ಚೀನಾದ ಖರೀದಿ ಸಾಮರ್ಥ್ಯ ಕುಸಿತ!

ಜನರಿಗೆ ಹಣ ನೀಡಿ ಖರೀದಿಗೆ ಕರೆಯಬಹುದು, ಆದರೆ ಖರ್ಚು ಮಾಡುವ ಭರವಸೆಯನ್ನು ಕೊಂಡುಕೊಳ್ಳಲು ಸಾಧ್ಯವಿಲ್ಲ. ಹೌದು, ಚೀನಾ ಈ ವರ್ಷ ಇದೇ ಸತ್ಯದೊಂದಿಗೆ ಹೋರಾಡುತ್ತಿದೆ. ಫೋನ್ ಖರೀದಿಯ ಮೇಲೆ 15% ರಿಯಾಯಿತಿ ಮತ್ತು ಹಳೆಯ ಕಾರು ಬದಲಾಯಿಸಲು 20,000 ಯುವಾನ್ (-ಠಿ;2.83 ಲಕ್ಷ) ವರೆಗೆ ನೆರವು ನೀಡಲಾಗುತ್ತಿದೆ. ಆದರೂ ಮಾರುಕಟ್ಟೆಯಲ್ಲಿ ಉತ್ಸಾಹ ಮರಳುತ್ತಿಲ್ಲ.
ಚೀನಾದ ಖರೀದಿ ಸಾಮರ್ಥ್ಯ ಕುಸಿತ!
WEB
Published on: 

ಜನರಿಗೆ ಹಣ ನೀಡಿ ಖರೀದಿಗೆ ಕರೆಯಬಹುದು, ಆದರೆ ಖರ್ಚು ಮಾಡುವ ಭರವಸೆಯನ್ನು ಕೊಂಡುಕೊಳ್ಳಲು ಸಾಧ್ಯವಿಲ್ಲ. ಹೌದು, ಚೀನಾ ಈ ವರ್ಷ ಇದೇ ಸತ್ಯದೊಂದಿಗೆ ಹೋರಾಡುತ್ತಿದೆ. ಫೋನ್ ಖರೀದಿಯ ಮೇಲೆ 15% ರಿಯಾಯಿತಿ ಮತ್ತು ಹಳೆಯ ಕಾರು ಬದಲಾಯಿಸಲು 20,000 ಯುವಾನ್ (-ಠಿ;2.83 ಲಕ್ಷ) ವರೆಗೆ ನೆರವು ನೀಡಲಾಗುತ್ತಿದೆ. ಆದರೂ ಮಾರುಕಟ್ಟೆಯಲ್ಲಿ ಉತ್ಸಾಹ ಮರಳುತ್ತಿಲ್ಲ. ಚೀನಾದ ರಾಷ್ಟ್ರೀಯ ಅಂಕಿಅಂಶಗಳ ಬ್ಯೂರೋ (ಎನ್​ಬಿಎಸ್) ಪ್ರಕಾರ, ಈ ವರ್ಷ ಜನವರಿ-ಸೆಪ್ಟೆಂಬರ್ ನಡುವೆ ಗ್ರಾಹಕ ವಸ್ತುಗಳ ಚಿಲ್ಲರೆ ಮಾರಾಟ 1.1%ರಷ್ಟು ಮಾತ್ರ ಹೆಚ್ಚಾಗಿದೆ.

ವಿಶ್ವದ ಎರಡನೇ ಅತಿದೊಡ್ಡ ಆರ್ಥಿಕತೆಯಾದ ಚೀನಾ, ಪ್ರಸ್ತುತ ತನ್ನ ಆರ್ಥಿಕ ಇತಿಹಾಸದಲ್ಲೇ ಅತ್ಯಂತ ಸಂಕೀರ್ಣವಾದ ಆಂತರಿಕ ಬಿಕ್ಕಟ್ಟನ್ನು ಎದುರಿಸುತ್ತಿದೆ. ಉತ್ಪಾದನಾ ವಲಯದಲ್ಲಿ ದೈತ್ಯ ಶಕ್ತಿಯಾಗಿ ಬೆಳೆದಿರುವ ಚೀನಾದಲ್ಲಿ, ಈಗ ಗ್ರಾಹಕರ ಖರೀದಿ ಸಾಮರ್ಥ್ಯ ಮತ್ತು ಖರ್ಚು ಮಾಡುವ ಉತ್ಸಾಹ ತೀವ್ರವಾಗಿ ಕುಸಿದಿದೆ. ಈ ಪರಿಸ್ಥಿತಿಯನ್ನು ಸುಧಾರಿಸಲು ಸರ್ಕಾರವು ಸ್ಮಾರ್ಟ್​ಫೋನ್​ಗಳ ಖರೀದಿಯ ಮೇಲೆ ಶೇಕಡ 15ರಷ್ಟು ರಿಯಾಯಿತಿ ಮತ್ತು ಹಳೆಯ ಕಾರುಗಳನ್ನು ಬದಲಾಯಿಸಲು 20,000 ಯುವಾನ್ (-ಠಿ;2.83 ಲಕ್ಷ) ವರೆಗೆ ಆಕರ್ಷಕ ಸಬ್ಸಿಡಿಗಳನ್ನು ಘೊಷಿಸಿದೆ. ಆದರೂ, ಚೀನಾದ ಮಾರುಕಟ್ಟೆಗಳಲ್ಲಿ ನಿರೀಕ್ಷಿತ ಚೇತರಿಕೆ ಕಂಡುಬರುತ್ತಿಲ್ಲ.

ಚೀನಾ ಸರ್ಕಾರವು ಈ ವರ್ಷ ಹಳೆಯ ವಸ್ತುಗಳ ಬದಲಿಗೆ ಹೊಸದನ್ನು ಖರೀದಿಸುವ ಯೋಜನೆಯ ನಿಧಿಯನ್ನು 300 ಶತಕೋಟಿ ಯುವಾನ್ (-ಠಿ;4.25 ಲಕ್ಷ ಕೋಟಿ) ನಿಂದ 250 ಶತಕೋಟಿ ಯುವಾನ್ (-ಠಿ;3.54 ಲಕ್ಷ ಕೋಟಿ) ಗೆ ಇಳಿಸಿದೆ. ಕೈಕ್ಸಿನ್ ಗ್ಲೋಬಲ್ ಪ್ರಕಾರ, ಈ ಯೋಜನೆಗೆ ಸಂಬಂಧಿಸಿದ ಮಾರಾಟವು 1.1 ಲಕ್ಷ ಕೋಟಿ ಯುವಾನ್ (-ಠಿ;15.58 ಲಕ್ಷ ಕೋಟಿ) ಆಗಿದ್ದು, ಒಂದು ವರ್ಷದ ಹಿಂದೆ ಇದು 1.6 ಲಕ್ಷ ಕೋಟಿ ಯುವಾನ್ (-ಠಿ;22.66 ಲಕ್ಷ ಕೋಟಿ) ಆಗಿತ್ತು. ಹಣದುಬ್ಬರವನ್ನು ಕಳೆದ ನಂತರ ತಲಾವಾರು ಖರ್ಚು ಮಾಡಬಹುದಾದ ಆದಾಯ 4.4%ರಷ್ಟು ಹೆಚ್ಚಾಗಿದ್ದರೆ, ಖರ್ಚು ಕೇವಲ 2.7%ರಷ್ಟಿದೆ. ಅಂದರೆ ಜನರು ಗಳಿಕೆಯ ದೊಡ್ಡ ಭಾಗವನ್ನು ಖರ್ಚು ಮಾಡುವ ಬದಲು ಉಳಿತಾಯ ಮಾಡಲು ಒತ್ತು ನೀಡುತ್ತಿದ್ದಾರೆ. ಸೇವೆಗಳ ಚಿಲ್ಲರೆ ಮಾರಾಟ ಶೇಕಡ 5ರಷ್ಟು ಹೆಚ್ಚಾಗಿದ್ದರೆ, ಸರಕುಗಳ ಮಾರಾಟ ಶೇ.1ರಷ್ಟು ಮಾತ್ರ ಹೆಚ್ಚಾಗಿದೆ. ಕಾರುಗಳನ್ನು ಹೊರತುಪಡಿಸಿದರೆ ಒಟ್ಟು ಚಿಲ್ಲರೆ ಮಾರಾಟ 2.8%ರಷ್ಟು ಹೆಚ್ಚಾಗಿದೆ. ಗ್ರಾಮೀಣ ಪ್ರದೇಶಗಳಲ್ಲಿ ಬೆಳವಣಿಗೆ ಶೇ.2.3ರಷ್ಟು ಇದ್ದರೆ, ನಗರಗಳಲ್ಲಿ ಶೇ.0.9ರಷ್ಟಿದೆ.

ಕಾರುಗಳ ಕ್ರೇಜ್​ಗೆ ಬ್ರೇಕ್

ಎಪಿ ವರದಿಯ ಪ್ರಕಾರ, 2026ರ ಜನವರಿ-ಸೆಪ್ಟೆಂಬರ್ ಅವಧಿಯಲ್ಲಿ ಚೀನಾದಲ್ಲಿ ಕಾರುಗಳ ಮಾರಾಟ ಶೇ.25ರಷ್ಟು ಕುಸಿದಿದ್ದರೆ, ಕಾರುಗಳ ರಫ್ತು ಪ್ರಮಾಣ ಶೇ.71ರಷ್ಟು ಹೆಚ್ಚಾಗಿದೆ. ಅಂದರೆ ಕಂಪನಿಗಳು ಕಾರುಗಳನ್ನು ವಿದೇಶಕ್ಕೆ ಮಾರಾಟ ಮಾಡುತ್ತಿವೆ, ಆದರೆ ದೇಶದೊಳಗೆ ಖರೀದಿದಾರರು ಕಡಿಮೆ ಇದ್ದಾರೆ. ಸೆಪ್ಟೆಂಬರ್​ನಲ್ಲಿ ಎಲ್ಲ ವಾಹನಗಳ ಮಾರಾಟ ಶೇ.21ಕ್ಕೆ ಕುಸಿದಿದೆ. ಹಳೆಯ ಸಬ್ಸಿಡಿಯಿಂದಲೇ ಬೇಡಿಕೆ ಈಗಾಗಲೇ ಪೂರೈಕೆಯಾಗಿರುವುದು ಇದಕ್ಕೆ ಕಾರಣ ಎಂದು ಕೈಕ್ಸಿನ್ ತಿಳಿಸಿದೆ. ಗೃಹೋಪಯೋಗಿ ವಸ್ತುಗಳ ಮಾರಾಟ ಮೊದಲ ಅರ್ಧವಾರ್ಷಿಕದಲ್ಲಿ ಶೇ.10ರಷ್ಟು ಕುಸಿದಿದೆ ಮತ್ತು ಸ್ಮಾರ್ಟ್​ಫೋನ್ ಮಾರಾಟ ಎರಡನೇ ತ್ರೖೆಮಾಸಿಕದಲ್ಲಿ ಶೇ.15ರಷ್ಟು ಕಡಿಮೆಯಾಗಿದೆ.

ಹೆಚ್ಚಿದ ಆರ್ಥಿಕ ಸಂಕಷ್ಟ

‘ಸಿಂಗಲ್ಸ್ ಡೇ’ (ನವೆಂಬರ್ 11) ಚೀನಾದ ಅತಿದೊಡ್ಡ ಆನ್​ಲೈನ್ ಶಾಪಿಂಗ್ ಉತ್ಸವವಾಗಿದೆ. ಆದರೆ, ಬಹುತೇಕ ಯುವಕರ ಸಂಪಾದನೆ ಜೀವನ ನಿರ್ವಹಣೆಗಷ್ಟೇ ಸಾಕಾಗುತ್ತಿದೆ, ಹವ್ಯಾಸಗಳಿಗೆ ಖರ್ಚು ಮಾಡಲು ಅವಕಾಶವೇ ಇಲ್ಲದಂತಾಗಿದೆ. ಆದ್ದರಿಂದ ಈ ಬಾರಿ ಯುವಕರಿಂದಲೂ ಆನ್​ಲೈನ್ ಖರೀದಿ ಪ್ರಮಾಣ ಕಡಿಮೆಯಾಗಿದೆ. ವರ್ಷಪೂರ್ತಿ ರಿಯಾಯಿತಿಗಳು ಲಭ್ಯವಿರುವುದರಿಂದ ಇದನ್ನು ‘ಡಿಸ್ಕೌಂಟ್ ಆಯಾಸ’ (ರಿಯಾಯಿತಿ ದಣಿವು) ಎಂದು ಕರೆದಿದ್ದಾರೆ ಸಂಶೋಧನಾ ಸಂಸ್ಥೆ ಅಪರ್ಚರ್​ಚೀನಾದ ಯಾಲಿಂಗ್ ಜಿಯಾಂಗ್. ಎಪಿ ಪ್ರಕಾರ, ಚೀನಾದಲ್ಲಿ ಯುವಕರ ನಿರುದ್ಯೋಗ ಪ್ರಮಾಣ 18 ಪ್ರತಿಶತಕ್ಕೆ ಏರಿಕೆಯಾಗಿದ್ದು, ಉದ್ಯೋಗಾವಕಾಶಗಳು ಕಡಿಮೆಯಾಗಿವೆ. ಮತ್ತು ರಿಯಲ್ ಎಸ್ಟೇಟ್ ಮಾರುಕಟ್ಟೆಯ ದೀರ್ಘಕಾಲದ ಕುಸಿತದಿಂದಾಗಿ ಕುಟುಂಬಗಳು ತಮ್ಮನ್ನು ತಾವು ಕಡಿಮೆ ಶ್ರೀಮಂತರೆಂದು ಭಾವಿಸುತ್ತಿವೆ.

ರಿಯಲ್ ಎಸ್ಟೇಟ್ ಬಿಕ್ಕಟ್ಟು

ಚೀನಾದ ಗ್ರಾಹಕರ ಖರ್ಚು ಕಡಿಮೆಯಾಗಲು ಪ್ರಮುಖ ಕಾರಣವೆಂದರೆ ಅಲ್ಲಿನ ರಿಯಲ್ ಎಸ್ಟೇಟ್ ವಲಯದ ಕುಸಿತ. ಚೀನಾದ ಮಧ್ಯಮ ವರ್ಗದ ಕುಟುಂಬಗಳ ಒಟ್ಟು ಸಂಪತ್ತಿನ ಶೇಕಡ 70ರಷ್ಟು ಭಾಗವು ವಸತಿ ಮತ್ತು ಇತರ ನಿವೇಶನ ಸಂಬಂಧಿತ ಆಸ್ತಿಗಳಲ್ಲಿ ಹೂಡಿಕೆಯಾಗಿದೆ. ಕಳೆದ ಕೆಲವು ವರ್ಷಗಳಿಂದ ಎವರ್​ಗ್ರಾಂಡೆ ಮತ್ತು ಕಂಟ್ರಿ ಗಾರ್ಡನ್​ನಂತಹ ದೈತ್ಯ ರಿಯಲ್ ಎಸ್ಟೇಟ್ ಕಂಪನಿಗಳ ಪತನದಿಂದಾಗಿ ಮನೆಗಳ ಬೆಲೆಗಳು ತೀವ್ರವಾಗಿ ಕುಸಿದಿವೆ. ತಮ್ಮ ಆಸ್ತಿಯ ಮೌಲ್ಯ ಕಡಿಮೆಯಾದಾಗ ಜನರು ತಮ್ಮನ್ನು ತಾವು ಬಡವರಂತೆ ಭಾವಿಸಲು ಪ್ರಾರಂಭಿಸುತ್ತಾರೆ. ಈ ಋಣಾತ್ಮಕ ಸಂಪತ್ತಿನ ಪರಿಣಾಮದಿಂದಾಗಿ (ಘಛಿಜಚಠಿಜಿಡಛಿ ಗಛಿಚ್ಝಠಿಜ ಉ್ಛ್ಚ), ಜನರು ಹೊಸ ಕಾರು ಅಥವಾ ದುಬಾರಿ ಎಲೆಕ್ಟ್ರಾನಿಕ್ ವಸ್ತುಗಳನ್ನು ಖರೀದಿಸುವ ಬದಲು ಹಣವನ್ನು ಉಳಿತಾಯ ಮಾಡಲು ಮುಂದಾಗಿದ್ದಾರೆ.

ಉದ್ಯೋಗದ ಅನಿಶ್ಚಿತತೆ

ಸಬ್ಸಿಡಿಗಳು ವಸ್ತುವಿನ ಬೆಲೆಯನ್ನು ಕೇವಲ ತಾತ್ಕಾಲಿಕವಾಗಿ ಕಡಿಮೆ ಮಾಡಬಲ್ಲವು, ಆದರೆ ಅವು ಸ್ಥಿರವಾದ ಆದಾಯದ ಭರವಸೆಯನ್ನು ನೀಡುವುದಿಲ್ಲ. ಚೀನಾದಲ್ಲಿ ಯುವಜನರ ನಿರುದ್ಯೋಗ ದರವು ಆತಂಕಕಾರಿ ಮಟ್ಟದಲ್ಲಿದೆ. ತಂತ್ರಜ್ಞಾನ ಮತ್ತು ಖಾಸಗಿ ಶಿಕ್ಷಣ ವಲಯಗಳ ಮೇಲೆ ಸರ್ಕಾರ ವಿಧಿಸಿದ ಕಠಿಣ ನಿಯಂತ್ರಣಗಳಿಂದಾಗಿ ಲಕ್ಷಾಂತರ ಉದ್ಯೋಗಗಳು ನಷ್ಟವಾಗಿವೆ. ಅಲ್ಲದೆ, ಅನೇಕ ಕಂಪನಿಗಳು ವೇತನ ಕಡಿತಗೊಳಿಸಿವೆ. ನಾಳೆ ತಮ್ಮ ಕೆಲಸ ಉಳಿಯುತ್ತದೆಯೋ ಇಲ್ಲವೋ ಎಂಬ ಆತಂಕದಲ್ಲಿರುವ ನಾಗರಿಕರು, ಶೇ.15ರಷ್ಟು ರಿಯಾಯಿತಿ ಸಿಗುತ್ತದೆ ಎಂಬ ಕಾರಣಕ್ಕೆ ಅನವಶ್ಯಕವಾಗಿ ಹೊಸ ಫೋನ್ ಖರೀದಿಸಲು ಸಿದ್ಧರಿಲ್ಲ.

ಕಾದು ನೋಡುವ ತಂತ್ರ

ಚೀನಾ ಪ್ರಸ್ತುತ ಹಣದುಬ್ಬರ ಇಳಿಕೆಯ (ಈಛ್ಛಿ್ಝಠಿಜಿಟ್ಞ) ಸುಳಿಯಲ್ಲಿ ಸಿಲುಕಿದೆ. ಅಂದರೆ, ಮಾರುಕಟ್ಟೆಯಲ್ಲಿ ವಸ್ತುಗಳ ಬೆಲೆಗಳು ನಿರಂತರವಾಗಿ ಇಳಿಯುತ್ತಿವೆ. ಮೇಲ್ನೋಟಕ್ಕೆ ಬೆಲೆ ಇಳಿಕೆ ಗ್ರಾಹಕರಿಗೆ ಒಳ್ಳೆಯದೆಂದು ಕಂಡರೂ, ಆರ್ಥಿಕವಾಗಿ ಇದು ಅಪಾಯಕಾರಿ. ಇಂದು 100 ಯುವಾನ್ ಇರುವ ವಸ್ತುವಿನ ಬೆಲೆ ಮುಂದಿನ ತಿಂಗಳು 90 ಯುವಾನ್ ಆಗಬಹುದು ಎಂಬ ನಿರೀಕ್ಷೆ ಗ್ರಾಹಕರಲ್ಲಿ ಮೂಡಿದಾಗ, ಅವರು ಖರೀದಿಯನ್ನು ಮುಂದೂಡುತ್ತಾರೆ. ಸರ್ಕಾರ ನೀಡುವ 20,000 ಯುವಾನ್ (-ಠಿ;2.83 ಲಕ್ಷ) ಸಬ್ಸಿಡಿಗಿಂತಲೂ, ಮುಂದಿನ ದಿನಗಳಲ್ಲಿ ಕಂಪನಿಗಳೇ ಬೆಲೆಯನ್ನು ಇನ್ನಷ್ಟು ಕಡಿಮೆ ಮಾಡಬಹುದು ಎಂಬ ಲೆಕ್ಕಾಚಾರದಲ್ಲಿ ಗ್ರಾಹಕರು ಮಾರುಕಟ್ಟೆಯಿಂದ ದೂರ ಉಳಿದಿದ್ದಾರೆ.

ಜಾಗತಿಕ ವ್ಯಾಪಾರ ಒತ್ತಡ

ಈ ಹಿಂದೆ ಚೀನಾದ ಆಂತರಿಕ ಬೇಡಿಕೆ ಕುಸಿದಾಗಲೆಲ್ಲ, ಅದು ತನ್ನ ಹೆಚ್ಚುವರಿ ಉತ್ಪನ್ನಗಳನ್ನು ಅಮೆರಿಕ ಮತ್ತು ಯುರೋಪ್ ಮಾರುಕಟ್ಟೆಗಳಿಗೆ ರಫ್ತು ಮಾಡಿ ಆರ್ಥಿಕತೆಯನ್ನು ಸರಿದೂಗಿಸುತ್ತಿತ್ತು. ಆದರೆ ಈಗ ಅಮೆರಿಕ ಮತ್ತು ಐರೋಪ್ಯ ಒಕ್ಕೂಟಗಳು ಚೀನಾದ ಎಲೆಕ್ಟ್ರಿಕ್ ವಾಹನಗಳು (ಇವಿ), ಸೋಲಾರ್ ಪ್ಯಾನೆಲ್​ಗಳು ಮತ್ತು ಇತರ ಉತ್ಪನ್ನಗಳ ಮೇಲೆ ಭಾರೀ ಆಮದು ಸುಂಕ ವಿಧಿಸುತ್ತಿವೆ. ಇದರಿಂದಾಗಿ ಚೀನಾದ ಉತ್ಪಾದನಾ ವಲಯವು ಅತಿಯಾದ ಉತ್ಪಾದನೆ ಮತ್ತು ಕಡಿಮೆ ಬೇಡಿಕೆ ಎಂಬ ಇಕ್ಕಟ್ಟಿಗೆ ಸಿಲುಕಿದೆ.

ಚೀನಾ ಸರ್ಕಾರ ಜಾರಿಗೆ ತಂದಿರುವ ‘ಹಳೆಯದನ್ನು ಕೊಟ್ಟು ಹೊಸದನ್ನು ಪಡೆಯುವ’ (ಇಟ್ಞಠ್ಠಞಛ್ಟಿ ಎಟಟಛಠ ಖ್ಟಚಛಛಿಜ್ಞಿ) ಯೋಜನೆಯು ಅಲ್ಪಾವಧಿಯ ಉತ್ತೇಜನವನ್ನಷ್ಟೇ ನೀಡಬಲ್ಲದು. ಇದು ಕೇವಲ ಭವಿಷ್ಯದ ಬೇಡಿಕೆಯನ್ನು ಇಂದಿಗೆ ಎಳೆದು ತರುವ ತಂತ್ರವಾಗಿದೆ. ಉದಾಹರಣೆಗೆ, ಮುಂದಿನ ವರ್ಷ ಕಾರು ಖರೀದಿಸಲು ಯೋಜಿಸಿದ್ದ ವ್ಯಕ್ತಿ ಸಬ್ಸಿಡಿಯ ಕಾರಣದಿಂದ ಈ ವರ್ಷವೇ ಖರೀದಿಸಬಹುದು. ಆದರೆ ಇದರಿಂದ ಮಾರುಕಟ್ಟೆಯಲ್ಲಿ ಹೊಸ ಬೇಡಿಕೆ ಸೃಷ್ಟಿಯಾಗುವುದಿಲ್ಲ. ಒಮ್ಮೆ ಸಬ್ಸಿಡಿ ಅವಧಿ ಮುಗಿದ ತಕ್ಷಣ ಮಾರಾಟವು ಮತ್ತೆ ಪಾತಾಳಕ್ಕೆ ಕುಸಿಯುವ ಅಪಾಯವಿರುತ್ತದೆ. ಅಲ್ಲದೆ, ಈ ಸಬ್ಸಿಡಿಗಳ ಹೆಚ್ಚಿನ ಲಾಭವು ಈಗಾಗಲೇ ಆರ್ಥಿಕವಾಗಿ ಸಬಲವಾಗಿರುವವರಿಗೆ ಸಿಗುತ್ತಿದೆಯೇ ಹೊರತು, ಕಡಿಮೆ ಆದಾಯದ ವರ್ಗದ ಖರೀದಿ ಸಾಮರ್ಥ್ಯವನ್ನು ಇದು ಹೆಚ್ಚಿಸುತ್ತಿಲ್ಲ.

ದುರ್ಬಲ ಸಾಮಾಜಿಕ ಭದ್ರತಾ ವ್ಯವಸ್ಥೆ

ಪಾಶ್ಚಿಮಾತ್ಯ ದೇಶಗಳಿಗೆ ಹೋಲಿಸಿದರೆ ಚೀನಾದಲ್ಲಿ ಸಾರ್ವಜನಿಕ ಆರೋಗ್ಯ, ಪಿಂಚಣಿ ಮತ್ತು ಸಾಮಾಜಿಕ ಭದ್ರತಾ ವ್ಯವಸ್ಥೆಗಳು ಇನ್ನೂ ಸಂಪೂರ್ಣವಾಗಿ ಬಲಗೊಂಡಿಲ್ಲ. ಚೀನಾದ ನಾಗರಿಕರು ತಮ್ಮ ವೃದ್ಧಾಪ್ಯದ ಜೀವನಕ್ಕಾಗಿ, ವೈದ್ಯಕೀಯ ತುರ್ತು ಪರಿಸ್ಥಿತಿಗಳಿಗಾಗಿ ಮತ್ತು ಮಕ್ಕಳ ಶಿಕ್ಷಣಕ್ಕಾಗಿ ಸ್ವಂತ ಉಳಿತಾಯವನ್ನೇ ಹೆಚ್ಚಾಗಿ ಅವಲಂಬಿಸಿದ್ದಾರೆ. ಆರ್ಥಿಕ ಅನಿಶ್ಚಿತತೆಯ ಈ ಸಮಯದಲ್ಲಿ, ಜನರು ತಮ್ಮ ಬ್ಯಾಂಕ್ ಖಾತೆಗಳಲ್ಲಿ ಹಣವನ್ನು ಕೂಡಿಡುವುದನ್ನು ಸುರಕ್ಷಿತ ಎಂದು ಭಾವಿಸುತ್ತಿದ್ದಾರೆ. ಚೀನಾದ ಕೇಂದ್ರ ಬ್ಯಾಂಕ್ (ಪಿಬಿಒಸಿ) ಬಡ್ಡಿದರಗಳನ್ನು ಕಡಿಮೆ ಮಾಡಿದರೂ, ಜನರು ಸಾಲ ಪಡೆದು ಖರ್ಚು ಮಾಡುವ ಬದಲು ಹಳೆಯ ಸಾಲಗಳನ್ನು ತೀರಿಸಲು ಮತ್ತು ಉಳಿತಾಯ ಖಾತೆಗಳಿಗೆ ಹಣ ತುಂಬಿಸಲು ಆದ್ಯತೆ ನೀಡುತ್ತಿದ್ದಾರೆ.

ವಿಶ್ವಾಸದ ಕೊರತೆ

ಚೀನಾದ ಪ್ರಸ್ತುತ ಆರ್ಥಿಕ ಬಿಕ್ಕಟ್ಟು ಕೇವಲ ಹಣಕಾಸಿನ ಕೊರತೆಯಲ್ಲ, ಅದು ವಿಶ್ವಾಸದ ಕೊರತೆ (ಇಜಿಠಜಿಠ ಟ್ಛ ಇಟ್ಞ್ಛಛಛ್ಞಿ್ಚ). 15% ರಿಯಾಯಿತಿ ಅಥವಾ 20,000 ಯುವಾನ್ ಸಬ್ಸಿಡಿ ಗಳು ತಾತ್ಕಾಲಿಕ ನೋವು ನಿವಾರಕಗಳಂತೆ ಕೆಲಸ ಮಾಡಬಹುದೇ ಹೊರತು, ರೋಗವನ್ನು ಮೂಲದಿಂದ ಗುಣಪಡಿಸಲಾರವು. ಚೀನಾದ ಮಾರುಕಟ್ಟೆಯಲ್ಲಿ ನಿಜವಾದ ಉತ್ಸಾಹ ಮರಳಬೇಕಾದರೆ, ಸರ್ಕಾರವು ವಸ್ತುಗಳ ಮೇಲೆ ರಿಯಾಯಿತಿ ನೀಡುವ ಬದಲು ರಿಯಲ್ ಎಸ್ಟೇಟ್ ಮಾರುಕಟ್ಟೆಯನ್ನು ಸ್ಥಿರಗೊಳಿ ಸಬೇಕು, ಖಾಸಗಿ ವಲಯಕ್ಕೆ ಮುಕ್ತ ಅವಕಾಶ ನೀಡಿ ಹೊಸ ಉದ್ಯೋಗಗಳನ್ನು ಸೃಷ್ಟಿಸಬೇಕು ಮತ್ತು ಜನರ ಸಾಮಾಜಿಕ ಭದ್ರತೆಯನ್ನು ಬಲಪಡಿಸಬೇಕು. ಜನರಿಗೆ ತಮ್ಮ ನಾಳೆಗಳು ಸುರಕ್ಷಿತವಾಗಿವೆ ಎಂಬ ಭರವಸೆ ಮೂಡಿದಾಗ ಮಾತ್ರ ಚೀನಾದ ಮಾರುಕಟ್ಟೆಗಳಲ್ಲಿ ಮತ್ತೆ ಖರೀದಿಯ ಸಂಭ್ರಮ ಕಾಣಲು ಸಾಧ್ಯ.

ಸಬ್ಸಿಡಿ ನೀತಿಗಳ ಮಿತಿಗಳು

ಚೀನಾ ಸರ್ಕಾರ ಜಾರಿಗೆ ತಂದಿರುವ ‘ಹಳೆಯದನ್ನು ಕೊಟ್ಟು ಹೊಸದನ್ನು ಪಡೆಯುವ’ (ಇಟ್ಞಠ್ಠಞಛ್ಟಿ ಎಟಟಛಠ ಖ್ಟಚಛಛಿಜ್ಞಿ) ಯೋಜನೆಯು ಅಲ್ಪಾವಧಿಯ ಉತ್ತೇಜನವನ್ನಷ್ಟೇ ನೀಡಬಲ್ಲದು. ಇದು ಕೇವಲ ಭವಿಷ್ಯದ ಬೇಡಿಕೆಯನ್ನು ಇಂದಿಗೆ ಎಳೆದು ತರುವ ತಂತ್ರವಾಗಿದೆ. ಉದಾಹರಣೆಗೆ, ಮುಂದಿನ ವರ್ಷ ಕಾರು ಖರೀದಿಸಲು ಯೋಜಿಸಿದ್ದ ವ್ಯಕ್ತಿ ಸಬ್ಸಿಡಿಯ ಕಾರಣದಿಂದ ಈ ವರ್ಷವೇ ಖರೀದಿಸಬಹುದು. ಆದರೆ ಇದರಿಂದ ಮಾರುಕಟ್ಟೆಯಲ್ಲಿ ಹೊಸ ಬೇಡಿಕೆ ಸೃಷ್ಟಿಯಾಗುವುದಿಲ್ಲ. ಒಮ್ಮೆ ಸಬ್ಸಿಡಿ ಅವಧಿ ಮುಗಿದ ತಕ್ಷಣ ಮಾರಾಟವು ಮತ್ತೆ ಪಾತಾಳಕ್ಕೆ ಕುಸಿಯುವ ಅಪಾಯವಿರುತ್ತದೆ. ಅಲ್ಲದೆ, ಈ ಸಬ್ಸಿಡಿಗಳ ಹೆಚ್ಚಿನ ಲಾಭವು ಈಗಾಗಲೇ ಆರ್ಥಿಕವಾಗಿ ಸಬಲವಾಗಿರುವವರಿಗೆ ಸಿಗುತ್ತಿದೆಯೇ ಹೊರತು, ಕಡಿಮೆ ಆದಾಯದ ವರ್ಗದ ಖರೀದಿ ಸಾಮರ್ಥ್ಯವನ್ನು ಇದು ಹೆಚ್ಚಿಸುತ್ತಿಲ್ಲ.