ರಾಜ್ಯದಲ್ಲಿಯೆ ಬಸ್​ ದರ ಕಡಿಮೆ ಇರೋದು; ಸಚಿವ ಶಿವಾನಂದ

ಹಾವೇರಿ: ಬಿಜೆಪಿ ಅವರಿಗೆ ಹೋರಾಟ ಮಾಡೋದು ಬಿಟ್ಟರೆ ಏನು ಕೆಲಸ ಇದೆ ಹೇಳಿ.? ಒಂದು ಸಲನಾದರೂ ಅಭಿವೃದ್ಧಿ ಬಗ್ಗೆ ಮಾತಾಡ್ತಾರಾ. ಬಸ್​ ದರ ಪಕ್ಕದ ಆಂಧ್ರದಲ್ಲಿ ನಮಗಿಂತಲೂ ಹೆಚ್ಚಿದೆ. ತಮಿಳುನಾಡಿನಲ್ಲೂ ನಮಗಿಂತ ಹೆಚ್ಚಿದೆ. ನಮ್ಮದೆ ಚೀಪೆಸ್ಟ್​ ಇದೆ ಎಂದು ಜಿಲ್ಲಾ ಉಸ್ತುವಾರಿ ಸಚಿವ ಶಿವಾನಂದ ಪಾಟೀಲ ಹೇಳಿದರು.

ನಗರದಲ್ಲಿ ಭಾನುವಾರ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು, ಶಕ್ತಿ ಯೋಜನೆಯಲ್ಲಿ ಜನರನ್ನು ಓಡಾಡಿಸುತ್ತಿದ್ದೇವೆ ಅಂದರೆ ಅಟ್​ಲೀಸ್ಟ್​ ನೋ ಪ್ರಾಪಿಟ್​ ನೋ ಲಾಸ್​ನಲ್ಲಿ ಆದರೂ ಉಳಿಸಬೇಕು ಅನ್ನುವ ಉದ್ದೇಶವಿದೆ ಅಷ್ಟೆ ಎಂದರು.

ಹೆಣ್ಣು ಮಕ್ಕಳಿಗೆ, ಬಡವರಿಗೆ ಏನು ಕೊಡಬೇಕೋ ಅದನ್ನು ಮ್ಯಾಕ್ಸಿಮಮ್​ ಕೊಟ್ಟೀದಿವಿ. ದುಡಿಯುವ ಗಂಡಮಕ್ಕಳಿಗೆ ಶೇ. 15ರಷ್ಟು ಭಾರ ಆಗಬಹುದು ನಾನು ಇಲ್ಲ ಅಂತ ಹೇಳಲ್ಲ.್ಲ ನಿತ್ಯವೂ ಓಡಾಡುತ್ತಿರುವವರು ಹೆಣ್ಣು ಮಕ್ಕಳೇ ಇದ್ದಾರೆ. ಗಂಡುಮಕ್ಕಳು ಓಡಾಡಲ್ಲ, ನೀವು ಉಲ್ಟಾ ಹೇಳ್ತೀದಿರಿ ಎಂದರು.

ಕಾಂಗ್ರೆಸ್​ನಲ್ಲಿ ಪುನಃ ಅಧಿಕಾರ ಹಂಚಿಕೆ ವಿಚಾರದ ಬಗ್ಗೆ ಕೇಳಿದಾಗ ನಮ್ಮಲ್ಲಿ ಯಾವುದೇ ಭಿನ್ನಾಭಿಪ್ರಾಯ ಇಲ್ಲ. ಯಾರು ಸಿಎಂ ಇರಬೇಕು. ಡಿಸಿಎಂ ಇರಬೇಕು ಅದನ್ನು ವರಿಷ್ಟರು ತೀರ್ಮಾನ ಮಾಡಬೇಕು. ಈ ಬಗ್ಗೆ ಸಿಎಲ್​ಪಿನಲ್ಲಿ ನಿರ್ಣಯ ಆಗುತ್ತೆ. ದಿನ ಅದರ ಬಗ್ಗೆ ಕೇಳಿದರೆ ಏನು ಹೇಳೋದು .? ಬಿಜೆಪಿಯವರು ಎರಡು ವರ್ಷಗಳಿಂದ ಇದನ್ನೇ ಹೇಳುತ್ತಿದ್ದಾರೆ. ನೀವೂ ಅದನ್ನೇ ಕೇಳ್ತೀದ್ದಿರಿ ಬಿಟ್​ ಬಿಡಿ ಅದನ್ನ ಎಂದರು.