ಕಿತ್ತಾಟ
Published on: 

ಪ್ರಮುಖ ಮುಖ್ಯಾಂಶಗಳು

  • ಪಾಕಿಸ್ತಾನದ ಸ್ವಾತಂತ್ರ್ಯ ದಿನಾಚರಣೆ
  • ಕೇಕ್‌ಗಾಗಿ ಮುಗಿಬಿದ್ದ ಜನ; ಪರಸ್ಪರ ಕಿತ್ತಾಟ
  • ಸೋಷಿಯಲ್ ಮೀಡಿಯಾದಲ್ಲಿ ವಿಡಿಯೋ ವೈರಲ್
ಇಸ್ಲಾಮಾಬಾದ್​: ಇಂದು (ಶುಕ್ರವಾರ, ಆ. 14) ಭಾರತದ ನೆರೆ ರಾಷ್ಟ್ರ ಪಾಕಿಸ್ತಾನದ ಜನ್ಮದಿನ. ಹೌದು ಅಖಂಡ ಹಿಂದೂಸ್ತಾನದ ಭಾಗವಾಗಿದ್ದ ಪಾಕಿಸ್ತಾನ ಆಗಸ್ಟ್​​ 14, 1947 ರಂದು ಪ್ರತ್ಯೇಕ ದೇಶವಾಗಿ ಮಾರ್ಪಟ್ಟಿತು. ಭಾರತದೊಂದಿಗೆ ಜನ್ಮತಾಳಿದೂ ಭಾರತ ಮಾಡಿದ ಸಾಧನೆಯ ಅರ್ಧದಷ್ಟನ್ನು ಆ ದೇಶ ಸಾಧಿಸಲು ಸಾಧ್ಯವಾಗಿಲ್ಲ ಎನ್ನುವುದು ವಿಪರ್ಯಾಸ.
ಇಂದು ಪಾಕಿಸ್ತಾನದ ಸ್ವಾತಂತ್ಯ ದಿನಾಚರಣೆಯಾದ ಕಾರಣ ಆ ದೇಶದ ನಾಗರಿಕರು, ಕೇಕ್​ ಕತ್ತರಿಸುವ ಮೂಲಕ ಸಂಭ್ರಮಾಚರಣೆಗೆ ಮುಂದಾಗಿದ್ದಾರೆ. ಆದರೆ ಅಲ್ಲಿಯ ಬಡತನ, ಹಸಿವು, ನಿರುದ್ಯೋಗದ ಮಟ್ಟ ಎಷ್ಟಿದೆ ಎಂದರೆ, ಆ ಕೇಕ್ (Fighting for Cake in Pakistan)​ ಅನ್ನು ತಿನ್ನಲು ಜನ ಹೊಡೆದಾಟವನ್ನೇ ನಡೆಸಿದ್ದಾರೆ.
ಈಗ ಈ ಘಟನೆಯ ವಿಡಿಯೋ ಸೋಷಿಯಲ್​ ಮೀಡಿಯಾನಲ್ಲಿ ಸಕ್ಕತ್​ ವೈರಲ್​ ಆಗುತ್ತಿದ್ದು, ಪಾಕಿಸ್ತಾನವನ್ನು ಕೊಂಡಾಡುವ ಜನ ಮೊದಲು ಅಲ್ಲಿಯ ಜನರ ವರ್ತನೆಯನ್ನು ಒಮ್ಮೆ ಗಮನಿಸಿ ಎಂದು ಹೇಳುತ್ತಿದ್ದಾರೆ.

ವಿಡಿಯೋನಲ್ಲೇನಿದೆ?

ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗುತ್ತಿರುವ ವಿಡಿಯೋನಲ್ಲಿ, ಸ್ವಾತಂತ್ರ್ಯ ದಿನಾಚರಣೆ ಹಿನ್ನಲೆ ಪಾಕಿಸ್ತಾನದ ಭಾವುಟದ ಚಿತ್ರವಿರುವ ದೊಡ್ಡದಾದ ಕೇಕ್​ ಅನ್ನು ತಯಾರಿಸಲಾಗಿದೆ. ಧ್ವಜವಂದನೆ ಸಲ್ಲಿಸಿ, ರಾಷ್ಟ್ರಗೀತೆ ಹಾಡಿದ ನಂತರ, ಆ ಕೇಕ್​ ಅನ್ನು ಕತ್ತರಿಸಿ ನೆರೆದಿದ್ದ ಜನರಿಗೆ ವಿತರಿಸಲು ಪ್ರಾರಂಭಿಸಲಾಗಿದೆ.

ಆದರೆ ಸಾಲಿನಲ್ಲಿ ನಿಂತು ಕೇಕ್​ ಅನ್ನು ಪಡೆಯಲು ಆಸಕ್ತಿ ತೋರದ ಜನ ಕೇಕ್​ ಮೇಲೆ ಮುಗಿಬಿದ್ದು, ಕೈಗೆ ಎಷ್ಟು ದೊರೆಯುತ್ತೋ ಅಷ್ಟು ಕೇಕ್​ ಅನ್ನು ಲೂಟಿ ಮಾಡಲು ಶುರುವಿಟ್ಟಿದ್ದಾರೆ. ಕೆಲ ಜನರಿಂದ ಪ್ರಾರಂಭವಾದ ಈ ಕೆಲಸವನ್ನು ನೆರೆದಿದ್ದ ಎಲ್ಲರೂ ಮಾಡಲು ಶುರುವಿಟ್ಟ ಕಾರಣ, ಸ್ಥಳದಲ್ಲಿ ಹೊಡೆದಾಟ- ಬಡಿದಾಟ ನಡೆದಿದೆ.


ನೆಟ್ಟಿಗರ ರಿಯಾಕ್ಷನ್​ ಹೇಗಿದೆ?

ಈ ವಿಡಿಯೋ ಸೋಷಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗುತ್ತಿದ್ದಂತೆ ನೆಟ್ಟಿಗರು ಪಾಕ್​ ಜನರನನ್ನು ಅಪಹಾಸ್ಯ ಮಾಡಲು ಮುಂದಾಗಿದ್ದಾರೆ.

ಈ ದೇಶ ಭಾರತದ ಜೊತೆ ಸೇರದಿದ್ದದ್ದೆ ಒಳ್ಳೆಯದಾಯಿತು. ಒಂದು ಕೇಕ್​ ತಿನ್ನಲು ಇಷ್ಟು ಜಗಳ ಯಾರಾದರೂ ಮಾಡುತ್ತಾರಾ? ಎಂದು ಒಬ್ಬ ಬಳಕೆದಾರರು ಕಮೆಂಟ್​ ಮಾಡಿದ್ದಾರೆ.

ಕೇಕ್​ ತಿನ್ನಲು ಹೊಡೆದಾಡುವಾಗಲೇ, ಅಲ್ಲಿ ಜನರು ಯಾವ ಕಷ್ಟದಲ್ಲಿದ್ದಾರೆಂದು ತಿಳಿಯುತ್ತೆ ಎಂದು ಇನ್ನೊಬ್ಬರು ಹೇಳಿದ್ದಾರೆ. ಒಂದು ಕೇಕ್ ಅನ್ನೇ ಸರಿಯಾಗಿ ನಿರ್ವಹಣೆ ಮಾಡಲಾಗದು ಇವರಿಗೆ ಕಾಶ್ಮೀರ ಬೇಕಂತೆ ಎಂದು ಮತ್ತೊಬ್ಬರು ಟಾಂಗ್​ ಕೊಟ್ಟಿದ್ದಾರೆ,

(ಏಜನ್ಸೀಸ್).
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net