ಇರಾನ್​​ನಿಂದ ತನ್ನ ಪ್ರಜೆಗಳನ್ನು ಕರೆತರಲು 'ಆಪರೇಷನ್​​ ಸಿಂಧು' ಆರಂಭಿಸಿದ ಭಾರತ | Operation Sindu

Operation Sindu: ಇಸ್ರೇಲ್​- ಇರಾನ್​​ ನಡುವೆ ಆರು ದಿನಗಳಿಂದ ಸಂಘರ್ಷ ಭಾರೀ ಉಲ್ಬಣಗೊಳ್ಳುತ್ತಿದ್ದು, ದಿನೇದಿನೆ ಸಾವಿಜ ಸಂಖ್ಯೆಗಳು ಆಧಿಕವಾಗುತ್ತಿದೆ. ಸದ್ಯಕ್ಕೆ ಸಂಘರ್ಷ ನಿಲ್ಲುವ ಯಾವುದೇ ಲಕ್ಷಣಗಳು ಕಾಣುತ್ತಿಲ್ಲ. ಹೀಗಾಗಿ, ಇರಾನ್​ನಲ್ಲಿ ನೆಲೆಸಿರುವ ಭಾರತೀಯರನ್ನು ಕರೆ ತರುವ ಕಾರ್ಯಚರಣೆ ಆರಂಭಾವಾಗಿದ್ದು, ಅದಕ್ಕೆ ಆಪರೇಷನ್​​ ಸಿಂಧು ಎಂದು ನಾಮಕಾರಣ ಮಾಡಲಾಗಿದೆ.

ಇದನ್ನೂ ಓದಿ:ಅಖಿಲ ಭಾರತೀಯ ಗ್ರಾಹಕ ಪಂಚಾಯತ್ ಕಾರ್ಯಕಾರಿಣಿ; ಕರ್ನಾಟಕ ಪ್ರಾಂತ ಪ್ರತಿನಿಧಿತ್ವ

110 ಭಾರತೀಯ ವಿದ್ಯಾರ್ಥಿಗಳನ್ನು ಹೊತ್ತ ವಿಮಾನ(ಆಪರೇಷನ್​​ ಸಿಂಧು) ಉತ್ತರ ಇರಾನ್‌ನಿಂದ ಯಶಸ್ವಿಯಾಗಿ ಸ್ಥಳಾಂತರಿಸಿ ಅರ್ಮೇನಿಯಾಗೆ ಸಾಗಿಸಲಾಗಿದೆ. ಜೂ.19ರ ಮುಂಜಾನೆ ವಿಮಾನವು ದೆಹಲಿಗೆ ಬರಲಿದೆ ಎಂದು ವಿದೇಶಾಂಗ ಸಚಿವಾಲಯ (MEA) ಮಂಗಳವಾರ ಪ್ರಕಟಿಸಿದೆ.

ಇದನ್ನೂ ಓದಿ:ಭ್ರಷ್ಟ ಲೋಕಾಯುಕ್ತ ಅಧಿಕಾರಿಗಳಿಗೆ ಶಿಕ್ಷೆ ಕೊಡಿಸಿ; ಕೆಆರ್‌ಎಸ್ ಕಾರ್ಯಕರ್ತರ ಆಗ್ರಹ

ಸಾಧ್ಯವಿರುವ ಎಲ್ಲ ಸಹಾಯವನ್ನು ನೀಡುವ ಉದ್ದೇಶದಿಂದ ಭಾರತೀಯ ರಾಯಭಾರ ಕಚೇರಿಯು ಸಮುದಾಯದೊಂದಿಗೆ ನಿರಂತರವಾಗಿ ಸಂಪರ್ಕದಲ್ಲಿದೆ ಎಂದು ಸಚಿವಾಲಯ ಹೇಳಿಕೆಯಲ್ಲಿ ತಿಳಿಸಿದೆ.

ಸಂಪರ್ಕಕ್ಕೆ ಕರೆ ಮಾಡಬಹುದು

ಇರಾನ್ ಮತ್ತು ಇಸ್ರೇಲ್‌ನಲ್ಲಿ ನಡೆಯುತ್ತಿರುವ ಬೆಳವಣಿಗೆಗಳನ್ನು ಗಮನದಲ್ಲಿಟ್ಟುಕೊಂಡು ಸಚಿವಾಲಯದಲ್ಲಿ 24×7 ನಿಯಂತ್ರಣ ಕೊಠಡಿಯನ್ನು ಸ್ಥಾಪಿಸಲಾಗಿದೆ ಎಂದು ವಿದೇಶಾಂಗ ವ್ಯವಹಾರಗಳ ಸಚಿವಾಲಯ ತಿಳಿಸಿದೆ. ನಿಯಂತ್ರಣ ಕೊಠಡಿಯ ಸಂಪರ್ಕ ವಿವರಗಳು: 1800118797 (ಟೋಲ್-ಫ್ರೀ), +91-11-23012113, +91-11-23014104, +91-11-23017905, +91-9968291988 (ವಾಟ್ಸಾಪ್), situationroom@mea.gov.in.(ಏಜೆನ್ಸೀಸ್​)

https://www.vijayavani.net/america-may-attack-iran-or-may-not-donald-trump-warns-iran

https://www.vijayavani.net/israel-iran-conflict-iran-will-not-surrender-under-any-circumstances-khamenei-warns-trump-khamenei