ಪೋರ್ನ್​ ಸ್ಟಾರ್​ಗಳ ಹಕ್ಕಿಗಾಗಿ ಹೋರಾಡಿ ಸಂಸತ್ ಪ್ರವೇಶಿಸಿದ ಮಾಜಿ ನೀಲಿ ತಾರೆ:​ ಕೊಲಂಬಿಯಾ ರಾಜಕಾರಣದಲ್ಲಿ ಸಂಚಲನ! Amaranta Hank

Amaranta Hank : ಸಿನಿಮಾರಂಗದ ತಾರೆಯರು ಬಣ್ಣದ ಬದುಕಿಗೆ ವಿದಾಯ ಹೇಳಿ ರಾಜಕೀಯ ಅಖಾಡಕ್ಕಿಳಿದು ತಮ್ಮ ಅದೃಷ್ಟ ಪರೀಕ್ಷಿಸಿಕೊಳ್ಳುವುದು ಜಗತ್ತಿನಾದ್ಯಂತ ಸರ್ವೇಸಾಮಾನ್ಯ. ಆದರೆ, ಅತ್ಯಂತ ವಿಭಿನ್ನ ಹಾಗೂ ಅನಿರೀಕ್ಷಿತ ಹಾದಿಯ ಮೂಲಕ ರಾಜಕಾರಣಕ್ಕೆ ಎಂಟ್ರಿ ಕೊಡುವ ವಿಚಾರದಲ್ಲಿ ಲ್ಯಾಟಿನ್ ಅಮೆರಿಕನ್ ದೇಶಗಳು ಸದಾ ಒಂದು ಹೆಜ್ಜೆ ಮುಂದಿರುತ್ತವೆ. ಇದೀಗ ಇಂತಹದ್ದೇ ಒಂದು ಅಚ್ಚರಿಯ ಬೆಳವಣಿಗೆಯಲ್ಲಿ, ಕೊಲಂಬಿಯಾದಲ್ಲಿ ಮಾಜಿ ಪೋರ್ನ್​ ಸ್ಟಾರ್​ ಡೈಸಿ ಅಲೆಜಾಂಡ್ರಾ ಒಮಾನಾ ಒರ್ಟಿಜ್ ಅವರು ಅಧಿಕೃತವಾಗಿ ಸೆನೆಟರ್ ಆಗಿ ಪ್ರಮಾಣವಚನ ಸ್ವೀಕರಿಸುವ ಮೂಲಕ ಜಾಗತಿಕ ಮಟ್ಟದಲ್ಲಿ ಎಲ್ಲರ ಹುಬ್ಬೇರಿಸಿದ್ದಾರೆ.

ಅಮರಾಂಟಾ ಹ್ಯಾಂಕ್ ಎಂಬ ಹೆಸರಿನಿಂದ ಜಗತ್ತಿಗೆ ಚಿರಪರಿಚಿತರಾಗಿರುವ ಈ ನೂತನ ಸೆನೆಟರ್, ಪೋರ್ನ್​ ಸ್ಟಾರ್​ಗಳ ಹಕ್ಕುಗಳಿಗಾಗಿ ಧ್ವನಿಯೆತ್ತುವ ಮೂಲಕ ಮತ್ತು ಅವರ ಕಲ್ಯಾಣಕ್ಕಾಗಿ ಸತತವಾಗಿ ಹೋರಾಡುವ ಮೂಲಕ ಅಪಾರ ಜನಪ್ರಿಯತೆ ಗಳಿಸಿದ್ದರು.

ಕೊಲಂಬಿಯಾ ಮಾಧ್ಯಮಗಳ ವರದಿ ಪ್ರಕಾರ, ಡೈಸಿ ಒರ್ಟಿಜ್ ಅವರು ಪ್ರಗತಿಪರ ವಿಚಾರಧಾರೆಯ 'ಹಿಸ್ಟಾರಿಕ್ ಪ್ಯಾಕ್ಟ್' ಒಕ್ಕೂಟದ ಪರವಾಗಿ ನಾರ್ತ್ ಡೆ ಸಾಂಟಾಂಡರ್ ಪ್ರದೇಶವನ್ನು 2026 ರಿಂದ 2030ರ ಸಂಸದೀಯ ಅವಧಿಗೆ ಪ್ರತಿನಿಧಿಸಲಿದ್ದಾರೆ. ಇತ್ತೀಚಿನ ಸಮೀಕ್ಷೆಗಳ ಪ್ರಕಾರ, ಭರ್ಜರಿ 4.4 ಮಿಲಿಯನ್‌ಗಿಂತಲೂ ಹೆಚ್ಚು ಮತಗಳನ್ನು ಪಡೆಯುವ ಮೂಲಕ ಈ ಹಿಸ್ಟಾರಿಕ್ ಪ್ಯಾಕ್ಟ್ ಒಕ್ಕೂಟವು ದೇಶದಲ್ಲೇ ಅತ್ಯಂತ ಪ್ರಭಾವಶಾಲಿ ರಾಜಕೀಯ ಶಕ್ತಿಯಾಗಿ ಹೊರಹೊಮ್ಮಿದೆ.

ಪತ್ರಕರ್ತೆಯಾಗಿ ವೃತ್ತಿಜೀವನ ಆರಂಭಿಸಿ ಆ ಬಳಿಕ ಅಡಲ್ಟ್ ಸ್ಟಾರ್ ಆಗಿ ಬದಲಾಗಿದ್ದ ಒರ್ಟಿಜ್, ತಮ್ಮ ಹಳೆಯ ವೃತ್ತಿಯ ಕುರಿತು ನಡೆಯುವ ಚರ್ಚೆಗಳಿಗೆ ಕಿಂಚಿತ್ತೂ ತಲೆಕೆಡಿಸಿಕೊಳ್ಳುವುದಿಲ್ಲ. ವಯಸ್ಕರ ರಂಗದ ಕಲಾವಿದರು ಕೂಡ ದೇಶದ ಆರ್ಥಿಕತೆಗೆ ಮಹತ್ವದ ಕೊಡುಗೆ ನೀಡುತ್ತಾರೆ ಎಂದಿರುವ ಅವರು, ಈ ಕ್ಷೇತ್ರದಲ್ಲಿ ದುಡಿಯುವ ಪ್ರತಿಯೊಬ್ಬರಿಗೂ ಸರ್ಕಾರದಿಂದ ಅಧಿಕೃತ ಕಾನೂನು ಮಾನ್ಯತೆ ಸಿಗಬೇಕೆಂಬ ಪ್ರಮುಖ ಬೇಡಿಕೆಯನ್ನು ಇಟ್ಟಿದ್ದಾರೆ.

ಸೋಷಿಯಲ್ ಮೀಡಿಯಾದಲ್ಲಿ ತಮ್ಮ ವಿರುದ್ಧ ಕೇಳಿಬರುತ್ತಿರುವ ಟೀಕೆಗಳಿಗೆ ತೀಕ್ಷ್ಣವಾಗಿ ಉತ್ತರಿಸಿರುವ ಒರ್ಟಿಜ್, ಮಾಜಿ ಅಡಲ್ಟ್ ಸ್ಟಾರ್ ಒಬ್ಬರು ದೇಶದ ಪ್ರಜಾತಾಂತ್ರಿಕ ವ್ಯವಸ್ಥೆಯಲ್ಲಿ ಚುನಾಯಿತ ಜನಪ್ರತಿನಿಧಿಯಾಗಲು ಬಯಸುವುದು ಯಾವುದೇ ಅಪರಾಧವಲ್ಲ ಎಂದು ತಿರುಗೇಟು ನೀಡಿದ್ದಾರೆ. ಮುಂಬರುವ ದಿನಗಳಲ್ಲಿ ಕೊಲಂಬಿಯಾದ ರಾಜಕೀಯ ಜಾಗತಿಕ ಮಟ್ಟದಲ್ಲಿ ಸದ್ದು ಮಾಡುವಾಗ, ಡೈಸಿ ಒರ್ಟಿಜ್ ಅವರ ಹೆಸರು ಪ್ರಮುಖವಾಗಿ ಪ್ರಸ್ತಾಪವಾಗುವುದರಲ್ಲಿ ಸಂಶಯವಿಲ್ಲ, (ಏಜೆನ್ಸೀಸ್​).