ಭಾರತದಲ್ಲಿ ಒಂದೇ ದಿನ 3,824 ಕೋವಿಡ್ ಕೇಸ್; ಇದು ಈ ವರ್ಷದಲ್ಲೇ ಒಂದು ದಿನದ ಅತ್ಯಧಿಕ ಪ್ರಕರಣ

ಬೆಂಗಳೂರು: ರಾಜ್ಯದಲ್ಲಿ ಒಂದೆಡೆ ಚುನಾವಣೆ ಕಾವೇರುತ್ತಿದ್ದರೆ, ಮತ್ತೊಂದೆಡೆ ದೇಶದಲ್ಲಿ ಕೋವಿಡ್​ ಸೋಂಕಿನ ಪ್ರಕರಣಗಳಲ್ಲಿ ಏರಿಕೆ ಆಗುತ್ತಿದೆ. ಅದರಲ್ಲೂ ಈ ವರ್ಷದಲ್ಲೇ ಇದುವರೆಗಿನ ಒಂದು ದಿನದ ಅತ್ಯಧಿಕ ಪ್ರಕರಣ ಎನಿಸಿಕೊಂಡಿದೆ.

ಭಾನುವಾರದ ಅಂಕಿ-ಅಂಶದ ಪ್ರಕಾರ ದೇಶದಲ್ಲಿ ಒಂದೇ ದಿನದಲ್ಲಿ 3,824 ಕೋವಿಡ್ ಪ್ರಕರಣ ಪತ್ತೆಯಾಗಿದ್ದು, ಇದು ಕಳೆದ ಆರು ತಿಂಗಳಲ್ಲಿ ಅರ್ಥಾತ್ 184 ದಿನಗಳಲ್ಲಿ ಗರಿಷ್ಠ ಎನಿಸಿಕೊಂಡಿದೆ. ಇದರೊಂದಿಗೆ ದೇಶದಲ್ಲಿ ಒಟ್ಟು ಕೋವಿಡ್​ ಕೇಸ್​ಗಳ ಸಂಖ್ಯೆ 4,47,22,605ಕ್ಕೆ ತಲುಪಿದಂತಾಗಿದೆ.

ಇದನ್ನೂ ಓದಿ: ಪ್ಯಾನ್​-ಆಧಾರ್ ಲಿಂಕ್ ಗಡುವು ವಿಸ್ತರಣೆ: ನೀವೀಗ ಮಾಡಬೇಕಾದ್ದೇನು?

ಅದಾಗ್ಯೂ ಸಕ್ರಿಯ ಪ್ರಕರಣಗಳ ಸಂಖ್ಯೆ 18,389 ಆಗಿದೆ. ಅಂದಹಾಗೆ ಸಕ್ರಿಯ ಪ್ರಕರಣಗಳ ಸಂಖ್ಯೆ ದೇಶದಲ್ಲಿನ ಒಟ್ಟು ಸೋಂಕಿನ ಶೇ. 0.04 ಆಗಿದೆ. ಮತ್ತೊಂದೆಡೆ ಶೇ. 98.77 ಮಂದಿ ಸೋಂಕಿನಿಂದ ಗುಣಮುಖರಾಗಿದ್ದಾರೆ ಎಂದು ಆರೋಗ್ಯ ಸಚಿವಾಲಯ ಹೇಳಿದೆ.

https://www.vijayavani.net/here-is-the-school-childrens-new-time-table/

https://www.vijayavani.net/man-left-home-to-goa-after-quarrel-with-wife-but-on-the-way-he-caught-by-police/