ಹೊರ್ಮುಜ್ ಜಲಮಾರ್ಗ ನಮ್ಮ ಆಸ್ತಿ! ಹೊಸ ನಕ್ಷೆ ರಿಲೀಸ್​ ಮಾಡಿದ ಅಮೆರಿಕ ಅಧ್ಯಕ್ಷ​ ಟ್ರಂಪ್ | ​Strait of Hormuz

Strait of Hormuz: ತಮ್ಮ ಯಾವ ತಂತ್ರ, ಕುತಂತ್ರಕ್ಕೂ ಬಗ್ಗದ ಇರಾನ್​ಗೆ ಮತ್ತೊಂದು ರೀತಿಯಲ್ಲಿ ಪಾಠ ಕಲಿಸಲು ಹೋಗಿರುವ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, ಅಮೆರಿಕದ ನಕ್ಷೆಗೆ ಹೊರ್ಮುಜ್ ಜಲಸಂಧಿ'ಯನ್ನು ಸೇರಿಸುವ ಮೂಲಕ ಜಾಗತಿಕವಾಗಿ ಹೊಸ ಸಂಚಲನ, ವಿವಾದವನ್ನು ಸೃಷ್ಟಿಸಿದ್ದಾರೆ.

ಈ ಕುರಿತಾಗಿ ತಮ್ಮ ಅಧಿಕೃತ ಜಾಲತಾಣ ಖಾತೆಯಾದ ಟ್ರೂತ್ ಸೋಶಿಯಲ್‌ನಲ್ಲಿ ಪೋಸ್ಟ್ ಮಾಡಿರುವ ಟ್ರಂಪ್​, ಹೊರ್ಮುಜ್ ಜಲ ಮಾರ್ಗವು ಇನ್ಮುಂದೆ ಹೊಸ ಅಮೇರಿಕನ್ ಪ್ರದೇಶ. ಈ ಜಲಸಂಧಿಯು ಅಮೆರಿಕ-ಇರಾನ್ ಯುದ್ಧದಲ್ಲಿ ನಿರ್ಣಾಯಕಗೊಂಡಿದೆ ಎಂದು ಹೇಳುವ ಮೂಲಕ ಇನ್ನಷ್ಟು ಕಿಡಿ ಹೊತ್ತಿಸಿರುವುದಂತು ಸ್ಪಷ್ಟ. ಟ್ರಂಪ್​ನ ಯಾವ ನಡೆಗೆ ಬಗ್ಗದ ಇರಾನ್​, ಸಂಚಾರಕ್ಕಾಗಿ ಜಲ ಮಾರ್ಗವನ್ನು ಸಂಪೂರ್ಣವಾಗಿ ತೆರೆಯುವುದಿಲ್ಲ. ಮಧ್ಯಂತರ ಶಾಂತಿ ಒಪ್ಪಂದದಲ್ಲಿ ಕೊಟ್ಟ ಭರವಸೆಗಳನ್ನು ಕಾರ್ಯರೂಪಕ್ಕೆ ತರುವವರೆಗೆ ಓಪನ್​ ಮಾತೇ ಇಲ್ಲ ಎಂದು ಅಮೆರಿಕಕ್ಕೆ ಹೇಳಿದೆ.

ಹೊರ್ಮುಜ್ ಜಲಸಂಧಿಯನ್ನು ತಕ್ಷಣವೇ ತೆರೆಯುವ ಯಾವ ಲಕ್ಷಣವೂ ಇಲ್ಲ ಎಂದಿರುವ ಇರಾನ್ ನಾಯಕ ಮೊಹಮ್ಮದ್ ಗಾಲಿಬಾಫ್, ಯುಎಸ್ ತನ್ನ​ ನೌಕಾ ದಿಗ್ಬಂಧನವನ್ನು ತೆಗೆದುಹಾಕಬೇಕು. ಮತ್ತು ವಿಧಿಸಿರುವ ತೈಲ ನಿರ್ಬಂಧಗಳನ್ನು ಕಡಿತಗೊಳಿಸಿ ಮತ್ತು ವಿದೇಶಗಳಲ್ಲಿ ಸ್ಥಗಿತಗೊಳಿಸಿರುವ ಇರಾನಿನ ಆಸ್ತಿಗಳನ್ನು ಬಿಡುಗಡೆ ಮಾಡಬೇಕು ಎಂದು ಆಗ್ರಹಿಸಿದ್ದಾರೆ,(ಏಜೆನ್ಸೀಸ್).