ಲಡಾಖ್​ನ ಅಂತಾರಾಷ್ಟ್ರೀಯ ಗಡಿಯಲ್ಲಿ ಭಾರತ- ಚೀನಾ ಸೇನಾ ತುಕಡಿ ಹಿಂತೆಗೆತ ಪೂರ್ಣ..! India-China military withdraw

ದೆಹಲಿ: ಲಡಾಖ್​ನ ಡೆಪ್ಸಾಂಗ್​ ಮತ್ತು ಡೆಮ್​ಚೋಕ್ ಅಂತಾರಾಷ್ಟ್ರೀಯ ಗಡಿ ಬಳಿ ನಾಲ್ಕು ವರ್ಷಗಳಿಂದ ಹಾಕಲಾಗಿದ್ದ ಸೇನೆ ತುಕಡಿಗಳನ್ನು ಭಾರತ ಮತ್ತು ಚೀನಾ ವಾಪಸ್​(India-China military withdraw) ಪಡೆದುಕೊಳ್ಳುವ ಪ್ರಕ್ರಿಯೆ ಇಂದು (ಅ.29) ಪೂರ್ಣಗೊಳ್ಳುವ ಸಾಧ್ಯತೆ ಇದೆ ಎಂದು ಸೇನಾ ವರದಿ ತಿಳಿಸಿದೆ.

ಎರಡು ಪ್ರದೇಶಗಳಲ್ಲಿ ತಾತ್ಕಾಲಿಕವಾಗಿ ಹಾಕಲಾಗಿದ್ದ ಶೆಡ್​ ಮತ್ತು ಇನ್ನಿತರ ಚಟುವಟಿಕೆಗಳನ್ನು ಹಿಂದೆಗೆದುಕೊಳ್ಳುವ ಕಾರ್ಯ ಬಹುತೇಕ ಮುಗಿದಿದೆ. ಇದನ್ನು ಎರಡು ಕಡೆಗಳಲ್ಲಿ ಪೂರ್ಣ ಪ್ರಮಾಣದ ಪರಿಶೀಲನೆ ಕೂಡ ಮಾಡಲಾಗಿದೆ. ಕೆಲ ದಿನಗಳ ನಂತರ ಸಹಜ ಸ್ಥಿತಿಗೆ ತಲುಪಲಿದೆ.

ಚೀನಾ- ಭಾರತ ತಮ್ಮ ತಮ್ಮ ಸೇನಾ ತುಕಡಿಗಳನ್ನು ಹಿಂತೆಗೆದುಕೊಳ್ಳುವ ಕಾರ್ಯ ಮೊದಲನೇ ಹೆಜ್ಜೆಯಾಗಿದೆ.ಗಸ್ತು ನಡೆಸುವ ಪ್ರಕ್ರಿಯೆ ಅಂತಿಮವಾಗಿ, 2020ರ ಏಪ್ರಿಲ್​ಗಿಂತ ಮುಂಚೆ ಇದ್ದ ಸ್ಥಿತಿಗೆ ಮರಳಲಿದೆ ಎಂದು ಇತ್ತಿಚೀಗೆ ವಿದೇಶಾಂಗ ಸಚಿವ ಜೈಶಂಕರ್​ ಹೇಳಿದ್ದರು.

ರಷ್ಯಾದ ಕಜಾನ್​ನಲ್ಲಿ ನಡೆದ ಬ್ರಿಕ್ಸ್​ ಶೃಂಗಸಭೆಯಲ್ಲಿ ಭಾಗವಹಿಸಿದ್ದ ಪ್ರಧಾನಿ ನರೇಂದ್ರ ಮೋದಿ ಮತ್ತು ಚೀನಾ ಅಧ್ಯಕ್ಷ ಷಿ ಜಿನ್​ಪಿಂಗ್​, ಸೇನಾ ತುಕಡಿ ಹಿಂತೆಗೆತ ಸೇರೆದಂತೆ ಗಡಿಯಲ್ಲಿನ ಸಮಸ್ಯೆಗಳ ಇತ್ಯಾರ್ಥಕ್ಕೆ ಒಪ್ಪಂದ ಮಾಡಿಕೊಂಡಿದ್ದರು.ಈ ಹಿನ್ನೆಲೆಯಲ್ಲಿ ಭಾರತ ಮತ್ತು ಚೀನಾ ಗಡಿಗಳಲ್ಲಿ ಬೀರುಸಿನ ಕಾರ್ಯ ಚಟುವಟಿಕೆಗಳು ನಡೆಯುತ್ತಿವೆ ಎಂದು ಮೂಲಗಳು ತಿಳಿಸಿವೆ.

4 ವರ್ಷಗಳ ಹಿಂದೆ ಚೀನೀಯರ ಅತಿಕ್ರಮ

4 ವರ್ಷಗಳ ಹಿಂದೆ (2020 ರ ಏಪ್ರಿಲ್​ ಬಳಿಕ) ಚೀನಾ ಸೇನಾ ತುಕಡಿಗಳು ಡೆಪ್ಸಾಂಗ್​ ಮತ್ತು ಡೆಮ್​ಚೋಕ್ ಪ್ರದೇಶಗಳಲ್ಲಿ ಅತಿಕ್ರಮ ಮಾಡಿ, ಇದು ನಮ್ಮ ಪ್ರದೇಶ ಎಂದು ಭಾರತ ಸೇನಾದೊಂದಿಗೆ ಚಕಾಮಕಿ ನಡೆದಿತ್ತು. ಅಲ್ಲಿಂದ, ಎರಡು ದೇಶದ ಸಹಸ್ರ ಸೇನಾ ತುಕಡಿಗಳು ನೆಲೆಯೂರಿತ್ತು. ಹೀಗಾಗಿ, ಚೀನಾ ಮತ್ತು ಭಾರತ ನಡುವೆ ಅನಿಶ್ಚಿತ ಪರಿಸ್ಥಿತಿ ಮೂಡಿತ್ತು. ಈ ಆಡಚರಣೆಯಿಂದ ಡೆಪ್ಸಾಂಗ್​ ಮತ್ತು ಡೆಮ್​ಚೋಕ್ ಪ್ರದೇಶಗಳಲ್ಲಿ ಭಾರತೀಯ ಸೇನಾ ಪಡೆಗಳು ಗಸ್ತು ತಿರುಗಲು ಭಾರಿ ಸಮಸ್ಯೆಯಾಗಿದೆ. ಸೇನಾ ವಾಪಸ್​ ಪ್ರಕ್ರಿಯೆಯಿಂದ ಈ ಸಮಸ್ಯೆ ತಿಳಿಗೊಳ್ಳುವ ನಿರೀಕ್ಷೆ ಮೂಡಿದೆ.(ಏಜೆನೀಸ್​)