ಕಚೇರಿ ಹೊರತು ಎರಡು ಕಿ.ಮೀ. ವ್ಯಾಪ್ತಿ ಮೀರಿದ ಸಂಚಾರ ನಿಷೇಧ

ಕಚೇರಿಗೆ ಹೋಗುವುದನ್ನು ಹೊರತುಪಡಿಸಿ, ನಗರದಲ್ಲಿ ಎಲ್ಲೇ ಓಡಾಡುವುದಿದ್ದರೂ 2 ಕಿ.ಮೀ. ವ್ಯಾಪ್ತಿಯಲ್ಲೇ ಓಡಾಡುವುದು ಕಡ್ಡಾಯವಾಗಿದೆ. ಅಗತ್ಯ ಕೆಲಸಕಾರ್ಯಗಳಿಗೆ ಹೊರತುಪಡಿಸಿ ಅನಗತ್ಯವಾಗಿ ತಿರುಗಾಡುವುದು ಕಂಡುಬಂದರೆ ಕಾನೂನು ಪ್ರಕಾರ ಶಿಕ್ಷಿಸಲಾಗುತ್ತದೆ. ಹೊರಗೆ ತಿರುಗುವಾಗ ಮಾಸ್ಕ್​ ಧರಿಸಿರುವುದು ಕಡ್ಡಾಯವಾಗಿದೆ.

ಕೋವಿಡ್​-19 ರಾಜಧಾನಿ ಎನಿಸಿಕೊಂಡಿರುವ ಭಾರತದ ವಾಣಿಜ್ಯ ನಗರಿ ಮುಂಬೈನಲ್ಲಿ ಜಾರಿಗೆ ಬಂದಿರುವ ಹೊಸ ನಿಯಮಗಳು. ಏನೇ ಓಡಾಡುವುದಿದ್ದರೂ, ಅಗತ್ಯವಸ್ತುಗಳನ್ನು ಕೊಳ್ಳುವುದಿದ್ದರೂ, ಸಲೂನ್​, ಹೇರ್​ಕಟ್ಟಿಂಗ್​ ಶಾಪ್​ಗೆ ಹೋಗುವುದಿದ್ದರೂ ತಮ್ಮ ಮನೆಯ ಎರಡು ಕಿ.ಮೀ. ವ್ಯಾಪ್ತಿಯಲ್ಲೇ ಸಂಚರಿಸುವುದು ಕಡ್ಡಾಯವಾಗಿದೆ. ಆದರೆ ಕಚೇರಿಗೆ ಹೋಗುವವರಿಗೆ ಮತ್ತು ತುರ್ತು ವೈದ್ಯಕೀಯ ನಿಗಾದ ಅಗತ್ಯ ಇರುವವರಿಗೆ ಈ ನಿಯಮ ಅನ್ವಯಿಸುವುದಿಲ್ಲ.

ಇದನ್ನೂ ಓದಿ: ಗಲ್ವಾನ್​ ಕಣಿವೆಯ ಘರ್ಷಣೆಯಲ್ಲಿ ಸತ್ತ ಯೋಧರ ನಿಖರ ಲೆಕ್ಕವನ್ನ ಚೀನಾ ಕೊಡುತ್ತಿಲ್ಲ ಏಕೆ ಗೊತ್ತಾ?

ಅಂದಾಜು ಮೂರು ತಿಂಗಳ ಬಳಿಕ ಮುಂಬೈನಲ್ಲಿ ಅಂಗಡಿಮುಂಗಟ್ಟುಗಳು, ಸಲೂನ್​, ಹೇರ್​ಕಟ್ಟಿಂಗ್​ ಶಾಪ್​ಗಳು ಸೇರಿ ವಿವಿಧ ವಾಣಿಜ್ಯಾತ್ಮಕ ಚಟುವಟಿಕೆಗಳಿಗೆ ಮಹಾರಾಷ್ಟ್ರ ಸರ್ಕಾರ ಅನುಮತಿ ನೀಡಿದೆ. ಈ ಹಿನ್ನೆಲೆಯಲ್ಲಿ ಅದು ಹತ್ತು ನಿಯಮಗಳನ್ನು ಪಾಲಿಸುವ ಷರತ್ತನ್ನು ವಿಧಿಸಿದೆ.

ಅನಗತ್ಯವಾಗಿ ವಾಹನಗಳಲ್ಲಿ ಸಂಚರಿಸುವುದು ಕಂಡುಬಂದರೆ, ವಾಹನಗಳನ್ನು ಜಫ್ತಿ ಮಾಡಲಾಗುವುದು. ರಾತ್ರಿ 9ರಿಂದ ಬೆಳಗ್ಗೆ 5 ಗಂಟೆಯವರೆಗೆ ರಾತ್ರಿ ಕರ್ಫ್ಯೂವನ್ನು ಕಡ್ಡಾಯವಾಗಿ ಪಾಲಿಸಬೇಕು. ದೈಹಿಕ ಅಂತರ ಕಾಯ್ದುಕೊಳ್ಳುವುದು, ಮಾಸ್ಕ್​ ಧರಿಸುವುದು ಕಡ್ಡಾಯಗೊಳಿಸಲಾಗಿದೆ. ಈ ನಿಯಮಗಳನ್ನು ಉಲ್ಲಂಘಿಸುವವರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುವುದಾಗಿ ಹೇಳಲಾಗಿದೆ.

https://www.vijayavani.net/man-committed-suicide-after-murder/