ವಿದ್ಯುತ್ ಇಲ್ಲದೆ ಬೆಳೆ ನಷ್ಟವಾದರೆ ಸರ್ಕಾರವೇ ಹೊಣೆ; ರೈತರ ಎಚ್ಚರಿಕೆ

ಬೆಂಗಳೂರು: ರಾಜ್ಯದ 45 ಲಕ್ಷಕ್ಕಿಂತ ಹೆಚ್ಚು ರೈತ ಕುಟುಂಬಗಳು ಪಂಪ್‌ಸೆಟ್ ನೀರಾವರಿ ಮೂಲಕ ತೋಟಗಾರಿಕೆ ಮತ್ತು ಇತರ ಸಲುಗಳನ್ನು ಬೆಳೆದಿದ್ದು, ವಿದ್ಯುತ್ ಇಲ್ಲದೆ ಬೆಳೆ ನಷ್ಟವಾದರೆ ಸರ್ಕಾರವೇ ನೇರ ಹೊಣೆ ಹೊರಬೇಕಾಗುತ್ತದೆ ಎಂದು ರಾಜ್ಯ ರೈತ ಸಂಘ ಎಚ್ಚರಿಸಿದೆ.

ಇಂಧನ ಸಚಿವ ಕೆ.ಜೆ.ಜಾರ್ಜ್ ಅವರನ್ನು ಸಂಘದ ರಾಜ್ಯಾಧ್ಯಕ್ಷ ಬಡಗಲಪುರ ನಾಗೇಂದ್ರ, ಗೌರವಾಧ್ಯಕ್ಷ ಚಾಮರಸ ಮಾಲಿಪಾಟೀಲ್ ನೇತೃತ್ವದ ನಿಯೋಗ ಭೇಟಿ ಮಾಡಿ ಈ ಕುರಿತು ಮುಖ್ಯಮಂತ್ರಿ ಬರೆದ ಮನವಿಪತ್ರವನ್ನು ಸಲ್ಲಿಸಿತು.

ವಿದ್ಯುತ್ ವ್ಯತ್ಯಯದಿಂದ ರೈತರು ದಿಗಿಲುಗೊಂಡಿದ್ದಾರೆ. ಬರಗಾಲದ ಬವಣೆಗೆ ವಿದ್ಯುತ್ ಬರೆ ಹಾಕಿದೆ. ಏಳು ತಾಸು ಮೂರು ೇಸ್ ವಿದ್ಯುತ್ ಗುಣಾತ್ಮಕ ವಿದ್ಯುತ್ ಪೂರೈಕೆ ಬೆಳೆದು ನಿಂತಿರುವ ಸಲು ರಕ್ಷಿಸಬೇಕು ಎಂದು ಆಗ್ರಹಿಸಿದರು.

ಹಕ್ಕೊತ್ತಾಯಗಳು

ಎಲ್ಲ ಸಕ್ಕರೆ ಕಾರ್ಖಾನೆಗಳು ವಿದ್ಯುತ್ ಉತ್ಪಾದಿಸುವುದು ಕಡ್ಡಾಯಗೊಳಿಸಿ, ಸೌರ ವಿದ್ಯುತ್ ಉತ್ಪಾದನೆಗೆ ಹೆಚ್ಚಿನ ಆದ್ಯತೆ. ಸುಟ್ಟು ಹೋದ ಪರಿವರ್ತಕಗಳನ್ನು ನಿಗದಿ ಮಾಡಿರುವ ಸಮಯದಲ್ಲಿ ಬದಲಾಯಿಸಬೇಕು, ಅಗತ್ಯಕ್ಕೆ ತಕ್ಕಂತೆ ವಿದ್ಯುತ್ ಉಪಕೇಂದ್ರಗಳ ಸ್ಥಾಪನೆ ಸೇರಿ ಐದು ಪ್ರಮುಖ ಬೇಡಿಕೆಗಳನ್ನು ಈಡೇರಿಸಲು ಕೋರಿತು.

ರೈತರು ಸಲ್ಲಿಸಿದ ಮನವಿ ಸ್ವೀಕರಿಸಿದ ಕೆ.ಜೆ.ಜಾರ್ಜ್ ದೇಶ, ರಾಜ್ಯದ ಒಟ್ಟಾರೆ ವಿದ್ಯುತ್ ಸ್ಥಿತಿಗತಿ ವಿವರಿಸಿ ಕೊರತೆ ನೀಗಿಸಲು ಸರ್ಕಾರ ಕೈಗೊಂಡಿರುವ ಕ್ರಮ ಮನವರಿಕೆ ಮಾಡಿಕೊಟ್ಟರು.

ಲಭ್ಯತೆ ಅನುಸಾರ ಸಮಸ್ಯೆ ನಿವಾರಿಸಲು ಸರ್ಕಾರದ ಪರಿಶ್ರಮ, ರೈತರಿಗೆ ಐದು ತಾಸು ನಿರಂತರ ವಿದ್ಯುತ್ ಪೂರೈಕೆ ಕುರಿತು ಸಿಎಂ ಸೂಚಿಸಿರುವುದನ್ನು ಗಮನಕ್ಕೆ ತಂದರು.