ಸಿಸಿಬಿ ಕಚೇರಿಗೆ ಬಂದ ಇಂದ್ರಜಿತ್​ ಲಂಕೇಶ್​; ಡ್ರಗ್ಸ್​ ದಂಧೆಯಲ್ಲಿರುವ ಎಲ್ಲರ ಹೆಸರನ್ನೂ ಹೇಳ್ತಾರಂತೆ !

ಸ್ಯಾಂಡಲ್​ವುಡ್​​ನಲ್ಲಿರುವ ಡ್ರಗ್ಸ್​​​ ಜಾಲದ ಬಗ್ಗೆ ಮಾಹಿತಿ ನೀಡಲು ನಿರ್ದೇಶಕ ಇಂದ್ರಜಿತ್​ ಲಂಕೇಶ್​ ಅವರು ಸಿಸಿಬಿ ಕಚೇರಿಗೆ ಆಗಮಿಸಿದ್ದಾರೆ.

ಸ್ಯಾಂಡಲ್​ವುಡ್​​ನಲ್ಲಿ ಯಾರ್ಯಾರು ಡ್ರಗ್​ ಸೇವನೆ ಮಾಡುತ್ತಾರೆ..ಯಾರೆಲ್ಲ ಡ್ರಗ್​ ಮಾಫಿಯಾದಲ್ಲಿ ಇದ್ದಾರೆ ಎಂಬುದು ನನಗೆ ಗೊತ್ತು. ನನಗೆ ಸರಿಯಾದ ರಕ್ಷಣೆ ಕೊಟ್ಟರೆ ಎಲ್ಲವನ್ನೂ ತಿಳಿಸುತ್ತೇನೆ ಎಂದು ಇಂದ್ರಜಿತ್​ ಹೇಳಿದ್ದರು. ಅದರ ಅನ್ವಯ ಅವರಿಗೆ ಭದ್ರತೆ ನೀಡುವುದಾಗಿ ಸಿಸಿಬಿ ಹೇಳಿದೆ.

ಹಾಗೇ ಇಂದು ಅವರು ವಿಚಾರಣೆಗೆ ಹಾಜರಾಗಿದ್ದಾರೆ. ಬೆಳಗ್ಗೆಯಿಂದ ಯಾರ ಕೈಗೂ ಸಿಗದ, ಯಾರ ಫೋನ್​ ಕೂಡ ಪಿಕ್​ ಮಾಡದ ಇಂದ್ರಜಿತ್​ ಅವರನ್ನು ಇನ್ನೇನು ಕೆಲವೇ ಕ್ಷಣಗಳಲ್ಲಿ ಸಿಸಿಬಿ ವಿಚಾರಣೆ ಮಾಡಲಿದೆ. ನಾನು ಎಲ್ಲವನ್ನೂ ಹೇಳಲು ಬಂದಿದ್ದೇನೆ ಎಂದು ಸಿಸಿಬಿ ಕಚೇರಿ ಎದುರು ಮಾಧ್ಯಮಗಳಿಗೆ ತಿಳಿಸಿದ್ದಾರೆ. ಇಂದ್ರಜಿತ್​ ಲಂಕೇಶ್​ ಅವರ ಕೈಯಲ್ಲಿ ಫೈಲ್​ ಮತ್ತು ಲ್ಯಾಪ್​ಟಾಪ್​ ಇರುವುದು ತುಂಬ ಕುತೂಹಲ ಮೂಡಿಸಿದೆ. ಅಷ್ಟೇ ಅಲ್ಲ, 20ಕ್ಕೂ ಹೆಚ್ಚು ಸ್ಯಾಂಡಲ್​ವುಡ್​ ನಟ-ನಟಿಯರ ಹೆಸರನ್ನು ಇಂದು ಬಹಿರಂಗಗೊಳಿಸಲಿದ್ದಾರೆ ಎಂಬ ಮಾಹಿತಿಯೂ ಮೂಲಗಳಿಂದ ಸಿಕ್ಕಿದೆ.

ಹಾಗೇ ಇಂದ್ರಜಿತ್​ ಅವರ ಜತೆ ಸಹಾಯಕ ಮತ್ತು ಅವರ ಕಾರ್​ ಡ್ರೈವರ್​ ಕೂಡ ಇದ್ದಾರೆ.(ದಿಗ್ವಿಜಯ ನ್ಯೂಸ್​)