ಮೃತ್ಯುವಿನ ದವಡೆಯಿಂದ ಪಾರಾದ 97ರ ಅಜ್ಜಿ! 4 ಗಂಟೆಗಳ ರಕ್ಷಣಾ ಕಾರ್ಯಾಚರಣೆ, JCB ಬಕೆಟ್‌ನಲ್ಲಿ ಆಸ್ಪತ್ರೆಗೆ ಪ್ರಯಾಣ! 97 Year Old Survivor

ಕತ್ತಲು, ಮಣ್ಣು ಮತ್ತು ಪ್ರವಾಹದ ನೀರಿನ ನಡುವೆ ಉಸಿರುಕಟ್ಟುವ ವಾತಾವರಣದಲ್ಲಿ ಆ ತಾಯಿ, ಬದುಕಿಗಾಗಿ ನಡೆಸಿದ ಹೋರಾಟವೇ ರೋಚಕವಾಗಿದೆ. ಈ ಘಟನೆ ಬಗ್ಗೆ ಮಾಹಿತಿ ತಿಳಿಯುತ್ತಿದ್ದಂತೆ ನೇಪಾಳಿ ಪೊಲೀಸರು ಮತ್ತು ಸೇನಾ ಸಿಬ್ಬಂದಿ ರಕ್ಷಣಾ ಕಾರ್ಯಾಚರಣೆ ಆರಂಭಿಸಿದ್ದಾರೆ.

ಪ್ರಸ್ತುತ ಜೆಸಿಬಿ ಬಕೆಟ್​ನಲ್ಲಿ ಕೈ ಮುಗಿದು ಬರುತ್ತಿರುವ ವೃದ್ಧೆಯ ಫೋಟೊ ಸೋಷಿಯಲ್ ಮೀಡಿಯಾನಲ್ಲಿ ಸಕ್ಕತ್​ ವೈರಲ್​ ಆಗುತ್ತಿದೆ. ಇಂತಹ ರಣ ಭೀಕರ ಪ್ರವಾಹದಲ್ಲಿ ಸಿಲುಕಿ, ಪ್ರಾಣ ಉಳಿಸಿಕೊಂಡು ಬಂದಿರುವ ಈ ಮುದುಕಿ, ಯುದ್ಧಭೂಮಿಯಿಂದ ಜೀವಂತವಾಗಿ ಮರಳಿದ ಸೈನಿಕನಿಗೆ ಸಮ ಎಂದು ನೆಟ್ಟಿಗರು ಹೊಗಳುತ್ತಿದ್ದಾರೆ.

ಸದ್ಯ, ನೇಪಾಳದ ಆಸ್ಪತ್ರೆಯೊಂದನ್ನು ಸೇರಿರುವ ಈ ಮಾತೆ ಅಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾಳೆಂದು ಆಕೆಯ ಸಹೋದರ ದೀಪಕ್​ ಮಾಧ್ಯಮದವರಿಗೆ ತಿಳಿಸಿದ್ದಾರೆ.