ಇಂಡೋನೇಷ್ಯಾದಲ್ಲಿ 7.7 ತೀವ್ರತೆಯ ಭೂಕಂಪ; 20 ಜನರ ಸಾವು, ಹಲವರಿಗಾಗಿ ಹುಡುಕಾಟ..Indonesia

20 Killed In 7.7 Magnitude Earthquake In Indonesia

Published on:

15 Aug 2026, 7:21 am

20 Killed In 7.7 Magnitude Earthquake In Indonesia

ಇಂಡೋನೇಷ್ಯಾದ ಫ್ಲೋರ್ಸ್ ದ್ವೀಪದ ಕರಾವಳಿಯಲ್ಲಿ ಶನಿವಾರ ಮುಂಜಾನೆ 7.7 ತೀವ್ರತೆಯ ಭೂಕಂಪ ಸಂವಭವಿಸಿದೆ ಎಂದು ಇಲ್ಲಿನ ಹವಾಮಾನ ಮತ್ತು ಭೂ ಭೌತಶಾಸ್ತ್ರ ಸಂಸ್ಥೆ (BMKG) ತಿಳಿಸಿದೆ. ಭೂ ಕಂಪಿಸಿದ ಆಸ್ತಿ-ಪಾಸ್ತಿ ನಾಶವಾಗಿದ್ದು, 20 ಜನರು ಪ್ರಾಣ ಕಳೆದುಕೊಂಡಿದ್ದಾರೆ. ಜೊತೆಗೆ ಅವಶೇಷಗಳಡಿ ಕೆಲವರು ಸಿಕ್ಕಿಹಾಕೊಂಡಿರುವ ಪರಿಣಾಮ ಅವರನ್ನು ಪತ್ತೆ ಹಚ್ಚುವ ಕಾರ್ಯ ಮುಂದುವರೆದಿದೆ ಎನ್ನಲಾಗಿದೆ.

ಇಂಡೋನೇಷ್ಯಾದ ಪೂರ್ವ ನುಸಾ ತೆಂಗಾರ ಪ್ರಾತ್ಯದ ಎಂಬೇಯಿಂದ ಈಶಾನ್ಯಕ್ಕೆ 36 ಕಿ.ಮೀ ದೂರದಲ್ಲಿ ಭೂಕಂಪದ ಕೇಂದ್ರ ಬಿಂದುವಿದ್ದು,15 ಕಿಮೀ ಆಳದಲ್ಲಿದೆ ದಾಖಲಾಗಿದೆ ಎಂದು ಹವಾಮಾನ ಮತ್ತು ಭೂ ಭೌತಶಾಸ್ತ್ರ ಸಂಸ್ಥೆ ಮಾಹಿತಿ ಹಂಚಿಕೊಂಡಿದೆ.

ಭೂಕಂಪಿಸಿ ಕೂಡಲೇ ಕಟ್ಟಡಗಳ ಅಲುಗಾಟ, ಶಾಪಿಂಗ್ ಮಾಲ್ಗಳಲ್ಲಿ ವಸ್ತುಗಳ ಚಲನೆ ಹಾಗೂ ಕಟ್ಟಡ, ಮನೆಗಳು ಕುಸಿಯುತ್ತಿರುವ ದೃಶ್ಯಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಮೀನು ಹಿಡಿಯಲು ಹೋದ ವ್ಯಕ್ತಿಯೊಬ್ಬರು ನೀರಿನ ಅಲೆಗಳ ಚಲನೆಯನ್ನು ಸೆರೆ ಹಿಡಿದ ವಿಡಿಯೋಗಳು ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ

ರಕ್ಷಣಾ ಅಧಿಕಾರಿ ಹೇಳಿದ್ದು ಹೀಗೆ

ಸುದ್ದಿಸಂಸ್ಥೆಯೊಂದಿಗೆ ಮಾತನಾಡಿದ ಇಲ್ಲಿನ ರಕ್ಷಣಾ ಅಧಿಕಾರಿ ಫಾತುರ್ ರೆಹಮಾನ್ ಅವರು, ಫ್ಲೋರ್ಸ್ ದ್ವೀಪದ ನಾಲ್ಕು ಭಾಗದಲ್ಲಿ ಭೂಕಂಪ ಸಂಭವಿಸಿದ ಪರಿಣಾಮ 20 ಜನರು ಮೃತಪಟ್ಟಿರುವುದು ದೃಢ. 20 ಜನರು ಮೃತಪಟ್ಟಿದ್ದು, ಆರು ಜನರು ಗಾಯಗೊಂಡಿದ್ದಾರೆ. ಅವಶೇಷಗಳಡಿ ಇನ್ನು ಇಬ್ಬರು ಸಿಲುಕಿದ್ದಾರೆ ಎಂಬ ಮಾಹಿತಿ ನಮಗೆ ಸಿಕ್ಕಿದೆ. ಅವಶೇಷಗಳ ಅಡಿಯಲ್ಲಿ ಸಿಲುಕಿರುವ ಸಂತ್ರಸ್ತರನ್ನು ಪತ್ತೆಹಚ್ಚುವುದೇ ನಮ್ಮ ಈಗಿನ ಮುಖ್ಯ ಗುರಿ. ಭೂಕುಸಿತದಿಂದಾಗಿ ಹಲವು ರಸ್ತೆಗಳು ಬಂದ್ ಆಗಿರುವುದರಿಂದ ರಕ್ಷಣಾ ಕಾರ್ಯಾಚರಣೆಗೆ ಅಡ್ಡಿಯಾಗಿದೆ ಎಂದು ಮಾಹಿತಿ ಕೊಟ್ಟರು.

ಸುನಾಮಿ ಆತಂಕ

ತೂಸ ನೂಂಗಾರಾ ತೀಮೂರ್ ಪ್ರಾಂತ್ಯದಲ್ಲಿರುವ ನಗೆಕಿಯೋ ನಿವಾಸಿಗಳು ಸಮುದ್ರದ ನೀರು ಹಿಂದೆ ಸರಿಯುವುದನ್ನು ಕಂಡು ಸುನಾಮಿ ಸಂಭವಿಸಬಹುದು ಎಂದು ಭಾವಿಸಿ...ಮುಂಜಾನೆಯೇ ಸುರಕ್ಷಿತ ಸ್ಥಳಕ್ಕೆ ಸ್ಥಳಾಂತರಗೊಂಡಿದ್ದಾರೆ ಎನ್ನಲಾಗಿದೆ. ಸದ್ಯ ಸುನಾಮಿ ಎಚ್ಚೆಇಕೆ ವಾಪಸ್ ಪಡೆದುಕೊಳ್ಳಲಾಗಿದೆ. ಈಗಾಗಲೇ 6.1 ತೀವ್ರತೆಯ ಪ್ರಬಲ ಕಂಪನ ಸೇರಿದಂತೆ ಹಲವು ಸಣ್ಣಪುಟ್ಟ ನಡುಕಗಳು ಅನುಭವಕ್ಕೆ ಬಂದಿವೆ.

ಪ್ರತ್ಯಕ್ಷದರ್ಶಿಗಳು ಹೇಳಿದ್ದಿಷ್ಟು

ನಗೆಕಿಯೊ ನಿವಾಸಿಯಾದ 56 ವರ್ಷದ ಯೋಹಾನೇಸ್ ಬಾಬೋ ಭೂಕಂಪ ಸಂಭವಿಸಿದ ಬಗ್ಗೆ ಮಾತನಾಡಿದ್ದು, ಬೆಳಿಗ್ಗೆ ಭೂ ಕಂಪಿಸಿದಾಗ ನಾನು ಮಾರುಕಟ್ಟೆಯಲ್ಲಿದ್ದೆ. ಭೂಕಂಪದ ತೀವ್ರತೆ ತುಂಬಾ ಹೆಚ್ಚಿತ್ತು. ಅದೃಷ್ಟವಶಾತ್ ನಾವು ಈಗಾಗಲೇ ಮನೆಯಿಂದ ಹೊರಗಿದ್ದೆವು. ಜನರು ಭಯಭೀತರಾಗಿ ಎಲ್ಲೆಂದರಲ್ಲಿ ಓಡುತ್ತಿದ್ದರು. ಸದ್ಯಕ್ಕೆ ನಾವು ಸ್ಥಳಾಂತರಗೊಂಡು ಗುಡ್ಡಗಳ ಕಡೆಗೆ ತೆರಳುತ್ತಿದ್ದೇವೆ. ನನ್ನ ಕುಟುಂಬ ಸುರಕ್ಷಿತವಾಗಿದೆ, ಸಮಸ್ಯೆಯಾಗಿಲ್ಲ ಎಂದರು.

ಮೌಮೇರೆ ಬಂದರಿನಲ್ಲಿದ್ದ ಕಟ್ಟಡವೊಂದು ಕುಸಿದು ಬಿದ್ದ ಪರಿಣಾಮ ಅವಶೇಷಗಳಡಿ ಸಿಲುಕಿದ್ದ ಒಬ್ಬರನ್ನು ಹೊರತೆಗೆಯಲಾಗಿದೆ. ಆದರೆ ಅವರು ಮೃತಪಟ್ಟಿದ್ದಾರೆ. ರಕ್ಷಣಾ ಸಿಬ್ಬಂದಿಯ ಕಾರ್ಯಾಚರಣೆಯ ವಿಡಿಯೋಗಳು ಸದ್ಯ ಎಕ್ಸ್ನಲ್ಲಿ ಭಾರಿ ವೈರಲ್ ಆಗಿದೆ.

ಮೌಮೇರೆ ನಿವಾಸಿ ಲುಕಾಸ್ ಲೋಟಾರ್ ಮಾತನಾಡಿ, ಭೂಮಿ ಹಠಾತ್ ನಡುಗಲು ಆರಂಭವಾಯಿತು, ನನಗೆ ತುಂಬಾ ಭಯವಾಯಿತು. ಆಸ್ಪತ್ರೆಯಲ್ಲಿದ್ದ ರೋಗಿಗಳು ಸಹ ಹೊರಗೆ ಓಡಿಬಂದರು, ಭೂಕಂಪದ ಅಲೆ ದೊಡ್ಡದಿತ್ತು. ಕೆಲವು ಗೋಡೆಗಳು ಬಿರುಕುಬಿಟ್ಟಿರುವುದನ್ನು ನಾನು ನೋಡಿದೆ ಎಂದು ಆಸ್ಪತ್ರೆ ಗ್ರಾಹಕ ಸೇವಾ ಅಧಿಕಾರಿಯಾದ ಲುಕಾಸ್ ಎಎಫ್‌ಪಿಗೆ ತಿಳಿಸಿದ್ದಾರೆ, (ಏಜೆನ್ಸೀಸ್).

tsunami warning