ರೈಲ್ವೆ ಮಂಡಳಿ ಪ್ರಥಮ ಮಹಿಳಾ ಸಿಇಒ ಮತ್ತು ಅಧ್ಯಕ್ಷೆ ಜಯ ವರ್ಮಾ ಸಿನ್ಹಾ; 105 ವರ್ಷಗಳ ಇತಿಹಾಸದಲ್ಲಿ ಈ ಹುದ್ದೆ ಅಲಂಕರಿಸಿದ ಮೊದಲಿಗರು!

ನವದೆಹಲಿ: ಮೋದಿ ಸರ್ಕಾರದಲ್ಲಿ ಪ್ರಥಮ ಬಾರಿಗೆ ಮಹಿಳಾ ಅಧಿಕಾರಿಯೊಬ್ಬರನ್ನು ರೈಲ್ವೆ ಮಂಡಳಿ ಅಧ್ಯಕ್ಷರನ್ನಾಗಿ ಮಾಡಲಾಗುತ್ತಿದೆ. ಹೌದು, ರೈಲ್ವೆ ಮಂಡಳಿಯ ಕಾರ್ಯಾಚರಣೆ ಮತ್ತು ವ್ಯವಹಾರ ಅಭಿವೃದ್ಧಿ ಸದಸ್ಯೆ ಜಯ ವರ್ಮಾ ಸಿನ್ಹಾ ಅವರು ರೈಲ್ವೆ ಮಂಡಳಿಯ ಅಧ್ಯಕ್ಷ ಸ್ಥಾನದ ರೇಸ್‌ನಲ್ಲಿ ಮುನ್ನಡೆ ನಾಧಿಸಿದ್ದಾರೆ.

ಪ್ರಸ್ತುತ ರೈಲ್ವೆ ಮಂಡಳಿ ಅಧ್ಯಕ್ಷ ಅನಿಲ್‌ ಕುಮಾರ್‌ ಲಹೋಟಿ ಅವರ ಅಧಿಕಾರಾವಧಿ ಪೂರ್ಣಗೊಳ್ಳಲಿದೆ. ಈ ಕುರಿತು ರೈಲ್ವೆಯು ಆದ್ಯತೆಯ ಆಧಾರದ ಮೇಲೆ ನಾಲ್ಕು ಜನರ ಫಲಕವನ್ನು ಸಿದ್ಧಪಡಿಸಿತ್ತು. ಈ ಸಮಿತಿಗೆ ಜಯ ವರ್ಮಾ ಸಿನ್ಹಾ ಅವರನ್ನು ಅಧ್ಯಕ್ಷರನ್ನಾಗಿ ಮಾಡಲು ಮೋದಿ ಸರ್ಕಾರ ಬಹುತೇಕರ ಮುದ್ರೆ ಬಿದ್ದಿದೆ. ರೈಲ್ವೆ ಸಚಿವಾಲಯದ 105 ವರ್ಷಗಳ ಇತಿಹಾಸದಲ್ಲಿ ಈ ಹುದ್ದೆಯನ್ನು ಅಲಂಕರಿಸಿದ ಮೊದಲ ಮಹಿಳೆ ಎಂಬ ಹೆಗ್ಗಳಿಕೆಗೂ ಪಾತ್ರರಾಗಿದ್ದಾರೆ. ಬಾಲನೋರ್‌ನಲ್ಲಿ ಕೋರಮಂಡಲ್ ಎಕ್ಸ್‌ಪ್ರೆಸ್ ಅಪಘಾತದ ಸಂದರ್ಭದಲ್ಲಿ, ಜಯ ವರ್ಮಾ ಸಿನ್ಹಾ ಅವರು ಇಡೀ ಘಟನೆಯ ಬಗ್ಗೆ ವಿವರವಾದ ಮಾಹಿತಿಯನ್ನು ನೀಡಿದ್ದರು. ಈ ಘಟನೆಗೆ ಸಂಬಂಧಿಸಿದಂತೆ ಜಯ ವರ್ಮಾ ಸಿನ್ಹಾ ಅವರು ಪಿಎಂಒದಲ್ಲಿ ಪವರ್ ಪ್ರಸೆಂಟೇಶನ್ ಕೂಡ ನೀಡಿದ್ದರು.

ಈ ಅವಧಿಯಲ್ಲಿ ಅವರ ಕಾರ್ಯಶೈಲಿಯನ್ನು ಪ್ರಶಂಸಿಸಲಾಯಿತು. ಇದೀಗ ಈ ಮಹಿಳಾ ಅಧಿಕಾರಿಯನ್ನು ನಂಬಿ ರೈಲ್ವೇ ಕ್ಷೇತ್ರದಲ್ಲಿ ಉತ್ತಮ ಕೆಲಸ ಮಾಡಲು ಸರಕಾರ ಮುಂದಾಗಿದ್ದು, ರೈಲ್ವೆ ಮಂಡಳಿ ಅಧ್ಯಕ್ಷರನ್ನಾಗಿ ಮಾಡಲು ಸರಕಾರ ಸಿದ್ಧತೆ ನಡೆಸಿದೆ. ರಕ್ಷಾಬಂಧನದಂದು ಮೋದಿ ಸರ್ಕಾರದಿಂದ ಜಯ ವರ್ಮಾ ಸಿನ್ಹಾ ಅವರಿಗೆ ರೈಲ್ವೆ ಮಂಡಳಿ ಅಧ್ಯಕ್ಷ ಹುದ್ದೆಯ ಉಡುಗೊರೆ ಸಿಗಬಹುದು ಎಂದು ನಂಬಲಾಗಿದೆ.

ಜಯ ವರ್ಮಾ ಸಿನ್ಹಾ ಯಾರು?

ಜಯ ವರ್ಮಾ ಸಿನ್ಹಾ ಅವರು ಅಲಹಾಬಾದ್ ವಿಶ್ವವಿದ್ಯಾಲಯದಲ್ಲಿ ತಮ್ಮ ಅಧ್ಯಯನವನ್ನು ಪೂರ್ಣಗೊಳಿಸಿದ್ದಾರೆ. ನಂತರ, 1988 ರಲ್ಲಿ ಭಾರತೀಯ ರೈಲ್ವೆ ಸಂಚಾರ ಸೇವೆಗೆ (IRTS) ಸೇರಿದರು. ಆಗ್ನೆಯ ರೈಲ್ವೆ, ಉತ್ತರ ರೈಲ್ವೆ, ಪೂರ್ವ ರೈಲ್ವೆ ಸೇರಿದಂತೆ ಹಲವು ಪ್ರಮುಖ ಹುದ್ದೆಗಳಿಗೆ ಕೊಡುಗೆ ನೀಡಿದ್ದಾರೆ. ಜಯ ವರ್ಮಾ ಸಿನ್ಹಾ ಅವರು ಪೂರ್ವ ರೈಲ್ವೆಯ ಸೀಲ್ದಾ ವಿಭಾಗದಲ್ಲಿ ಡಿಆ‌ರ್​​​ಎಂ ಹುದ್ದೆಯಲ್ಲಿ ಕೆಲಸ ಮಾಡಿದ್ದಾರೆ. ಇದಲ್ಲದೆ, ಅವರು ಆಗ್ನೇಯ ರೈಲ್ವೆಯಲ್ಲಿ ಮುಖ್ಯ ವಾಣಿಜ್ಯ ವ್ಯವಸ್ಥಾಪಕಿಯೂ ಆಗಿದ್ದಾರೆ.

ಜಯ ವರ್ಮಾ ಸಿನ್ಹಾ ಅವರು ನಾಲ್ಕು ವರ್ಷಗಳ ಕಾಲ ಬಾಂಗ್ಲಾದೇಶದ ಢಾಕಾದಲ್ಲಿರುವ ಭಾರತೀಯ ಹೈಕಮಿಷನ್‌ನಲ್ಲಿ ರೈಲ್ವೆ ಸಲಹೆಗಾರರಾಗಿದ್ದರು. ಇವರ ಅಧಿಕಾರಾವಧಿಯಲ್ಲಿ ಕೋಲ್ಕತ್ತಾದಿಂದ ಢಾಕಾವರೆಗೆ ಮೈತ್ರಿ ಎಕ್ಸ್‌ಪ್ರೆಸ್ ಅನ್ನು ಉದ್ಘಾಟಿಸಲಾಯಿತು. ಈಗ ರೈಲ್ವೆಯಲ್ಲಿ ಹಲವು ಮಹತ್ವದ ಹುದ್ದೆಗಳಿಗೆ ಕೊಡುಗೆ ನೀಡಿರುವ ಜಯ ವರ್ಮಾ ಸಿನ್ಹಾ ಅವರು ರೈಲ್ವೆ ಮಂಡಳಿಯ ಅಧ್ಯಕ್ಷರಾದರೆ ಏನೆಲ್ಲಾ ಕಾರ್ಯ ಕೈಗೊಳ್ಳಬಹುದು ಕಾದು ನೋಡಬೇಕಿದೆ.

https://www.vijayavani.net/woman-teaches-her-children-while-selling-fruit-near-roadside