ಭಾರತ ಮೂಲದ ದಂಪತಿ, ಮಗು ಲಂಡನ್​ನಲ್ಲಿ ಸಾವು; ಅನುಮಾನ ಹುಟ್ಟಿಸಿದ ಪಕ್ಕದ ಮನೆಯವರ ಹೇಳಿಕೆ

ಭಾರತ ಮೂಲದ ದಂಪತಿ ಹಾಗೂ ಅವರ ಮೂರು ವರ್ಷದ ಮಗು ಲಂಡನ್​ನಲ್ಲಿ ಮೃತಪಟ್ಟಿದ್ದಾರೆ. ಪಶ್ಚಿಮ ಲಂಡನ್​ನ ಬ್ರೆಂಟ್​ಫೋರ್ಡ್​​ನಲ್ಲಿರುವ ಅವರ ನಿವಾಸದಲ್ಲಿಯೇ ಮೂವರ ಶವವೂ ಪತ್ತೆಯಾಗಿದ್ದು, ಪೊಲೀಸರು ಇದೊಂದು ಕೊಲೆ ಅಥವಾ ಆತ್ಮಹತ್ಯೆ ಎಂದು ಹೇಳಿದ್ದಾರೆ.

ತಮಿಳಿಗರಾದ ಕುಹಾ ರಾಜ್ ಸೀತಂಪರನಾಥನ್ (42), ಪತ್ನಿ ಕಾಮೇಶ್ವರಿ ಶಿವರಾಜ್ (ಪೂರ್ಣಾ- (36) ಮತ್ತು ಮಗ ಕೈಲಾಶ್ ಕುಹಾ ರಾಜ್ (3) ಮೃತರು. ಕಾಮೇಶ್ವರಿ ಹಾಗೂ ಕೈಲಾಶ್​​ನನ್ನು ಸೆ.21ರಂದು ನೋಡಿದ್ದೇ ಕೊನೆ. ಕಡೆಗೆ ಎಲ್ಲೂ ಕಾಣಿಸಲೇ ಇಲ್ಲ ಎಂದು ಅವರ ನೆರೆಮನೆಯವರು ಪೊಲೀಸರಿಗೆ ತಿಳಿಸಿದ್ದಾರೆ. ಈ ಹೇಳಿಕೆಗಳು ಇನ್ನೂ ಅನುಮಾನಕ್ಕೆ ಕಾರಣವಾಗಿದೆ. ಇದನ್ನೂ ಓದಿ: ಹಾಥರಸ್​ ಗ್ಯಾಂಗ್​ ರೇಪ್​: ಗ್ರಾಮಕ್ಕೆ ಭೇಟಿ ನೀಡಿದ್ದ ಆಪ್​ ಶಾಸಕನ ವಿರುದ್ಧ ಪ್ರಕರಣ ದಾಖಲು

ಪೊಲೀಸರು ಸೋಮವಾರ ರಾತ್ರಿ ಮನೆಯ ಬಾಗಿಲು ಒಡೆದು, ಮೃತದೇಹವನ್ನು ಹೊರಗೆ ತೆಗೆದಿದ್ದಾರೆ. ಇವರಲ್ಲಿ ಕುಹಾ ರಾಜ್​ ಮೈಮೇಲೆ ಹಲವು ಕಡೆಗಳಲ್ಲಿ ಇರಿದ ಗಾಯಗಳಿವೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ. ಸದ್ಯ ಪ್ರಕರಣ ದಾಖಲಿಸಿಕೊಂಡಿರುವ ಲಂಡನ್​ ಪೊಲೀಸರು ಸಾಕ್ಷಿಗಳನ್ನು ಕಲೆ ಹಾಕುತ್ತಿದ್ದಾರೆ. ತನಿಖೆ ನಡೆಸುತ್ತಿದ್ದಾರೆ. (ಏಜೆನ್ಸೀಸ್​)

https://www.vijayavani.net/jdu-releases-list-of-115-candidates/