ಚೀನಾದಲ್ಲಿರುವ ಭಾರತೀಯ ರಾಯಭಾರ ಕಚೇರಿಯು ವೈಬೊದಲ್ಲಿ ಮಾಡಿದ ಪೋಸ್ಟ್ನ್ನು ಚೀನಾದ ಮಾಧ್ಯಮ 'ದಿ ಗ್ಲೋಬಲ್ ಟೈಮ್ಸ್' ಹಂಚಿಕೊಂಡಿದ್ದು, 2025ರ ಜುಲೈ 24ರಿಂದ ಚೀನಾದ ನಾಗರಿಕರು ಭಾರತಕ್ಕೆ ಭೇಟಿ ನೀಡಲು ಪ್ರವಾಸಿ ವೀಸಾಕ್ಕೆ ಅರ್ಜಿ ಸಲ್ಲಿಸಬಹುದು. ಮೊದಲು ವೆಬ್ ಲಿಂಕ್ ಆದ ಆನ್ಲೈನ್ನಲ್ಲಿ ವೀಸಾ ಅರ್ಜಿ ಅಪ್ಲಿಕೇಶನ್ ಅನ್ನು ಭರ್ತಿ ಮಾಡಿ, ಅದನ್ನು ಪ್ರಿಂಟ್ ತೆಗೆದುಕೊಳ್ಳಬೇಕು. ನಂತರ ವೆಬ್ ಲಿಂಕ್ನಲ್ಲಿ ಅಪಾಯಿಂಟ್ಮೆಂಟ್ ಪಡೆಯಬೇಕು. ಚೀನಾದ ನಾಗರಿಕರು ಭಾರತೀಯ ವೀಸಾ ಅರ್ಜಿ ಕೇಂದ್ರದಲ್ಲಿ ಅರ್ಜಿಯನ್ನು ಸಲ್ಲಿಸಲು ಪಾಸ್ಪೋರ್ಟ್, ವೀಸಾ ಅರ್ಜಿ ನಮೂನೆ ಮತ್ತು ಇತರ ಸಂಬಂಧಿತ ದಾಖಲೆಗಳನ್ನು ತಗೆದುಕೊಂಡ ಬರಬೇಕು ಎಂದು ಭಾರತೀಯ ರಾಯಭಾರ ಕಚೇರಿ ಹೊರಡಿಸಿದ ಪೋಸ್ಟ್ನಲ್ಲಿ ತಿಳಿಸಲಾಗಿದೆ.
