ನೋವಾದಾಗ ಯಾವ ಕಣ್ಣಿಂದ ಮೊದಲು ನೀರು ಬರುತ್ತೆ? ಮಹಿಳೆಯರೇ ಹೆಚ್ಚು ಅಳೋದೇಕೆ? ಇಲ್ಲಿದೆ ಅಚ್ಚರಿಯ ಉತ್ತರ... Crying

Crying : ಮಾನವ ಮನಸ್ಸನ್ನು ಅರ್ಥಮಾಡಿಕೊಳ್ಳುವುದು ಸುಲಭವಲ್ಲ. ಮನಸ್ಸು ಎಂಬುದೇ ತುಂಬಾ ಸಂಕೀರ್ಣವಾಗಿದೆ. ವೈದ್ಯರು ಮತ್ತು ನರವಿಜ್ಞಾನಿಗಳು ಸಹ ನಮ್ಮ ಮನಸ್ಸನ್ನು ಸಂಪೂರ್ಣವಾಗಿ ಅರ್ಥಮಾಡಿಕೊಳ್ಳಲು ಇನ್ನೂ ಸಾಧ್ಯವಾಗಿಲ್ಲ. ನಮ್ಮ ದೇಹದ ಕೆಲವು ಚಟುವಟಿಕೆಗಳನ್ನು ನಾವು ಮೊದಲು ಅರ್ಥಮಾಡಿಕೊಳ್ಳಬೇಕು. ಏಕೆಂದರೆ, ನಮ್ಮ ದೇಹದಲ್ಲಿ ಸಂಭವಿಸುವ ಬದಲಾವಣೆಗಳು ನಮ್ಮ ಮನಸ್ಸಿಗೆ ನೇರವಾಗಿ ಸಂಬಂಧಿಸಿವೆ. ನಮ್ಮ ಮನಸ್ಸಿಗೆ ದುಃಖವಾದಾಗ ಅಥವಾ ಖುಷಿಯಾದಾಗ ಕಣ್ಣುಗಳಲ್ಲಿ ನೀರು ಬರುವುದು ಸಹಜ. ನೋವಾದಗಲೂ ಕಣ್ಣಲ್ಲಿ ನೀರು ಬರುತ್ತೆ. ಆದರೆ, ಕಣ್ಣೀರಿನ ಬಗ್ಗೆ ನಿಮಗೆ ಗೊತ್ತಿಲ್ಲದ ರೋಚಕ ಸಂಗತಿಗಳಿವೆ. ಅವುಗಳು ಬಗ್ಗೆ ನಾವಿಂದು ತಿಳಿದುಕೊಳ್ಳೋಣ.

ಅಳುವುದರಿಂದಾಗುವ ಪ್ರಯೋಜನಗಳು

ಅತ್ತಾಗ ನಮ್ಮ ಕಣ್ಣುಗಳಲ್ಲಿರುವ ಬ್ಯಾಕ್ಟೀರಿಯಾಗಳು ಹೊರಗೆ ಹೋಗುತ್ತವೆ. ಅಷ್ಟೇ ಅಲ್ಲ, ಅಳುವುದರಿಂದ ನಮ್ಮ ರೋಗನಿರೋಧಕ ಶಕ್ತಿಯೂ ಹೆಚ್ಚಾಗುತ್ತದೆ. ನಮ್ಮ ಮನಸ್ಸಿನಲ್ಲಿ ದುಃಖವನ್ನು ಇಟ್ಟುಕೊಂಡರೆ, ಒತ್ತಡ ಹೆಚ್ಚಾಗುತ್ತದೆ. ಇದು ಅನೇಕ ಸಮಸ್ಯೆಗಳಿಗೆ ಕಾರಣವಾಗುತ್ತದೆ. ಆದ್ದರಿಂದ ನೀವು ಅತ್ತಾಗ ಮನಸ್ಸಿನ ಭಾರ ಇಳಿದು, ಒತ್ತಡ ನಿವಾರಣೆಯಾಗುತ್ತದೆ. ಅಲ್ಲದೆ, ದುಃಖವೂ ದೂರವಾಗುತ್ತದೆ.

ಯಾವ ಕಣ್ಣು ಆನಂದದ ಕಣ್ಣೀರು ಸುರಿಸುತ್ತೆ?

ನಿಮಗೆ ಗೊತ್ತಿಲ್ಲದ ಒಂದು ಅಚ್ಚರಿಯ ಸಂಗತಿ ಇದೆ. ಅದೇನೆಂದರೆ, ನಾವು ದುಃಖಿತರಾದಾಗ ಎಡಗಣ್ಣಿನಿಂದ ಮತ್ತು ಸಂತೋಷವಾದಾಗ ಬಲಗಣ್ಣಿನಿಂದ ಕಣ್ಣೀರು ಬರುತ್ತದೆ. ಈ ಸತ್ಯ ಬಹುತೇಕ ಯಾರಿಗೂ ತಿಳಿದಿಲ್ಲ. ನಾವು ದುಃಖಿತರಾದಾಗ, ನಮ್ಮ ಎಡಗಣ್ಣಿನಿಂದ ಕಣ್ಣೀರು ಹೆಚ್ಚು ಬರುತ್ತದೆ. ನಾವು ಸಂತೋಷವಾಗಿದ್ದರೆ, ಮೊದಲು ಕಣ್ಣೀರು ನಮ್ಮ ಬಲಗಣ್ಣಿನಿಂದ ಬರುತ್ತದೆ. ನಮ್ಮ ದೇಹದ ಹೇಳಲಾಗದ ನೋವು ಕಣ್ಣೀರಿನ ಮೂಲಕವೇ ಹೊರಬರುತ್ತದೆ. ಅಳುವ ಮೂಲಕ ನೋವನ್ನು ಹೊರಹಾಕುವುದು ಒಳ್ಳೆಯದು ಎಂದು ತಜ್ಞರು ಹೇಳುತ್ತಾರೆ.

ಅನೇಕ ಜನರು ರಾತ್ರಿಯಲ್ಲಿ ಏಕೆ ಅಳುತ್ತಾರೆ?

ಕೆಲವರಿಗೆ ರಾತ್ರಿಯ ವೇಳೆ ಅಳುವನ್ನು ನಿಯಂತ್ರಿಸಲು ಸಾಧ್ಯವಾಗದಿರಬಹುದು. ರಾತ್ರಿಯಲ್ಲಿ ಭಾವನೆಗಳನ್ನು ನಿಯಂತ್ರಿಸುವುದು ಕಷ್ಟ. ನಾವು ಬೆಳಗ್ಗೆ ಸುತ್ತಮುತ್ತಲಿನ ಪ್ರದೇಶಗಳನ್ನು ಗಮನಿಸುತ್ತಾ ಮತ್ತು ಸಂಬಂಧಿಕರೊಂದಿಗೆ ಮಾತನಾಡುತ್ತಾ ಕಳೆಯುತ್ತೇವೆ. ರಾತ್ರಿಯಲ್ಲಿ ಒಂಟಿತನ ಮತ್ತು ಒತ್ತಡ ಹೆಚ್ಚಾಗಿರುತ್ತದೆ. ಅನೇಕ ಜನರು ರಾತ್ರಿಯಲ್ಲಿ ಆತಂಕದಿಂದ ಅಳುತ್ತಾರೆ ಮತ್ತು ಸರಿಯಾಗಿ ನಿದ್ರೆ ಮಾಡಲು ಸಾಧ್ಯವಾಗುವುದಿಲ್ಲ.

ಅಳುವುದು ಒಂದು ಕಾಯಿಲೆಯೇ?

ತಜ್ಞರ ಪ್ರಕಾರ, ಅತಿಯಾದ ನಗುವಿಕೆಯಂತೆಯೇ ಅತಿಯಾದ ಅಳುವುದು ಕೂಡ ಒಂದು ಕಾಯಿಲೆಯಾಗಿದೆ. ನರಮಂಡಲದಲ್ಲಿ ಸಮಸ್ಯೆ ಇದ್ದರೆ, ಭಾವನೆಗಳನ್ನು ನಿಯಂತ್ರಿಸಲಾಗುವುದಿಲ್ಲ. ಕೆಲವರು ಇದ್ದಕ್ಕಿದ್ದಂತೆ ಅಳಲು ಮತ್ತು ನಗಲು ಪ್ರಾರಂಭಿಸುತ್ತಾರೆ. ಈ ಅಕಾಲಿಕ ಪ್ರತಿಕ್ರಿಯೆ ಅಪಾಯಕಾರಿ. ನಿಮಗೂ ಈ ಸಮಸ್ಯೆ ಇದ್ದರೆ, ತಕ್ಷಣ ತಜ್ಞರನ್ನು ಸಂಪರ್ಕಿಸಿ ಮತ್ತು ಸರಿಯಾದ ಚಿಕಿತ್ಸೆ ಪಡೆಯಿರಿ.

ಇದನ್ನೂ ಓದಿ: ಮೈದಾನದಲ್ಲೇ ದುರ್ವರ್ತನೆ… ಪಾಕ್​ ಪ್ಲೇಯರ್​ನಿಂದ ಅನುಭವಿಸಿದ ಕಹಿ ಅನುಭವ ಬಿಚ್ಚಿಟ್ಟ ಮಿಥಾಲಿ ರಾಜ್​! Mithali Raj

ಮಹಿಳೆಯರು ಹೆಚ್ಚು ಅಳುವುದೇಕೆ?

ಮಹಿಳೆಯರು ಯಾವಾಗಲೂ ಪುರುಷರಿಗಿಂತ ಹೆಚ್ಚು ಅಳುತ್ತಾರೆ. ಸಂಶೋಧನೆಯ ಪ್ರಕಾರ, ದುಃಖದ ಕಣ್ಣೀರು ಕೂಡ ದೇಹಕ್ಕೆ ಸಂಬಂಧಿಸಿದೆ. ದೇಹದ ಭಾಗವಾಗಿರುವ ಪ್ರೊಲ್ಯಾಕ್ಟಿನ್ ಎಂಬ ಪ್ರೋಟೀನ್ ನಮ್ಮ ಅಂತಃಸ್ರಾವಕ ವ್ಯವಸ್ಥೆಯ ಮೇಲೆ ಪರಿಣಾಮ ಬೀರುತ್ತದೆ. ಅದಕ್ಕಾಗಿಯೇ ಮಹಿಳೆಯರು ಪುರುಷರಿಗಿಂತ ಹೆಚ್ಚು ಅಳುತ್ತಾರೆ. ಪುರುಷರಿಗಿಂತ ಮಹಿಳೆಯರ ದೇಹದಲ್ಲಿ ಶೇ. 60 ರಷ್ಟು ಹೆಚ್ಚು ಪ್ರೊಲ್ಯಾಕ್ಟಿನ್ ಇರುತ್ತದೆ.

ಕೆಲವರು ಏಕೆ ತುಂಬಾ ಅಳುತ್ತಾರೆ?

ಅಳುವುದು ಪ್ರೊಲ್ಯಾಕ್ಟಿನ್​ನಿಂದ ಉಂಟಾಗುತ್ತದೆ ಎಂದು ತಿಳಿದಿದೆ. ಇದಲ್ಲದೆ, ಕೆಲವರು ತುಂಬಾ ಸೂಕ್ಷ್ಮವಾಗಿರುತ್ತಾರೆ. ಅವರು ಪ್ರತಿ ಪದಕ್ಕೂ ಅಳುತ್ತಾರೆ. ಪ್ರತಿಯೊಬ್ಬ ವ್ಯಕ್ತಿಯು ವಿಭಿನ್ನ ವ್ಯಕ್ತಿತ್ವವನ್ನು ಹೊಂದಿರುತ್ತಾನೆ. ಅವರ ಪ್ರತಿಕ್ರಿಯೆ ಪ್ರತಿಯೊಂದು ಸನ್ನಿವೇಶದಲ್ಲೂ ವಿಭಿನ್ನವಾಗಿರುತ್ತದೆ. ಶೇ. 20 ರಷ್ಟು ಜನರು ಹೆಚ್ಚು ಭಾವನಾತ್ಮಕವಾಗಿರುತ್ತಾರೆ. ಅವರು ಸಹಾನುಭೂತಿಯನ್ನು ಅನುಭವಿಸುತ್ತಾರೆ. (ಏಜೆನ್ಸೀಸ್​)

https://www.vijayavani.net/anger-effects-do-you-know-how-many-diseases-can-be-caused-by-anger-here-is-the-list

https://www.vijayavani.net/gastric-problems-remedies-here-are-5-home-remedies-to-prevent-gas-and-acidity