ಕಚ್ಚಾ ತೈಲ ಸಾಗಣೆ ಜಾಲದ ಮೇಲೆ ಗ್ರಹಣ

ಪ್ರಮುಖ ಮುಖ್ಯಾಂಶಗಳು

• ಪ್ರತಿದಿನ 10-15 ಅತಿದೊಡ್ಡ ಕಚ್ಚಾ ತೈಲ ಟ್ಯಾಂಕರ್​ಗಳ ಸಂಚಾರ
• ಪ್ರತಿ ದಿನ 20-25 ಮಿಲಿಯನ್ ಟನ್ ಕಚ್ಚಾ ತೈಲ ಸಾಗಣೆ
• ಪ್ರತಿ ದಿನ 100-120 ಸರಕು ಸಾಗಣೆ ವಾಣಿಜ್ಯ ಹಡಗುಗಳ ಸಂಚಾರ
• ಮಧ್ಯಪ್ರಾಚ್ಯದ ಹಲವು ದೇಶಗಳಿಗೆ ಇರುವ ಏಕೈಕ ಜಲಮಾರ್ಗ

100 ಡಾಲರ್​ಗೆ ಏರಿಕೆ?

ಹಾಮುಜ್ ಜಲಸಂಧಿ ಬಂದ್ ಆದರೆ ತೈಲ ಪೂರೈಕೆ ಸರಪಳಿಯ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರುತ್ತದೆ. ಹಾಗಾಗಿ ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾತೈಲ ದರ ಏರಿಕೆಯಾಗುತ್ತದೆ. ಇರಾನ್ ಈಗಾಗಲೇ ಹಾಮುಜ್ ಜಲಸಂಧಿಯನ್ನು ಬಂದ್ ಮಾಡಿರುವ ಹಿನ್ನೆಲೆಯಲ್ಲಿ ಕಚ್ಚಾತೈಲ ದರ ಬ್ಯಾರಲ್​ಗೆ 100 ಡಾಲರ್​ಗೆ ಹೆಚ್ಚುವ ಸಾಧ್ಯತೆ ಇದೆ.

ತೈಲ ಟ್ಯಾಂಕರ್ ಮೇಲೆ ದಾಳಿ

ಹಾಮುಜ್ ಜಲಸಂಧಿಯ ಮೂಲಕ ಒಮನ್ ಕಡಲ ತೀರದಲ್ಲಿ ಸಾಗುತ್ತಿದ್ದ ತೈಲ ಟ್ಯಾಂಕರ್ ಮೇಲೆ ಭಾನು ವಾರ ಇರಾನ್ ದಾಳಿ ನಡೆಸಿದ್ದು, ಹಡಗಿನಲ್ಲಿ ಬೆಂಕಿ ಕಾಣಿಸಿಕೊಂಡಿದೆ. ದಾಳಿ ನಡೆದಾಗ ಹಡಗಿನಲ್ಲಿ 15 ಭಾರತೀಯರು ಸೇರಿ 20 ಸಿಬ್ಬಂದಿ ಇದ್ದರು. ದಾಳಿಯಲ್ಲಿ ನಾಲ್ವರು ಸಿಬ್ಬಂದಿಗೆ ಗಾಯವಾಗಿದ್ದು, ಎಲ್ಲರನ್ನೂ ರಕ್ಷಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.