ಇರಾನ್‌ನಲ್ಲಿ ಶುರುವಾಯ್ತು ಕ್ರೂರ 'ಬ್ಲ್ಯಾಕ್ ಸ್ಕ್ವಾಡ್' ಆಟ! ಮುಜ್ತಬಾ ಖಮೇನಿ ಸುತ್ತ ಯಮದೂತರ ಕಾವಲು! ಏನಿದು NOPO ರಹಸ್ಯ..?

NOPO ಎನ್ನುವುದು ಇರಾನ್‌ನ ಸಾಮಾನ್ಯ ಸೈನ್ಯ ಅಥವಾ ಇಸ್ಲಾಮಿಕ್ ರೆವಲ್ಯೂಷನರಿ ಗಾರ್ಡ್ ಕಾರ್ಪ್ಸ್ ಗಿಂತಲೂ ಹತ್ತು ಪಟ್ಟು ಹೆಚ್ಚು ಶಕ್ತಿಶಾಲಿ ಮತ್ತು ತರಬೇತಿ ಪಡೆದ ಪಡೆಯಾಗಿದೆ.

ಅರ್ಥ: ಫಾರ್ಸಿ ಭಾಷೆಯಲ್ಲಿ NOPO ಎಂದರೆ ಪರಮೋಚ್ಚ ನಾಯಕನ ರಕ್ಷಣೆಗಾಗಿ ಇರುವ ವಿಶೇಷ ಪಡೆ ಎಂದರ್ಥ.

ಸ್ಥಾಪನೆ: 1991ರಲ್ಲಿ ರಚನೆಯಾದ ಈ ಘಟಕವು ಕೇವಲ ಆಯ್ದ ಆರು ಬ್ರಿಗೇಡ್‌ಗಳನ್ನು ಮಾತ್ರ ಹೊಂದಿದೆ. ಇದರಲ್ಲಿ ನಾಲ್ಕು ಬ್ರಿಗೇಡ್‌ಗಳು ಟೆಹ್ರಾನ್‌ನಲ್ಲಿಯೇ ಬೀಡುಬಿಟ್ಟಿವೆ.

ಕ್ರೌರ್ಯಕ್ಕೆ ಇನ್ನೊಂದು ಹೆಸರು: ಈ ಪಡೆಗೆ ಕೇವಲ ರಕ್ಷಣೆ ನೀಡುವುದು ಮಾತ್ರವಲ್ಲ, ಪ್ರತಿಭಟನೆಯನ್ನು ಹತ್ತಿಕ್ಕಲು ಜನರ ಮೇಲೆ ಗುಂಡು ಹಾರಿಸುವ ಕ್ರೂರ ತರಬೇತಿಯನ್ನೂ ನೀಡಲಾಗುತ್ತದೆ. 2026ರ ಆರಂಭದಲ್ಲಿ ನಡೆದ ಜನವರಿ ದಂಗೆಯ ಸಮಯದಲ್ಲಿ ಈ ಪಡೆಯು ಪ್ರತಿಭಟನಾಕಾರರ ಮೇಲೆ ಮನಬಂದಂತೆ ಗುಂಡಿನ ಮಳೆಗರೆದಿತ್ತು.

ಮಾರ್ಚ್ 8ರಂದು ಇರಾನ್‌ನ ಅಸೆಂಬ್ಲಿ ಆಫ್ ಎಕ್ಸ್‌ಪರ್ಟ್ಸ್ ಮುಜ್ತಬಾ ಖಮೇನಿ ಅವರನ್ನು ಅಧಿಕೃತವಾಗಿ ನಾಯಕನೆಂದು ಘೋಷಿಸಿದ ಬೆನ್ನಲ್ಲೇ ಇಸ್ರೇಲ್ ನೇರ ಎಚ್ಚರಿಕೆ ನೀಡಿದೆ. ಮುಜ್ತಬಾ ಮಾತ್ರವಲ್ಲ, ಅವರನ್ನು ಬೆಂಬಲಿಸುವ ಪ್ರತಿಯೊಬ್ಬರನ್ನೂ ನಾವು ಬೇಟೆಯಾಡುತ್ತೇವೆ" ಎಂದು ಇಸ್ರೇಲ್ ಸೇನೆ X ನಲ್ಲಿ ಪೋಸ್ಟ್ ಮಾಡಿದೆ.

56 ವರ್ಷದ ಮುಜ್ತಬಾ ಖಮೇನಿ ಅವರು ಫೆಬ್ರವರಿ 28ರ ದಾಳಿಯಲ್ಲಿ ತೀವ್ರವಾಗಿ ಗಾಯಗೊಂಡಿದ್ದಾರೆ ಎಂಬ ವರದಿಗಳಿವೆ. ಅವರ ಪತ್ನಿ ಮತ್ತು ಕುಟುಂಬದ ಇತರ ಸದಸ್ಯರು ಅದೇ ದಾಳಿಯಲ್ಲಿ ಮೃತಪಟ್ಟಿದ್ದಾರೆ. ಸುಪ್ರೀಂ ಲೀಡರ್ ಆಗಿ ಅಧಿಕಾರ ವಹಿಸಿಕೊಂಡ ನಂತರವೂ ಮುಜ್ತಬಾ ಇದುವರೆಗೆ ಸಾರ್ವಜನಿಕವಾಗಿ ಕಾಣಿಸಿಕೊಂಡಿಲ್ಲ ಅಥವಾ ದೇಶವನ್ನು ಉದ್ದೇಶಿಸಿ ಮಾತನಾಡಿಲ್ಲ. ಇದು ಅವರು ಗಂಭೀರ ಸ್ಥಿತಿಯಲ್ಲಿದ್ದಾರೆ ಎಂಬ ಅನುಮಾನಕ್ಕೆ ಪುಷ್ಟಿ ನೀಡಿದೆ.

ವರದಿಗಳ ಪ್ರಕಾರ, ಇರಾನ್‌ನ ಅಪಾಯಕಾರಿ ಜೈಲುಗಳಾದ ಘೆಜೆಲ್ ಹೆಸಾರ್ ಸೇರಿದಂತೆ ಪ್ರಮುಖ ಕಾರಾಗೃಹಗಳ ಸುತ್ತ ನೂರಾರು NOPO ಕಮಾಂಡೋಗಳನ್ನು ನಿಯೋಜಿಸಲಾಗಿದೆ. ದೇಶದಲ್ಲಿ ಅಸ್ಥಿರತೆ ಉಂಟಾದಾಗ ರಾಜಕೀಯ ಕೈದಿಗಳು ದಂಗೆ ಎಳಬಾರದು ಎಂಬ ಕಾರಣಕ್ಕೆ ಈ ಕ್ರಮ ಕೈಗೊಳ್ಳಲಾಗಿದೆ.

ಒಂದೆಡೆ ಅಮೆರಿಕ-ಇಸ್ರೇಲ್ ದಾಳಿಗಳು ಟೆಹ್ರಾನ್ ನಗರವನ್ನು ಸುಡುತ್ತಿದ್ದರೆ, ಮತ್ತೊಂದೆಡೆ ಇರಾನ್‌ನ ಒಳಗಡೆಯೇ ಮುಜ್ತಬಾನಿಗೆ ಸಾವು ಬರಲಿ ಎಂಬ ಘೋಷಣೆಗಳು ಕೇಳಿಬರುತ್ತಿವೆ. ತನ್ನದೇ ಜನರ ದಂಗೆಯಿಂದ ಬಚಾವಾಗಲು ಮತ್ತು ಇಸ್ರೇಲ್‌ನ ಕಿಲೆರ್ ಡ್ರೋನ್‌ಗಳಿಂದ ಪಾರಾಗಲು ಮುಜ್ತಬಾ ಈಗ ಈ ಬ್ಲ್ಯಾಕ್-ಕ್ಲಾಡ್ ಕಿಲ್ಲರ್ ಸ್ಕ್ವಾಡ್ ಅನ್ನು ನೆಚ್ಚಿಕೊಂಡಿದ್ದಾರೆ,(ಏಜೆನ್ಸೀಸ್).