ಇತ್ತೀಚಿಗೆ ಸುಳ್ಳು ಸುದ್ದಿ, ತಪ್ಪು ವರದಿಗಾರಿಕೆ ಹಾಗೂ ಪಕ್ಷಪಾತದಿಂದ ವರ್ತಿಸುತ್ತಿವೆ ಎಂದು ಆರೋಪಿಸಿ ಟ್ರಂಪ್, ಸಿಎನ್ಎನ್, ಎಂಎಸ್ ನೌ ಹಾಗೂ ಪೊಲಿಟಿಕೊ ಎಂಬ ಮೂರು ಸುದ್ದಿ ಚಾನಲ್ಗಳಿಗೆ ಶ್ವೇತಭವನ ಪ್ರವೇಶ ನಿಷೇಧಿಸಿದ ಆದೇಶ ಹೊರಡಿಸಿದ್ದರು. ಇದನ್ನು ಖಂಡಿಸಿ ಸೆ. 21ರಂದು ಮೂರು ಮಾಧ್ಯಮ ಸಂಸ್ಥೆಗಳು ಜಂಟಿಯಾಗಿ ಕೋರ್ಟ್ ಮೆಟ್ಟಿಲೇರಿವೆ.
ಶ್ವೇತಭವನದ ಈ ನಡೆ ಸಂವಿಧಾನದ ಮೊದಲ ತಿದ್ದುಪಡಿಯಡಿ ತಮಗೆ ನೀಡಲಾಗಿರುವ ವಾಕ್ ಸ್ವಾತಂತ್ರ್ಯದ ಸ್ಪಷ್ಟ ಉಲ್ಲಂಘನೆ ಎಂದು ಆರೋಪಿಸಿವೆ. ಜೊತೆಗೆ ಇತರೆ ಪ್ರಮುಖ ಮಾಧ್ಯಮ ಸಂಸ್ಥೆಗಳಾದ ಎಬಿಸಿ, ಸಿಬಿಎಸ್, ಫ್ಯಾಕ್ಸ್ ನ್ಯೂಸ್ ಹಾಗೂ ಎನ್ಬಿಸಿ ಸುದ್ದಿ ಸಂಸ್ಥೆಗಳು ಸಹ ಶ್ವೇತ ಭವನದ ಕ್ರಮಕ್ಕೆ ವಿರೋಧ ವ್ಯಕ್ತಪಡಿಸಿವೆ.
ಈ ವಿವಾದ ನಡುವೆ ಶ್ವೇತಭವನ, ಟ್ರಂಪ್ ಟಿವಿ: ದಿ ಎಸ್ಸೆನ್ಷಿಯಲ್ ಸ್ಟೇಷನ್ ಹೆಸರಿನ 24/7 ಡಿಜಿಟಲ್ ಸ್ಟ್ರೀಮಿಂಗ್ ಪ್ಲಾಟ್ಫಾರ್ಮ್ ಅನ್ನು ಅಧಿಕೃತವಾಗಿ ಪ್ರಾರಂಭಿಸಿದೆ. ಇದು ಡೊನಾಲ್ಡ್ ಟ್ರಂಪ್ ಅವರ ಭಾಷಣಗಳು, ಆಡಳಿತ ಪ್ರಕಟಣೆಗಳು ಮತ್ತು ನವೀಕರಣಗಳನ್ನು ಪ್ರಸಾರ ಮಾಡುವ ವೇದಿಕೆಯಾಗಿದೆ.
