ಚಿಂತಾಮಣಿ: ತಾಲೂಕಿನ ಯಗವಕೋಟೆ ಗ್ರಾಮದಲ್ಲಿ ಶ್ರೀ ವೀರನಾರಾಯಣಸ್ವಾಮಿ ಬ್ರಾಹ್ಮಣ ಸೇವಾ ಸಂಘ, ತಾಲೂಕು ಬ್ರಾಹ್ಮಣರ ಸಂಘದಿಂದ ಗಾಯತ್ರಿ ಭವನ ಉದ್ಘಾಟನಾ ಸಮಾರಂಭ ಆ.24 ರಂದು ಹಮ್ಮಿಕೊಳ್ಳಲಾಗಿದೆ. ಮುಂಜಾನೆ 3 ಗಂಟೆಗೆ ಗಣಹೋಮ, ವಾಸ್ತುದೇವತಾ, ಲಕ್ಷ್ಮೀನಾರಾಯಣಹೋಮ, ಗೋಪೂಜೆ ಪೂರ್ಣಾಹುತಿ. ಬೆಳಗ್ಗೆ 11ಗಂಟೆ ನಂತರ ಗಾಯತ್ರಿ ಭವನದ ಉದ್ಘಾಟನೆ, ಮಧ್ಯಾಹ್ನ ಅನ್ನದಾನದ ವ್ಯವಸ್ಥೆ ಮಾಡಲಾಗಿದೆ. ಅಖಿಲ ಕರ್ನಾಟಕ ಬ್ರಾಹ್ಮಣ ಮಹಾಸಭಾ ಅಧ್ಯಕ್ಷ ಎಸ್.ರಘುನಾಥ್ ಭವನ ಉದ್ಘಾಟಿಸಲಿದ್ದಾರೆ. ಮುಖ್ಯ ಅತಿಥಿಗಳಾಗಿ ಅಖಿಲ ಕರ್ನಾಟಕ ಬ್ರಾಹ್ಮಣ ಮಹಾಸಭಾ ಉಪಾಧ್ಯಕ್ಷರು, ಯಗವಕೋಟೆ ಶ್ರೀ ವೀರನಾರಾಯಣಸ್ವಾಮಿ ಬ್ರಾಹ್ಮಣ ಸೇವಾ ಸಂಘ ಅಧ್ಯಕ್ಷ ಆರ್.ಲಕ್ಷ್ಮೀಕಾಂತ್, ಕೆ.ಜನಾರ್ಧನರಾವ್, ನೇತ್ರ ತಜ್ಞ ಡಾ.ರಾಜಶೇಖರ್, ಎಸ್.ನಾಗರಾಜ, ಕೆ.ನಾಗ ಭೂಷಣರಾವ್, ಜಿಲ್ಲಾ ಪ್ರತಿನಿಧಿ ಪಿ.ಆರ್.ಪ್ರಕಾಶ್, ಹಿರಿಯ ವಕೀಲ ಬಿ.ಆರ್.ಶ್ರೀನಾಥ್, ಆಂಧ್ರ ಪ್ರದೇಶದ ಸನಗರಂ ಪಟ್ಟಾಭಿರಾಮಯ್ಯ, ರಾಘವೇಂದ್ರ, ವಿ.ಶ್ರೀನಿವಾಸಕುಮಾರ್, ಎಚ್.ಆರ್.ವೆಂಕಟೇಶ ಮೂರ್ತಿ ಆಗಮಿಸಲಿದ್ದಾರೆ ಎಂದು ಸಂಘದ ಪದಾಧಿಕಾರಿ ತಿಳಿಸಿದರು.
