ಅಂದಹಾಗೆ, ಡೊನಾಲ್ಡ್ ಟ್ರಂಪ್ ಅವರ ಕಣ್ಣು ಕೇವಲ ಗ್ರೀನ್ಲ್ಯಾಂಡ್ ಮೇಲೆ ಮಾತ್ರ ಬಿದ್ದಿಲ್ಲ. ಮಡುರೊ ಸೆರೆಹಿಡಿದ ನಂತರ, ಟ್ರಂಪ್ ಅವರು ಮೆಕ್ಸಿಕೊ, ಕ್ಯೂಬಾ ಮತ್ತು ಕೊಲಂಬಿಯಾ ಸರ್ಕಾರಗಳನ್ನು ನಮ್ಮ ಮುಂದಿನ ಟಾರ್ಗೆಟ್ ಆಗಬಹುದು ಎಂದು ಎಚ್ಚರಿಕೆ ನೀಡಿದ್ದಾರೆ. ಅಮೆರಿಕದ ಪಡೆಗಳು ಮಡುರೊ ಅವರನ್ನು ನ್ಯೂಯಾರ್ಕ್ ಕರೆತರುತ್ತಿದ್ದಾಗಲೇ ಟ್ರಂಪ್, ಕೊಲಂಬಿಯಾದ ಅಧ್ಯಕ್ಷ ಗುಸ್ಟಾವೊ ಪೆಟ್ರೋ ವಿರುದ್ಧ ವಾಗ್ದಾಳಿ ನಡೆಸಿದರು. ಕೊಲಂಬಿಯಾ ಅಧ್ಯಕ್ಷ ಕೊಕೇನ್ ತಯಾರಿಸಿ, ಯುನೈಟೆಡ್ ಸ್ಟೇಟ್ಸ್ಗೆ ಕಳುಹಿಸುತ್ತಿದ್ದಾರೆ. ಅವರ ಕೆಲಸ ಅವರು ನೋಡಿಕೊಂಡರೆ ಒಳ್ಳೆಯದು ಎಂದಿದ್ದಾರೆ. ಕೆರಿಬಿಯನ್ನಲ್ಲಿ ಮಾದಕವಸ್ತು ಕಳ್ಳಸಾಗಣೆ ಹಡಗುಗಳ ವಿರುದ್ಧ ಟ್ರಂಪ್ ನಡೆಸಿದ ವೈಮಾನಿಕ ದಾಳಿಗಳ ಬಗ್ಗೆ ಪೆಟ್ರೋ ತೀವ್ರ ಟೀಕಾಕಾರರಾಗಿದ್ದಾರೆ. ವಾಸ್ತವವಾಗಿ, ಅಮೆರಿಕ ವೆನೆಜುವೆಲಾ ವಿರುದ್ಧ ದಾಳಿ ನಡೆಸಿದಾಗ, ಪೆಟ್ರೋ ಅಮೆರಿಕದ ಕ್ರಮಗಳನ್ನು ಲ್ಯಾಟಿನ್ ಅಮೆರಿಕದ ಸಾರ್ವಭೌಮತ್ವದ ಮೇಲಿನ ದಾಳಿ ಎಂದು ಕರೆದರು ಮತ್ತು ಅವು ಮಾನವೀಯ ಬಿಕ್ಕಟ್ಟಿಗೆ ಕಾರಣವಾಗುತ್ತವೆ ಎಂದು ಖಂಡಿಸಿದರು.
