ಲೋಹದ ಹಕ್ಕಿಯನ್ನೇ ಹಿಮ್ಮೆಟ್ಟಿಸಿದ ಪಕ್ಷಿ.. ಮುಂಬೈಗೆ ಮರಳಿದ ವಿಮಾನ, ಆಗಿದ್ದಾದರೂ ಏನು?

ಮುಂಬೈ: ಮುಂಬೈನಿಂದ ದೆಹಲಿಗೆ ಹೊರಟಿದ್ದ ವಿಮಾನ ಟೇಕಾಫ್​ ಆದ ಕೆಲವೇ ನಿಮಿಷಗಳಲ್ಲಿ ಮತ್ತೆ ಮುಂಬೈಗೆ ಮರಳಿದೆ. ಹೀಗೆ ಲೋಹದ ಹಕ್ಕಿ ವಾಪಸಾಗಲು ಕಾರಣ ಒಂದು ಪಕ್ಷಿ. ಇಂಥದ್ದೊಂದು ಅಪರೂಪದ ಪ್ರಸಂಗ ಭಾನುವಾರ ಬೆಳಗ್ಗೆ ನಡೆದಿದೆ.

ಇಂಡಿಗೋ ಸಂಸ್ಥೆಯ ಏರ್​ಬಸ್​ ಎ-320 (ಫ್ಲೈಟ್​ ನಂ. 6ಇ 5047) ಭಾನುವಾರ ಬೆಳಗ್ಗೆ 8.05ಕ್ಕೆ ಮುಂಬೈನ ಛತ್ರಪತಿ ಶಿವಾಜಿ ಮಹಾರಾಜ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ದೆಹಲಿಗೆ ಹೊರಟಿತ್ತು. ಹೀಗೆ ಟೇಕಾಫ್​ ಆದ ಕೆಲವೇ ನಿಮಿಷಗಳಲ್ಲಿ ಪಕ್ಷಿಯೊಂದು ವಿಮಾನಕ್ಕೆ ಬಡಿದಿದೆ. ಆಗ ಅದನ್ನು ಪೈಲಟ್​ ಮುಂಬೈ ನಿಲ್ದಾಣಕ್ಕೆ ಮರಳಿ ತಲುಪಿಸಿದ್ದಾರೆ.

ಮೊದಲು ಹೊರಟಿದ್ದ ವಿಮಾನದಲ್ಲಿ ಎಷ್ಟು ಜನರಿದ್ದರು ಎಂಬುದು ಬಹಿರಂಗಗೊಂಡಿಲ್ಲ. ಆದರೆ ಪ್ರಯಾಣಿಕರಿಗೆ ಬದಲಿ ವ್ಯವಸ್ಥೆ ಮಾಡಲಾಗಿದೆ ಎಂದು ಸಂಸ್ಥೆ ಹೇಳಿಕೊಂಡಿದೆ. (ಏಜೆನ್ಸೀಸ್​)