ಮನುಷ್ಯನೊಬ್ಬ ವಿಷ ಕುಡಿದರೆ ಅದು ಕುಡಿದವನೊಬ್ಬನನ್ನೇ ಕೊಲ್ಲುತ್ತದೆ. ಆದರೆ ವಿಷಯವು ಗುರು-ಶಿಷ್ಯ, ಪತಿ ಪತ್ನಿ, ತಂದೆ-ಮಗ, ತಾಯಿಮಕ್ಕಳ ಬಾಂಧವ್ಯವನ್ನೇ ಕೊಲ್ಲುತ್ತದೆ, ಉದಾ : ರಾಮಾಯಣ ದಲ್ಲಿ ಬರುವ ಮಂಥರೆ, ಮಹಾಭಾರತದಲ್ಲಿ ಬರುವ ಶಕುನಿ, ಕಲ್ಯಾಣರಾಜ್ಯ ದಲ್ಲಿ ಬರುವ ಕೊಂಡಿಮಂಚಣ್ಣ, ರಾಣಿಕಿತ್ತೂರ ಚೆನ್ನಮ್ಮನ ಸಂಸ್ಥಾನದ ಸಿರಿಯನ್ನು ಹಾಳು ಮಾಡಿದ ಮಲ್ಲಪ್ಪಶೆಟ್ಟಿ, ಗುರುಸಿದ್ಧಯ್ಯ ಇತ್ಯಾದಿ. ಶ್ರೀರಾಮನ ಪಟ್ಟಾಭಿಷೇಕ ಮುಹೂರ್ತ ಸಿದ್ಧಗೊಂಡಿದೆ. ಅಯೋಧ್ಯೆ ಪುರಜನರು ಸಂಗೀತ ಸಾಹಿತ್ಯ ಸಂಭ್ರಮದಿಂದ ಉತ್ಸಾಹಗೊಂಡು ಕಾರ್ಯನಿರತರಾಗಿದ್ದಾರೆ. ಅಂಥ ಪ್ರಸಂಗದಲ್ಲಿ ಅರಮನೆಯ ದಾಸಿ ಯಾದ ಮಂಥರೆ, ಕೈಕೇಯಿ ಮನಸ್ಸನ್ನು ಒಡೆದುಬಿಟ್ಟಳು. ಕಠೋರ ನಿರ್ಧಾರವುಳ್ಳ ಕೈಕೇಯಿ ರಾಮನ ಪಟ್ಟಾಭಿಷೇಕದ ತಯಾರಿಯು ದಶರಥರಾಜನ ಕಣ್ಣೀರುಗಳಿಂದ ತೊಯ್ಯುವಂತೆ ಮಾಡಿದಳು. ಸಿಟ್ಟಿನ ಸ್ವಭಾವದ ಕೈಕೇಯಿಯು ಪತಿಯು ಕೊಟ್ಟ ಎರಡು ವರಗಳನ್ನು ಹೊರಗೆಡವಿದಳು. ಅವೆರಡರಲ್ಲಿ ಒಂದು ವರ, ರಾಮನು ಹದಿನಾಲ್ಕು ವರ್ಷ ವನವಾಸಕ್ಕೆ ಹೋಗಬೇಕು. ಎರಡನೆಯದು ಭರತನಿಗೆ ಪಟ್ಟಾಭಿಷೇಕವಾಗಬೇಕು.
