ಆದರೆ, ಈ ವಾಚ್ ಜನಪ್ರಿಯವಾಗಲು ಅದರ ವಿನ್ಯಾಸವೊಂದೇ ಕಾರಣವಲ್ಲ. ಅದರ ಮೇಲೆ ಪ್ರಧಾನಿ ಅನುಟಿನ್ ಅವರ ಹೆಸರನ್ನು ಕೆತ್ತಲಾಗಿದ್ದು, ಅವರಿಂದಲೇ ಉಡುಗೊರೆಯಾಗಿ ಪಡೆದಿರುವುದು ಇದಕ್ಕೆ ವಿಶೇಷ ಮಹತ್ವ ನೀಡಿದೆ.
ಸಚಿವರು, ಹಿರಿಯ ಅಧಿಕಾರಿಗಳು ಮತ್ತು ರಾಜಕೀಯ ಮುಖಂಡರು ಈ ವಾಚ್‌ಗಳನ್ನು ಧರಿಸಿಕೊಂಡು ಕಾಣಿಸಿಕೊಳ್ಳುತ್ತಿದ್ದಾರೆ. ಅಷ್ಟೇ ಅಲ್ಲ, ಪ್ರಧಾನಿ ಅವರಿಂದ ವಾಚ್ ಪಡೆದವರನ್ನು 'ಕ್ಯಾಸಿಯೊ ಕನೆಕ್ಷನ್' ಎಂದೂ ಗುರುತಿಸಲಾಗುತ್ತಿದೆ. ಸಾಮಾನ್ಯವಾಗಿ ದುಬಾರಿ ಉಡುಗೊರೆಗಳು ಪ್ರತಿಷ್ಠೆಯ ಸಂಕೇತವಾಗಿರುವ ರಾಜಕೀಯ ವಲಯದಲ್ಲಿ, ಕಡಿಮೆ ಬೆಲೆಯ ವಾಚ್‌ವೊಂದು ಇಷ್ಟೊಂದು ಗಮನ ಸೆಳೆಯುತ್ತಿರುವುದು ವಿಶೇಷವಾಗಿದೆ.
ಲಕ್ಷಾಂತರ ರೂಪಾಯಿ ವಾಚ್ ಬದಿಗಿಟ್ಟ ಸಚಿವ!
ಥಾಯ್ಲೆಂಡ್‌ನ ಸಾರಿಗೆ ಇಲಾಖೆಯ ಉಪ ಸಚಿವ ಸಿರಿಪಾಂಗ್ ಅಂಗಸಕುಲ್ಕಿಯಾಟ್ ಅವರಿಗೂ ಪ್ರಧಾನಿ ಅನುಟಿನ್ ಈ ವಾಚ್ ಉಡುಗೊರೆಯಾಗಿ ನೀಡಿದ್ದಾರೆ. ಸಚಿವ ಸಂಪುಟ ಸಭೆಯ ಬಳಿಕ ವಾಚ್ ಪಡೆದಿರುವ ಅವರು, ಅದರ ಬೆಲೆಗಿಂತ ಅದನ್ನು ನೀಡಿದ ವ್ಯಕ್ತಿಯೇ ಮುಖ್ಯ ಎಂದು ಹೇಳಿದ್ದಾರೆ.
ಪ್ರಧಾನಿ ಅನುಟಿನ್ ಬ್ಯಾಂಕಾಕ್ ಸುತ್ತಮುತ್ತಲಿನ ಪ್ರದೇಶಗಳಿಗೆ ಭೇಟಿ ನೀಡುವಾಗ ಸಣ್ಣ ಅಂಗಡಿಗಳು ಮತ್ತು ಮಾರುಕಟ್ಟೆಗಳಿಂದ ಈ ವಾಚ್‌ಗಳನ್ನು ಖರೀದಿಸುತ್ತಾರೆ ಎನ್ನಲಾಗಿದೆ. ಬಳಿಕ ಅವುಗಳ ಮೇಲೆ ತಮ್ಮ ಹೆಸರನ್ನು ಕೆತ್ತಿಸಿ, ಆಪ್ತರು ಮತ್ತು ರಾಜಕೀಯ ಸಹೋದ್ಯೋಗಿಗಳಿಗೆ ಉಡುಗೊರೆಯಾಗಿ ನೀಡುತ್ತಾರೆ.Vijayavani
