60ರ ವಯಸ್ಸಿನ ಪತಿ, 22ರ ವಯಸ್ಸಿನ ಪತ್ನಿ! 'ಹಣಕ್ಕಾಗಿ ಮದುವೆ' ಎಂದವರಿಗೆ ಖಡಕ್ ಉತ್ತರ..gold digger

ಇಟಲಿ: ( gold digger) 22 ವರ್ಷದ ಇಟಾಲಿಯನ್ ಇನ್‌ಫ್ಲುಯೆನ್ಸರ್ ಮಿನಿಯಾ ಪಾಗ್ನಿ, ತಮ್ಮಗಿಂತ ಸುಮಾರು 40 ವರ್ಷ ದೊಡ್ಡವರಾದ 60 ವರ್ಷದ ಮಾಸ್ಸಿಮೊ (Massimo) ಎಂಬುವವರನ್ನು ಮದುವೆಯಾಗುವ ಮೂಲಕ ಸೋಷಿಯಲ್ ಮೀಡಿಯಾದಲ್ಲಿ ಚರ್ಚೆಗೆ ಕಾರಣವಾಗಿದ್ದಾರೆ. ಮಾಸ್ಸಿಮೊ ಅವರು ಮಿನಿಯಾ ಅವರ ಹೈಸ್ಕೂಲ್ ಶಿಕ್ಷಕರಾಗಿದ್ದರು ಎಂಬುದು ವಿಶೇಷ.

ಮಿನಿಯಾ ಮತ್ತು ಮಾಸ್ಸಿಮೊ ಅವರು 5 ವರ್ಷಗಳ ಹಿಂದೆ ಶಾಲೆಯಲ್ಲಿ ಭೇಟಿಯಾಗಿದ್ದರು. ಆಗ ಮಿನಿಯಾಗೆ ಮಾಸ್ಸಿಮೊ ಅವರ ಮೇಲೆ ಕ್ರಷ್ ಇತ್ತು, ಆದರೆ ಶಾಲೆಯಲ್ಲಿರುವಾಗ ಯಾವುದೇ ಸಂಬಂಧವಿರಲಿಲ್ಲ. ಶಾಲೆ ಮುಗಿದ ನಂತರ ಅವರು ಸಂಪರ್ಕ ಕಳೆದುಕೊಂಡಿದ್ದರು.

ಎರಡು ವರ್ಷಗಳ ಹಿಂದೆ ಒಂದು ಪುಸ್ತಕದ ಅಂಗಡಿಯಲ್ಲಿ ಅವರಿಬ್ಬರು ಅಕಸ್ಮಾತ್ ಆಗಿ ಭೇಟಿಯಾದರು. ಆಗ ಅವರಿಬ್ಬರ ನಡುವೆ ಪ್ರೀತಿ ಚಿಗುರಿ, ಕಳೆದ ತಿಂಗಳು ವಿವಾಹವಾದರು. ಆರಂಭದಲ್ಲಿ ಅವರ ಪೋಷಕರಿಗೂ ಈ ಮದುವೆ ಬಗ್ಗೆ ಆತಂಕವಿತ್ತು. ಆದರೆ ಮಿನಿಯಾ ಎಷ್ಟು ಸಂತೋಷವಾಗಿದ್ದಾರೆ ಎಂಬುದನ್ನು ಕಂಡು ಈಗ ಅವರು ಈ ಸಂಬಂಧವನ್ನು ಒಪ್ಪಿಕೊಂಡಿದ್ದಾರೆ.

ಈ ಜೋಡಿಯ ವಯಸ್ಸಿನ ವ್ಯತ್ಯಾಸವನ್ನು ನೋಡಿ ನೆಟ್ಟಿಗರು ಮಿನಿಯಾ ಅವರನ್ನು "ಗೋಲ್ಡ್ ಡಿಗ್ಗರ್" (ಹಣಕ್ಕಾಗಿ ಮದುವೆಯಾದವಳು) ಎಂದು ಟೀಕಿಸುತ್ತಿದ್ದಾರೆ. "ಬಾಡಿಗೆ ಕಟ್ಟಲು ಹಣವಿಲ್ಲದೆ ಇಷ್ಟು ದೊಡ್ಡವರನ್ನು ಮದುವೆಯಾಗಿದ್ದೀರಾ?" ಎಂದೆಲ್ಲಾ ಜನರು ಕಾಮೆಂಟ್ ಮಾಡಿದ್ದಾರೆ.ತಮ್ಮ ಮೇಲಿನ ಟೀಕೆಗಳಿಗೆ 'ನ್ಯೂಯಾರ್ಕ್ ಪೋಸ್ಟ್'ಗೆ ನೀಡಿದ ಸಂದರ್ಶನದಲ್ಲಿ ಮಿನಿಯಾ ಸ್ಪಷ್ಟನೆ ನೀಡಿದ್ದಾರೆ

ನಾನು ಅವರನ್ನು ಹಣಕ್ಕಾಗಿ ಮದುವೆಯಾಗಿಲ್ಲ. ಅವರ ವ್ಯಕ್ತಿತ್ವ, ಬುದ್ಧಿವಂತಿಕೆ ಮತ್ತು ಅವರು ನನ್ನನ್ನು ಪ್ರೀತಿಸುವ ರೀತಿ ಕಂಡು ನಾನು ಈ ನಿರ್ಧಾರ ತೆಗೆದುಕೊಂಡಿದ್ದೇನೆ. ಮಹಿಳೆಯ ನಿರ್ಧಾರಗಳನ್ನು ಕೇವಲ ಹಣಕ್ಕೆ ಹೋಲಿಸುವುದು ಅತ್ಯಂತ ಕೆಟ್ಟ ಆಲೋಚನೆ. ನಾನು ಸ್ವತಂತ್ರವಾಗಿದ್ದೇನೆ ಮತ್ತು ನನ್ನದೇ ಆದ ಗುರಿಗಳನ್ನು ಹೊಂದಿದ್ದೇನೆ ಎಂದು ಟ್ರೋಲರ್‌ಗಳಿಗೆ ತಿರುಗೇಟು ನೀಡಿದ್ದಾರೆ.

ಒಬ್ಬ ಮಾಜಿ ಶಿಕ್ಷಕ ಮತ್ತು ವಿದ್ಯಾರ್ಥಿನಿಯ ನಡುವಿನ ಈ ವಿಭಿನ್ನ ಪ್ರೇಮಕಥೆ ಈಗ ಇಂಟರ್ನೆಟ್‌ನಲ್ಲಿ ಪರ-ವಿರೋಧದ ಚರ್ಚೆಗಳನ್ನು ಹುಟ್ಟುಹಾಕಿದೆ. ಮಿನಿಯಾ ಸದ್ಯ ವೈದ್ಯಕೀಯ ಶಿಕ್ಷಣ (Medicine) ಪಡೆಯುತ್ತಿದ್ದು, ಪತಿ ಮಾಸ್ಸಿಮೊ ಅವರ ಸಂಪೂರ್ಣ ಬೆಂಬಲ ತಮಗಿದೆ ಎಂದು ಹೇಳಿಕೊಂಡಿದ್ದಾರೆ.