ಉತ್ತರ ಕೊರಿಯಾದಲ್ಲಿ ಹೊಸ ಅಧ್ಯಾಯ: ಕಿಮ್ ಜೊಂಗ್ ಉನ್ ಪುತ್ರಿ ಜೂ ಏ ಮುಂದಿನ ಸರ್ವಾಧಿಕಾರಿ..? Kim Jong Un

ಪದನಾಮದಲ್ಲಿ ಬದಲಾವಣೆ: ಈ ಹಿಂದೆ ದಕ್ಷಿಣ ಕೊರಿಯಾದ ಸಂಸ್ಥೆಗಳು ಜೂ ಏಳನ್ನು ತರಬೇತಿ ಪಡೆಯುತ್ತಿರುವ ಉತ್ತರಾಧಿಕಾರಿ ಎಂದು ಗುರುತಿಸಿದ್ದವು. ಆದರೆ, ಈ ತಿಂಗಳು ನಡೆಯಲಿರುವ ಉತ್ತರ ಕೊರಿಯಾದ ವರ್ಕರ್ಸ್ ಪಾರ್ಟಿ ಕಾಂಗ್ರೆಸ್‌ಗೆ ಮುನ್ನ ಅವಳನ್ನು ನಿಯೋಜಿತ ಉತ್ತರಾಧಿಕಾರಿ ಎಂದು ಕರೆಯುತ್ತಿರುವುದು ದೊಡ್ಡ ಬದಲಾವಣೆಯಾಗಿದೆ.

ಗೌರವ ಮತ್ತು ಶಿಷ್ಟಾಚಾರ: ಸರ್ಕಾರಿ ಕಾರ್ಯಕ್ರಮಗಳಲ್ಲಿ ಅವಳಿಗೆ ನೀಡಲಾಗುತ್ತಿರುವ ಗೌರವ ಮತ್ತು ನಂಬರ್ 2 ಸ್ಥಾನಮಾನದ ಶಿಷ್ಟಾಚಾರಗಳು ಅವಳು ಮುಂದಿನ ನಾಯಕಿ ಎನ್ನುವುದನ್ನು ಪುಷ್ಟೀಕರಿಸುತ್ತಿವೆ. ಇತ್ತೀಚೆಗೆ ಚೀನಾ ಅಧ್ಯಕ್ಷ ಜಿನ್‌ಪಿಂಗ್ ಅವರೊಂದಿಗೆ ಕಿಮ್ ನಡೆಸಿದ ಮಾತುಕತೆಯ ವೇಳೆಯೂ ಜೂ ಏ ಉಪಸ್ಥಿತಿ ಎದ್ದುಕಾಣುತ್ತಿತ್ತು.

ಈ ತಿಂಗಳ ಅಂತ್ಯದಲ್ಲಿ ನಡೆಯಲಿರುವ 9ನೇ ವರ್ಕರ್ಸ್ ಪಾರ್ಟಿ ಕಾಂಗ್ರೆಸ್ ಉತ್ತರ ಕೊರಿಯಾದ ಇತಿಹಾಸದಲ್ಲಿ ಮಹತ್ವದ ಮೈಲಿಗಲ್ಲಾಗಲಿದೆ. ಇಲ್ಲಿ ಜೂ ಏಳಿಗೆ ಯಾವುದಾದರೂ ಅಧಿಕೃತ ಹುದ್ದೆಯನ್ನು ನೀಡಲಾಗುತ್ತದೆಯೇ ಎಂಬುದನ್ನು ಇಡೀ ಜಗತ್ತು ಕುತೂಹಲದಿಂದ ಗಮನಿಸುತ್ತಿದೆ. ಕಿರಿಯ ವಯಸ್ಸಿನಲ್ಲೇ ಅಧಿಕಾರಕ್ಕೆ ಬಂದ ಕಿಮ್ ಜೊಂಗ್ ಉನ್, ತನ್ನ ಮಗಳಿಗೆ ದೀರ್ಘಕಾಲದ ತರಬೇತಿ ನೀಡುವ ಮೂಲಕ ಅಧಿಕಾರದ ಹಸ್ತಾಂತರ ಸುಗಮವಾಗಿ ನಡೆಯುವಂತೆ ನೋಡಿಕೊಳ್ಳುತ್ತಿದ್ದಾರೆ ಎಂದು ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದಾರೆ,(ಏಜೆನ್ಸೀಸ್).