ತಾಲಿಬಾನ್​ ಆತಂಕ: ಕಂದಹಾರ್​ನ ಭಾರತೀಯ ದೂತಾವಾಸ ತೆರವು

ಕಂದಹಾರ್​​ : ಆಫ್ಘಾನಿಸ್ತಾನದ ಹೊಸ ಪ್ರದೇಶಗಳನ್ನು ತಾಲಿಬಾನ್ ತನ್ನ ನಿಯಂತ್ರಣಕ್ಕೆ ತೆಗೆದುಕೊಳ್ಳುತ್ತಿರುವ ಹಿನ್ನೆಲೆಯಲ್ಲಿ, ಭಾರತ, ಕಂದಹಾರ್​ನಲ್ಲಿರುವ ತನ್ನ ದೂತಾವಾಸ(ಕಾನ್ಸುಲೇಟ್​)ದ ಸುಮಾರು 50 ಡಿಪ್ಲೋಮಾಟ್​ಗಳು ಮತ್ತು ಭದ್ರತಾ ಸಿಬ್ಬಂದಿಯನ್ನು ವಾಪಸ್​ ಕರೆಸಿಕೊಳ್ಳುತ್ತಿದೆ ಎನ್ನಲಾಗಿದೆ.

ಐಎಎಫ್​ನ ವಿಶೇಷ ವಿಮಾನವೊಂದನ್ನು ಶನಿವಾರ ಕಂದಹಾರ್​ಗೆ ಕಳುಹಿಸಲಾಗಿದ್ದು, ಅಲ್ಲಿರುವ ಭಾರತೀಯ ಡಿಪ್ಲೋಮ್ಯಾಟ್​ಗಳು, ಅಧಿಕಾರಿಗಳು, ಸಿಬ್ಬಂದಿ ಹಾಗೂ ಇಂಡೋಟಿಬೆಟನ್ ಬಾರ್ಡರ್​ ಪೊಲೀಸರ ತಂಡವನ್ನು ತೆರವುಗೊಳಿಸಲಾಗುವುದು. ಭಾರತೀಯ ಕಾನ್ಸುಲೇಟನ್ನು ತಾತ್ಕಾಲಿಕವಾಗಿ ಮುಚ್ಚಲಾಗುವುದು ಎಂದು ವಿದೇಶಾಂಗ ಸಚಿವಾಲಯದ ಮೂಲಗಳು ತಿಳಿಸಿವೆ.

ಇದನ್ನೂ ಓದಿ: ಕೋವಿಡ್ ನಿಯಮ ಮರೆತು ಮಧ್ಯರಾತ್ರಿ ಪಾರ್ಟಿ! 37 ಜನರ ಬಂಧನ

ಅಮೆರಿಕವು ತನ್ನ ಪಡೆಗಳನ್ನು ಆಗಸ್ಟ್​ ವೇಳೆಗೆ ಹಿಂತೆಗೆಯುವ ಬಗ್ಗೆ ಚಿಂತಿಸುತ್ತಿರುವಂತೆಯೇ, ಹಲವು ಆತಂಕವಾದಿ ದಾಳಿಗಳು ನಡೆಯುತ್ತಿವೆ. ಅಫ್ಘಾನಿಸ್ತಾನದ 421 ಜಿಲ್ಲೆಗಳು ಮತ್ತು ಜಿಲ್ಲಾ ಕೇಂದ್ರಗಳಲ್ಲಿ ಒಂದನೇ ಮೂರರಷ್ಟು ಪ್ರದೇಶಗಳನ್ನು ಈಗ ತಾಲಿಬಾನ್ ನಿಯಂತ್ರಿಸುತ್ತಿದೆ ಎನ್ನಲಾಗಿದೆ. (ಏಜೆನ್ಸೀಸ್)

https://www.vijayavani.net/up-gears-up-to-control-population-target-to-reduce-birth-rate-by-2026/

https://www.vijayavani.net/thief-targets-twowheelers-parked-in-front-of-houses-caught/