ಅಮೆರಿಕದಲ್ಲಿ ಪಾರ್ಟ್​ ಟೈಮ್​ ಕೆಲಸ ಮಾಡ್ತಿದ್ದ ಭಾರತೀಯ ವಿದ್ಯಾರ್ಥಿ ಸುಲಿಗೆಕೋರರ ಗುಂಡೇಟಿಗೆ ಬಲಿ! Indian student

Indian student : ಅಮೆರಿಕದ ಮಿಲ್ವಾಕೀಯಲ್ಲಿರುವ ಅಂಗಡಿಯೊಂದರ ಮೇಲೆ ಬುಧವಾರ (ಮಾರ್ಚ್​ 05) ಮುಂಜಾನೆ ಸುಲಿಗೆಕೋರರು ನಡೆಸಿದ ಗುಂಡಿನ ದಾಳಿಯಲ್ಲಿ ತೆಲಂಗಾಣದ ರಂಗಾರೆಡ್ಡಿ ಜಿಲ್ಲೆಯ 27 ವರ್ಷದ ವಿದ್ಯಾರ್ಥಿ ಬಲಿಯಾಗಿದ್ದಾನೆ.

ಮೃತ ವಿದ್ಯಾರ್ಥಿಯನ್ನು ಗಂಪಾ ಪ್ರವೀಣ್ ಎಂದು ಗುರುತಿಸಲಾಗಿದೆ. ಈತ ಉನ್ನತ ವ್ಯಾಸಂಗಕ್ಕೆಂದು ಅಮೆರಿಕಕ್ಕೆ ಹೋಗಿದ್ದರು. ಅಧ್ಯಯನದ ನಡುವೆ ಮಿಲ್ವಾಕೀಯಲ್ಲಿರುವ ಅಂಗಡಿಯೊಂದರಲ್ಲಿ ಪಾರ್ಟ್​ ಟೈಮ್​ ಕೆಲಸ ಮಾಡುತ್ತಿದ್ದರು. ಪ್ರವೀಣ್​ ಎರಡನೇ ವರ್ಷದ ಎಂಎಸ್ ಓದುತ್ತಿದ್ದರು.

ನಿನ್ನೆ ಬೆಳಗ್ಗೆ 5 ಗಂಟೆಗೆ ತನ್ನ ಮಗನಿಂದ ವಾಟ್ಸ್​ಆ್ಯಪ್​ ಕರೆ ಬಂದಿತು. ಆದರೆ, ನನ್ನಿಂದ ಉತ್ತರಿಸಲು ಸಾಧ್ಯವಾಗಲಿಲ್ಲ ಎಂದು ಹೇಳುತ್ತಾ ಮೃತ ಪ್ರವೀಣ್​ ಅವರ ತಂದೆ ರಾಘವುಲು ಕಣ್ಣೀರು ಹಾಕಿದ್ದಾರೆ.

ಇದನ್ನೂ ಓದಿ: ಈ ಲಕ್ಷಣಗಳು ಕಂಡುಬಂದಲ್ಲಿ ಹೃದಯದಲ್ಲಿ ಬ್ಲಾಕೇಜ್ ಆಗಿರುವುದು ಖಚಿತ ಎಂದರ್ಥ! ತುಂಬಾ ಜಾಗರೂಕರಾಗಿರಿ… Heart Blockage

ಬೆಳಗ್ಗೆ ಎದ್ದ ನಂತರ, ನಾನು ಮಿಸ್ಡ್ ಕಾಲ್ ನೋಡಿದೆ. ಇದರ ಬೆನ್ನಲ್ಲೇ ನಾನು ಅವನಿಗೆ ವಾಯ್ಸ್​ ಮೆಸೇಜ್​ ಕಳುಹಿಸಿದೆ. ಆದರೆ, ಒಂದು ಗಂಟೆಯ ನಂತರವೂ ಯಾವುದೇ ಪ್ರತಿಕ್ರಿಯೆ ಬರಲಿಲ್ಲ. ಬಳಿಕ ನಾನು ಆತನ ನಂಬರ್​ಗೆ ಕರೆ ಮಾಡಿದೆ, ಆದರೆ ಬೇರೊಬ್ಬರು ಕರೆ ಸ್ವೀಕರಿಸಿದರು. ನನಗೆ ಅನುಮಾನ ಬಂದು ಏನಾದರೂ ಸಂಭವಿಸಿದೆಯೇ ಎಂದು ಯೋಚಿಸುತ್ತಾ ಕರೆಯನ್ನು ಕೊನೆಗೊಳಿಸಿದೆ ಎಂದು ರಾಘವುಲು ಮಾಧ್ಯಮಕ್ಕೆ ತಿಳಿಸಿದ್ದಾರೆ.

ನಾನು ಅವನ ಸ್ನೇಹಿತರನ್ನು ಸಂಪರ್ಕಿಸಿದಾಗ, ಅಂಗಡಿ ಒಂದರಲ್ಲಿ ಪ್ರವೀಣ್​ ಪಾರ್ಟ್​ ಟೈಮ್​ ಕೆಲಸಕ್ಕೆ ಸೇರಿದ್ದನ್ನು ತಿಳಿಸಿದರು. ಅಲ್ಲದೆ, ಅಂಗಡಿಯ ದರೋಡೆಯ ಸಮಯದಲ್ಲಿ, ದರೋಡೆಕೋರರು ಹಾರಿಸಿದ ಗುಂಡು ಅವನಿಗೆ ತಗುಲಿ ಮೃತಪಟ್ಟಿದ್ದಾನೆ ಎಂಬ ಸುದ್ದಿ ಗೊತ್ತಾಯಿತು. ಇದರಿಂದ ನಾನು ಒಂದು ಕ್ಷಣ ಕುಸಿದುಬಿದ್ದೆ ಎಂದು ರಾಘವುಲು ಹೇಳಿದ್ದಾರೆ. (ಏಜೆನ್ಸೀಸ್​)

https://www.vijayavani.net/generic-medicine-for-livestock-soon-implementation-of-changes-to-lhdcp

https://www.vijayavani.net/number-of-billionaire-indians-to-191-6-increase-in-the-number-of-kuberas