ಭಾರತೀಯ ಆರ್ಥಿಕತೆ 7%ಕ್ಕಿಂತ ಹೆಚ್ಚು ಬೆಳವಣಿಗೆ: ಎನ್​ಸಿಎಇಆರ್​ ಭವಿಷ್ಯ

ನವದೆಹಲಿ: ಸಾಮಾನ್ಯ ಮುಂಗಾರು ನಿರೀಕ್ಷೆಗಳು ಮತ್ತು ಇದುವರೆಗೆ ತಿಳಿದಿರುವ ಯಾವುದೇ ಜಾಗತಿಕ ಅಪಾಯಗಳ ಅನುಪಸ್ಥಿತಿಯ ಹಿನ್ನೆಲೆಯಲ್ಲಿ ಪ್ರಸಕ್ತ ಹಣಕಾಸು ವರ್ಷದಲ್ಲಿ ಭಾರತದ ಆರ್ಥಿಕತೆಯು ಶೇ. 7ಕ್ಕಿಂತ ಹೆಚ್ಚಾಗಲಿದ್ದು, ಶೇ. 7.5ಕ್ಕೆ ಸಮೀಪಸಬಹುದಾಗಿದೆ ಎಂದು ಆರ್ಥಿಕ ಚಿಂತಕರ ಚಾವಡಿ ಎನ್​ಸಿಎಇಆರ್​ ತನ್ನ ಮಾಸಿಕ ವಿಮರ್ಶೆಯಲ್ಲಿ ಹೇಳಿದೆ.

"2024-25 ರ ಅವಧಿಯಲ್ಲಿ ಜಿಡಿಪಿ ಬೆಳವಣಿಗೆಯು ಶೇ. 7ಕ್ಕಿಂತ ಹೆಚ್ಚು ಮತ್ತು ಶೇ 7.5ಕ್ಕೆ ಹತ್ತಿರವಾಗಬಹುದು" ಎಂದು ಎನ್​ಸಿಎಇಆರ್​ ಮಹಾ ನಿರ್ದೇಶಕಿ ಪೂನಂ ಗುಪ್ತಾ ಹೇಳಿದ್ದಾರೆ. ಮೊದಲ ತ್ರೈಮಾಸಿಕದಲ್ಲಿ ಕಂಡುಬಂದ ಆರ್ಥಿಕ ಚಟುವಟಿಕೆಯಲ್ಲಿನ ಹೆಚ್ಚಳ, ಹೂಡಿಕೆ, ಬೆಳವಣಿಗೆ, ಸ್ಥೂಲ ಆರ್ಥಿಕ ಸ್ಥಿರತೆ ಮತ್ತು ಸಾಮಾನ್ಯ ಮುಂಗಾರು ನಿರೀಕ್ಷೆಗಳ ಮೇಲೆ ತೀಕ್ಷ್ಣವಾದ ನೀತಿ ಗಮನಹರಿಸುವಿಕೆಯನ್ನು ಈ ಅಂದಾಜು ಆಧರಿಸಿದೆ ಎಂದು ಗುಪ್ತಾ ತಿಳಿಸಿದ್ದಾರೆ.

ಹಣದುಬ್ಬರವು ಉತ್ತುಂಗಕ್ಕೇರಿರುವುದರಿಂದ, ವಿತ್ತೀಯ ನೀತಿಯನ್ನು ಇನ್ನಷ್ಟು ಬಿಗಿಗೊಳಿಸುವುದು ಅಸಂಭವವಾಗಿದೆ. ಆಹಾರದ ಬೆಲೆಗಳನ್ನು ಪಳಗಿಸುವುದು ಸವಾಲಾಗಿ ಉಳಿದಿದೆ ಎಂದು ಗುಪ್ತಾ ಹೇಳಿದರು.

ಈ ತಿಂಗಳ ಆರಂಭದಲ್ಲಿ, ಭಾರತೀಯ ರಿಸರ್ವ್ ಬ್ಯಾಂಕ್ 2024-25ರ ಹಣಕಾಸು ವರ್ಷದ ಜಿಡಿಪಿ ಬೆಳವಣಿಗೆ ದರವನ್ನು ಶೇ. 7.2ಕ್ಕೆ ನಿಗದಿಪಡಿಸಿದೆ. ಚಿಲ್ಲರೆ ಹಣದುಬ್ಬರವು ಮೇ ತಿಂಗಳಲ್ಲಿ 12 ತಿಂಗಳ ಕನಿಷ್ಠ ಮಟ್ಟವಾದ ಶೇ. 4.7ಕ್ಕೆ ಇಳಿದಿದೆ. ಆದರೂ ಆಹಾರ ಹಣದುಬ್ಬರವು ಹೆಚ್ಚಿನ ಮಟ್ಟದಲ್ಲಿದೆ.

https://www.vijayavani.net/5g-spectrum-auction-concludes-with-rs-11300-crore-in-telecom-bids

https://www.vijayavani.net/section-80c-limit-now-rs-1-5-lakh-increase-expected-in-budget