ಬಾಯಂಗಳಕ್ಕೆ ಕಾಲಿಟ್ಟ ಕೃತಕ ಬುದ್ಧಿಮತ್ತೆ: 47 ಸಾವಿರದ ಟೂತ್​ಬ್ರಶ್​ ಬಿಡುಗಡೆ ಮಾಡಿದ Dyson; ನೆಟ್ಟಿಗರ ರಿಯಾಕ್ಷನ್​ ಹೇಗಿದೆ? Dyson Ai Toothbrush

ವೈರಲ್​: ಇತ್ತೀಚಿನ ದಿನಗಳಲ್ಲಿ ಮೊಬೈಲ್​ ಫೋನ್‌ನಿಂದ ಹಿಡಿದು ಕಛೇರಿ ಮತ್ತು ಮನೆಯಲ್ಲಿರುವ ಬಹುತೇಕ ವಸ್ತುಗಳಲ್ಲಿ ಕಂಡುವರುವ ಕೃತಕ ಬುದ್ಧಿಮತ್ತೆ (AI) ಈಗ ನಮ್ಮ ಬಾಯೊಳಗೆ ನುಗ್ಗಲು ಸಜ್ಜಾಗಿದೆ.

ಡೈಸನ್ ಅಧಿಕೃತವಾಗಿ ಈ ಎಲೆಕ್ಟ್ರಿಕ್ ಟೂತ್ ಬ್ರಷ್ ಮತ್ತು ಫ್ಲೋಸರನ್ನು ಬರೋಬ್ಬರಿ 500 ಡಾಲರ್(ಭಾರತೀಯ ರೂಪಾಯಿನಲ್ಲಿ ಸುಮಾರು 47 ಸಾವಿರ) ಬೆಲೆಗೆ ಬಿಡುಗಡೆ ಮಾಡಿದೆ. ಇದನ್ನು ನೋಡಿರುವ ಜನ ಇದೇ ಬೆಲೆಗೆ ಚಿನ್ನದ ಹಲ್ಲನ್ನೇ ಹೊಂದಬಹುದೆಂದು ಹೇಳುತ್ತಿದ್ದಾರೆ.

ಇದು ವಿಶ್ವದ ಮೊದಲ ಕೃತಕ ಬುದ್ಧಿಮತ್ತೆ ಹೊಂದಿರುವ ಟೂತ್​ ಬ್ರಶ್​ಆಗಿರುವುದು ಇದರ ಮೊದಲ ವಿಶೇಚತೆಯಾಗಿದೆ. ಹಾಗೂ ಹಲ್ಲುಜ್ಜುವಾಗ ಎರಡು ಹಲ್ಲುಗಳ ನಡುವೆ ಎಷ್ಟು ಅಂತರವಿದೆ ಎಂದು ಅಂದಾಜಿಸಿ, ಅದರೊಳಗೆ ಸಿಲುಕಿರುವ ಆಹಾರಗಳನ್ನು ಎಐ ಕ್ಯಾಮರಾ ಬಳಸಿ ಇದು ಸ್ವಚ್ಛಗೊಳಿಸಲಿದೆ ಎಂದು ಹೇಳಲಾಗುತ್ತಿದೆ.

ಈ ಎಐ ಟೂತ್​ ಬ್ರಶ್​​ನ ಮಾಹಿತಿ ಲಭ್ಯವಾಗುತ್ತಿದ್ದಂತೆ ಎಲ್ಲೆಡೆ ಟ್ರೋಲಿಂಗ್​ ಆರಂಭವಾಗಿದೆ. ಈ ಕ್ಯಾಮರಾವನ್ನು ಬಳಸಿ ನಾವು ಯೂಟ್ಯೂಬ್​ ವಿಡಿಯೋ ಮಾಡಬಹುದೇ? ಎಂದು ಒಬ್ಬರು ಕೇಳಿದರೆ. ಕ್ಯಾಮಾರಾ ಮೂಲಕ ನಿನ್ನೆ ಏನು ತಿಂದಿದ್ದರೆಂದು ಫೋಟೊ ತೆಗೆದುಕೊಳ್ಳಬಹುದೆಂದು ಇನ್ನೊಬ್ಬರು ಹೇಳುತ್ತಿದ್ದಾರೆ. 10 ರೂಪಾಯಿಗೆ ದೊರೆಯುವ ಸಾಧನಕ್ಕೆ ಯಾರಾದರೂ 50 ಸಾವಿರ ಕೊಟ್ಟು ಖರೀದಿಸುತ್ತಾರಾ? ಎಂದು ಮತ್ತೊಬ್ಬರು ಪ್ರಶ್ನಿಸಿದ್ದಾರೆ.

ಬಾಯಿಯೊಳಗೆ ಕ್ಯಾಮೆರಾ ಇರುವುದರಿಂದ ನಮ್ಮ ವೈಯಕ್ತಿಕ ದೃಶ್ಯಗಳು ಸೋರಿಕೆಯಾಗಬಹುದೇ ಎಂಬ ಆತಂಕ ಬಳಕೆದಾರರಲ್ಲಿ ಮೂಡಿದೆ. ಇದಕ್ಕೆ ಸ್ಪಷ್ಟನೆ ನೀಡಿರುವ ಡೈಸನ್, ಈ ಕ್ಯಾಮೆರಾ ಕೇವಲ ಹಲ್ಲುಗಳ ಅಂತರವನ್ನು ಗುರುತಿಸಲು ಮಾತ್ರ ಬಳಕೆಯಾಗುತ್ತದೆ. ಇದು ಬೇಕಾದಾಗ ಮಾತ್ರ ಆನ್ ಆಗುತ್ತದೆ, ಬಳಕೆಯಲ್ಲಿಲ್ಲದಿದ್ದಾಗ ಆಫ್ ಆಗಿರುತ್ತದೆ. ಕ್ಯಾಮೆರಾ ಆನ್ ಇದ್ದಾಗ ಬಿಳಿ ಬಣ್ಣದ ಬೆಳಕು ಕಾಣಿಸುತ್ತದೆ ಎಂದಿದೆ.