ಅರಸು ಕಾರ್ ಷೋರೂಮ್ ನಲ್ಲಿ ಭಾರತದ ಮೊಟ್ಟಮೊದಲ ಎಸ್‌ಯುವಿ ಕೂಪೆ ಕಾರು ಬಿಡುಗಡೆ

ಭಾರತದ ಮೊಟ್ಟಮೊದಲ ಎಸ್‌ಯುವಿ ಕೂಪೆ ಕಾರು ಬಿಡುಗಡೆ ಮಾಡುವ ಮೂಲಕ ಮಧ್ಯಮ ಗಾತ್ರದ ಎಸ್‌ಯುವಿ ವಿಭಾಗದಲ್ಲಿ ಭಾರಿ ಬದಲಾವಣೆಗೆ ಕಾರಣವಾದ ಟಾಟಾ ಮೋಟರ್ಸ್ .

ಮೈಸೂರಿನ ಹಿನಕಲ್ ನ ಅರಸು ಕಾರ್ ಷೋರೂಮ್ ನಲ್ಲಿ ನಡೆದ ಕಾರ್ಯ ಕ್ರಮದಲ್ಲಿ ಟಾಟಾ ವಾಹನ ಸಂಸ್ಥೆಯ ವ್ಯವಸ್ಥಾಪಕ ನಿರ್ದೇಶಕ ಎಂ ಎಲ್ ಕಾಂತರಾಜ್ ಭಾರತದ ಮೊದಲ ಎಸ್ ಯು ವಿ ಈವಿ ಬಿಡುಗಡೆಗೊಳಿಸಿದರು, ಇನ್ನಿತರ ಅಧಿಕಾರಿ ಗಳಾದ ಅರುಣ್ ಕುಮಾರ್ ಪಾಣಿಗ್ರಾಹಿ,ಎ ಜಿ ಎಂ ಗುರುರಾಜ್, ಮನೋಜ್ ಅಭಿಷೇಕ್ ಕುಮಾರ್ ಹಾಗೂ ಪಿ ಜಿ ಕುಟ್ಟಪ್ಪ ಹಾಜರಿದ್ದರು. ರೂ 17.49 ಲಕ್ಷದ ಆಕರ್ಷಕ ಆರಂಭಿಕ ಬೆಲೆಗೆ ಕರ್ವ್‌.ಇವಿ ಬಿಡುಗಡೆ ಮಾಡಿದ ಕಂ‍ಪನಿ. ಅತಿದೊಡ್ಡ ಬ್ಯಾಟರಿ ಹಾಗೂ ಒಂದು ಬಾರಿ ಚಾರ್ಚ್‌ ಮಾಡಿದರೆ 585 ಕಿ.ಮೀ. ಸಾಗಲು ಸಾಧ್ಯವಾಗುವ ಈ ಕಾರಿನ ಮೂಲಕ ಮಧ್ಯಮ ಗಾತ್ರದ ಎಸ್‌ಯುವಿ ವಿಭಾಗವನ್ನು ಮರುವ್ಯಾಖ್ಯಾನಿಸುವ ಕೆಲಸವನ್ನು ಟಾಟಾ ಮೋಟರ್ಸ್ ಮಾಡಿದೆ
ಕಾರಿನ ವೈಶಿಷ್ಟ್ಯಗಳು

• ಬಹಳ ವಿಭಿನ್ನವಾದ ವಿನ್ಯಾಸ ಹಾಗೂ ಅತ್ಯಾಧುನಿಕ ತಂತ್ರಜ್ಞಾನವನ್ನು ಪರಿಚಯಿಸಿದೆ
• ಕರ್ವ್‌.ಇವಿ ಕಾರಿನ ಬೆಲೆ ರೂ 17.49 ಲಕ್ಷ (45 ಕಿಲೊವಾಟ್‌ ಅವರ್ ಸಾಮರ್ಥ್ಯದ ಬ್ಯಾಟರಿ) ಹಾಗೂ ರೂ 19.25 ಲಕ್ಷ (55 ಕಿಲೊವಾಟ್ ಅವರ್ ಸಾಮರ್ಥ್ಯದ ಬ್ಯಾಟರಿ)
• ಅತ್ಯಾಧುನಿಕವಾದ ಆಕ್ಟಿ.ಇವಿ ವಿನ್ಯಾಸ ಆಧರಿಸಿ ನಿರ್ಮಿಸಲಾಗಿರುವ ಎರಡನೆಯ ಉತ್ಪನ್ನ ಇದು
• ಕರ್ವ್‌.ಇವಿ ಕಾರಿನ ಬುಕಿಂಗ್ ಆಗಸ್ಟ್‌ 17ರಿಂದ ಆರಂಭ ಆಗಲಿದೆ.
• 55 ಕಿಲೊವಾಟ್‌ ಅವರ್ ಸಾಮರ್ಥ್ಯದ ಬ್ಯಾಟರಿ ಇರುವ ಕಾರನ್ನು ಒಮ್ಮೆ ಚಾರ್ಜ್‌ ಮಾಡಿದರೆ 585 ಕಿ.ಮೀ. ಸಾಗಲು ಸಾಧ್ಯ ಎಂಬುದು ಪ್ರಮಾಣಿತವಾಗಿದೆ. 45 ಕಿಲೊವಾಟ್‌ ಅವರ್ ಸಾಮರ್ಥ್ಯದ ಬ್ಯಾಟರಿಯನ್ನು ಒಮ್ಮೆ ಚಾರ್ಜ್ ಮಾಡಿದರೆ 502 ಕಿ.ಮೀ. ಸಾಗಲು ಆಗುತ್ತದೆ.
• ಎರಡು ಬಗೆಯ ಪೆಟ್ರೋಲ್ ಎಂಜಿನ್ ಹಾಗೂ ಒಂದು ಬಗೆಯ ಡೀಸೆಲ್ ಎಂಜಿನ್ ಮೂಲಕ ಬೇರೆ ಬೇರೆ ಎಂಜಿನ್‌ಗಳ ಶಕ್ತಿಯನ್ನು ಪ್ರದರ್ಶಿಸಿದ ಟಾಟಾ ಮೋಟರ್ಸ್
• ಅಂತರ್ದಹನ ಎಂಜಿನ್‌ (ಪೆಟ್ರೋಲ್, ಡೀಸೆಲ್ ಬಳಸುವ ಎಂಜಿನ್‌) ವಾಹನಗಳಿಗಾಗಿ ರೂಪಿಸಿದ ಅಟ್ಲಾಸ್‌ (An Adaptive Tech forward Lifestyle Architecture) ಬಿಡುಗಡೆ 
• ಹೊಸದಾದ ಹಾಗೂ ದೇಶದಲ್ಲೇ ಅಭಿವೃದ್ಧಿಪಡಿಸಿದ ಮೊದಲ ಜಿಡಿಐ ಪೆಟ್ರೋಲ್ ಎಂಜಿನ್ ಬಳಕೆ
• ಈ ಶ್ರೇಣಿಯಲ್ಲಿ ಅತ್ಯುತ್ತಮವಾದ 500 ಲೀಟರ್ ಸಾಮರ್ಥ್ಯದ ಬೂಟ್‌ ಸ್ಪೇಸ್ (ಇವಿ ಹಾಗೂ ಐಸಿಇ ಎಂಜಿನ್‌ ಆಯ್ಕೆಯ ಕಾರುಗಳೆರಡರಲ್ಲೂ ಲಭ್ಯ)
• ಇವಿ ಹಾಗೂ ಐಸಿಐ ವಾಹನಗಳ ನಡುವೆ ಬೆಲೆಯ ವಿಚಾರದಲ್ಲಿ ಸಮಾನತೆ ತರುವಂತೆ ರೂಪಿಸಲಾದ ಕರ್ವ್‌.ಇವಿ
  ಸ್ತಂಭೀಭೂತರನ್ನಾಗಿಸುವ ವಿನ್ಯಾಸ: ಕರ್ವ್‌.ಇವಿ ವಿನ್ಯಾಸವು ಸಾಂಪ್ರದಾಯಿಕವಾಗಿ ಇಲ್ಲ. ಇದು ಎಸ್‌ಯುವಿ ವಾಹನಗಳಲ್ಲಿ ಬಲಿಷ್ಠ ಹಾಗೂ ಬಾಳಿಕೆ ಬರುವ ವಿನ್ಯಾಸವನ್ನೂ ಕೂಪೆ ವಾಹನಗಳಲ್ಲಿ ಇರುವ ಮನಕ್ಕೆ ಹಿತತರುವ ವಿನ್ಯಾಸವನ್ನೂ ಒಗ್ಗೂಡಿಸಿದೆ. ಈ ಕಾರು ಅತ್ಯುತ್ತಮವಾದ ವಿನ್ಯಾಸ ಹಾಗೂ ಶ್ರೇಷ್ಠವಾದ ಉತ್ಪನ್ನವನ್ನು ಒಂದೆಡೆ ತಂದಿದೆ. ಆ ಮೂಲಕ ಇದು ಮಧ್ಯಮ ಗಾತ್ರದ ಎಸ್‌ಯುವಿ ವಿಭಾಗದಲ್ಲಿ ಅತ್ಯುತ್ತಮವಾದ ವಾಹನ ಆಗಿದೆ. 
• 
  ಬಹಳ ಆಕರ್ಷಕವಾದ ಡೋರ್ ಹ್ಯಾಂಡಲ್‌ಗಳು, ಆರ್‌18 ಅಲಾಯ್ (ಮಿಶ್ರಲೋಹದ) ಚಕ್ರ, ಸ್ಮಾರ್ಟ್‌ ಡಿಜಿಟಲ್ ಲೈಟಿಂಗ್ ವ್ಯವಸ್ಥೆ, ಸ್ಮಾರ್ಟ್‌ ಆಗಿರುವ ಚಾರ್ಜಿಂಗ್ ಆ್ಯನಿಮೇಷನ್. ಇಂಡಿಕೇಟರ್‌ಗಳು, ಎಲ್‌ಇಡಿ ಪ್ರಾಜೆಕ್ಟ್ ಹೆಡ್‌ಲ್ಯಾಂಪ್, ಮುಂಭಾಗದಲ್ಲಿ ಎಲ್‌ಇಡಿ ಫಾಗ್‌ ಲ್ಯಾಂಪ್, ಸ್ಮಾರ್ಟ್ ಡಿಜಿಟಲ್ ಸ್ಟಿಯರಿಂಗ್ ವೀಲ್, ಮುಂಭಾಗದಲ್ಲಿ ಎಲೆಕ್ಟ್ರಿಕ್ ಚಾರ್ಜಿಂಗ್ ಲಿಡ್‌ ಹಾಗೂ ಅದು ಸ್ವಯಂಚಾಲಿತವಾಗಿ ತೆರೆಯುವ ಮತ್ತು ಮುಚ್ಚುವ ವ್ಯವಸ್ಥೆ, ಡಿಜಿಟಲ್ ಡ್ಯಾಶ್‌ಬೋರ್ಡ್, ಫಿಜಿಟಲ್ ಆಗಿರುವ ಕಂಟ್ರೋಲ್ ಪ್ಯಾನೆಲ್, ಧ್ವನಿಚಾಲಿತ ಪನೋರಮಿಕ್ ಸನ್‌ರೂಫ್ ಹಾಗೂ ಸ್ಮಾರ್ಟ್ ಡಿಜಿಟಲ್ ಶಿಫ್ಟರ್ ವ್ಯವಸ್ಥೆ ಇದೆ.
  ಪನೋರಮಿಕ್ ಸನ್‌ರೂಫ್ ವ್ಯವಸ್ಥೆಯು ಕಾಕ್‌ಪಿಟ್ ಜಾಗದಲ್ಲಿ ಸ್ವಾತಂತ್ರ್ಯದ ಅನುಭೂತಿಯೊಂದನ್ನು ನೀಡುತ್ತದೆ. ಅಲ್ಲದೆ, ಕಾರಿನಲ್ಲಿ ಈ ಶ್ರೇಣಿಯಲ್ಲಿ ಅತ್ಯುತ್ತಮ ಎನ್ನಬಹುದಾದ 500 ಲೀಟರ್ ಸಾಮರ್ಥ್ಯದ ಬೂಟ್ ಸ್ಪೇಸ್ ಇದೆ.
  ವೈಭವಯುತವಾದ ವಿನ್ಯಾಸ: ಪ್ರೀಮಿಯಂ ಶ್ರೇಣಿಯ ಕಾರುಗಳಲ್ಲಿ ಕಾಣಸಿಗುವ ವೈಶಿಷ್ಟ್ಯಗಳು ಹಾಗೂ ಸೌಲಭ್ಯಗಳು ಕರ್ವ್‌.ಇವಿ ಕಾರಿನಲ್ಲಿ ಇವೆ. ಇದರಿಂದಾಗಿ ಈ ಕಾರಿನ ಮೌಲ್ಯವು ಹೆಚ್ಚಿದೆ. ಹಿಂದಿನ ಸೀಟುಗಳನ್ನು 60:40 ಅನುಪಾತದಲ್ಲಿ ಮಡಚಿ ಇಡಬಹುದು. ಅಲ್ಲದೆ, ನಡುವಿನಲ್ಲಿ ಕೈಆಸರೆ (ಆರ್ಮ್‌ ರೆಸ್ಟ್) ಕೂಡ ಇದೆ. ಹಿಂದಿನ ಆಸನಗಳನ್ನು ಎರಡು ಹಂತಗಳಲ್ಲಿ ಹಿಂದಕ್ಕೆ ಒರಗಿಸಿಕೊಳ್ಳಬಹುದು. ಹಿಂದೆ ಕೂರುವವರಿಗೆ ಅನುಕೂಲ ಕಲ್ಪಿಸುವಂತೆ ಎ.ಸಿ. ವೆಂಟ್‌ಗಳ ವ್ಯವಸ್ಥೆ ಇದೆ. 
  ಸಾಮರ್ಥ್ಯ ಹೆಚ್ಚಳದ ವಿನ್ಯಾಸ: ಈ ಕಾರನ್ನು ಆಧುನಿಕವಾದ ಆ್ಯಕ್ಟಿ.ಇವಿ ವಿನ್ಯಾಸದ ಆಧಾರದಲ್ಲಿ ರೂಪಿಸಲಾಗಿದೆ. ಕರ್ವ್‌.ಇವಿ ಕಾರು ನಿಂತ ಸ್ಥಿತಿಯಿಂದ ಗಂಟೆಗೆ 100 ಕಿ.ಮೀ. ವೇಗವನ್ನು ತಲುಪಲು 8.6 ಸೆಕೆಂಡುಗಳಷ್ಟೇ ಸಾಕು. 55 ಕಿಲೊವಾಟ್‌ ಅವರ್‌ (585 ಕಿ.ಮೀ. ಸಾಗಬಲ್ಲದು) ಹಾಗೂ 45 ಕಿಲೊವಾಟ್‌ ಅವರ್‌ (502 ಕಿ.ಮೀ. ಕ್ರಮಿಸಬಲ್ಲದು) ಸಾಮರ್ಥ್ಯದ ಬ್ಯಾಟರಿಯನ್ನು ಅಳವಡಿಸಲಾಗಿರುವ ಕಾರಣ, ಕರ್ವ್‌.ಇವಿ ಕಾರನ್ನು ಬಳಸಿ ನೀವು ನಿತ್ಯದ ಪ್ರಯಾಣವನ್ನು ಮಾತ್ರವೇ ಅಲ್ಲದೆ ನಿಮ್ಮ ಪ್ರೀತಿಪಾತ್ರರ ಜೊತೆಗೂಡಿ ದೂರ ಪ್ರಯಾಣಕ್ಕೂ ಇದನ್ನು ಬಳಸಿಕೊಳ್ಳಬಹುದು.
  ಗಣನೀಯ ಪ್ರಮಾಣದಲ್ಲಿ ತ್ವರಿತವಾಗಿ ಚಾರ್ಜ್‌ ಆಗುವಂತೆ ಇರುವ ಕೋಶಗಳನ್ನು 55 ಕಿಲೊವಾಟ್‌ ಅವರ್ ಬ್ಯಾಟರಿಯಲ್ಲಿ ಅಳವಡಿಸಲಾಗಿದೆ. ಶೇ 10ರಿಂದ ಶೇ 80ರಷ್ಟು ಪ್ರಮಾಣದವರೆಗೆ 40 ನಿಮಿಷಗಳಲ್ಲಿ ಇದು ಚಾರ್ಜ್‌ ಆಗಬಲ್ಲದು. ಅಥವಾ 150 ಕಿ.ಮೀ.ವರೆಗಿನ ಪ್ರಯಾಣಕ್ಕೆ ಬೇಕಿರುವಷ್ಟು ಚಾರ್ಜ್‌ ಮಾಡಲು 15 ನಿಮಿಷಗಳು ಸಾಕು.
  ಹೊಸ ತಂತ್ರಜ್ಞಾನಕ್ಕೆ ವಿನ್ಯಾಸ: ಈ ಶ್ರೇಣಿಯಲ್ಲಿ ಹೊಸತನಕ್ಕೆ ಹೊಸ ಮಾನದಂಡವೊಂದನ್ನು ಕರ್ವ್‌.ಇವಿ ಹಾಕಿಕೊಟ್ಟಿದೆ. ಈ ಕಾರಿನಲ್ಲಿ ಕ್ವಾಲ್ಕಾಂನ ಸ್ನ್ಯಾಪ್‌ಡ್ರ್ಯಾಗ್ ಡಿಜಿಟಲ್ ಚಾಸಿಸ್‌ ಪ್ಲಾಟ್‌ಫಾರ್ಮ್‌ ಅಳವಡಿಸಲಾಗಿದೆ. ಹರ್ಮನ್‌ ಕಂಪನಿಯ 31.24 ಸೆಂ.ಮೀ. ಸಿನೆಮ್ಯಾಟಿಕ್ ಟಚ್‌ಸ್ಕ್ರೀನ್ ಸೌಲಭ್ಯ, 26.03 ಸೆಂ.ಮೀ. ಗಾತ್ರದ ಡಿಜಿಟಲ್ ಕಾಕ್‌ಪಿಟ್, ಜೆಬಿಎಲ್ ಸಿನೆಮ್ಯಾಟಿಕ್ ಸೌಂಡ್ ವ್ಯವಸ್ಥೆ, ಆಧುನಿಕವಾದ ಒಟಿಎ ಸೌಲಭ್ಯ, ಸ್ಮಾರ್ಟ್ ವಾಚ್ ಜೋಡಿಸಿಕೊಳ್ಳುವ ಅವಕಾಶ ಸೇರಿದಂತೆ ಹಲವು ಸೌಲಭ್ಯಗಳು ಇದರಲ್ಲಿ ಇವೆ.
  ಸುರಕ್ಷತೆಗಾಗಿನ ವಿನ್ಯಾಸ: ಪ್ರತಿ ಪ್ರಯಾಣದಲ್ಲಿಯೂ ನಿಮಗೆ ಹಾಗೂ ನಿಮ್ಮ ಪ್ರೀತಿ ಪಾತ್ರರಿಗೆ ಸುರಕ್ಷತೆಯನ್ನು ಖಾತರಿಪಡಿಸಲು ಈ ಕಾರನ್ನು ಆಧುನಿಕವಾದ ಸುರಕ್ಷತಾ ವೈಶಿಷ್ಟ್ಯಗಳೊಂದಿಗೆ ರೂಪಿಸಲಾಗಿದೆ. ಅಡ್ವಾನ್ಸ್‌ಡ್‌ ಡ್ರೈವರ್ ಅಸಿಸ್ಟೆನ್ಸ್ ವ್ಯವಸ್ಥೆ – ಲೆವೆಲ್‌ 2 ಇದರಲ್ಲಿ ಲಭ್ಯವಿದೆ.
  ಇಂದಿನ ಸ್ಪರ್ಧಾತ್ಮಕ ಮಾರುಕಟ್ಟೆಯಲ್ಲಿ ಕರ್ವ್‌ ಕಾರನ್ನು ಅನಿವಾರ್ಯ ಆಗಿಸುವ ಉದ್ದೇಶದಿಂದ ಟಾಟಾ ಮೋಟರ್ಸ್ ಕಂಪನಿಯು ಈ ವಾಹನದ ಎರಡು ಪೆಟ್ರೋಲ್ ಮಾದರಿಗಳನ್ನು ಹಾಗೂ ಒಂದು ಡೀಸೆಲ್ ಎಂಜಿನ್ ಮಾದರಿಯನ್ನು ಕೂಡ ಮಾರುಕಟ್ಟೆಗೆ ತರಲಿದೆ. 6 ಸ್ಪೀಡ್ ಮ್ಯಾನ್ಯುವಲ್ ಅಥವಾ 7 ಸ್ಪೀಡ್ ಆಟೊಮ್ಯಾಟಿಕ್ ಟ್ರಾನ್ಸ್‌ಮಿಷನ್ ಆಯ್ಕೆಗಳಲ್ಲಿ ಇವು ಲಭ್ಯವಿರಲಿವೆ.