ಮೋದಿ ಹೋದರೆ ಅದಾನಿಯೂ ಹೋಗುತ್ತಾರೆ… ಷೇರು ಮಾರುಕಟ್ಟೆ ಮಹಾಕುಸಿತದ ಮಧ್ಯೆ ರಾಹುಲ್​ ಗಾಂಧಿ ಹೇಳಿದ್ದೇನು?

ನವದೆಹಲಿ: ಲೋಕಸಭೆ ಚುನಾವಣೆ ಫಲಿತಾಂಶದೊಂದಿಗೆ ಕೇಂದ್ರದಲ್ಲಿ ಸಮ್ಮಿಶ್ರ ಸರ್ಕಾರ ರಚನೆಯಾಗುವುದು ಈಗ ಸ್ಪಷ್ಟವಾಗಿದೆ. ಎನ್ ಡಿಎ ಮೈತ್ರಿಕೂಟ ಬಹುಮತ ಪಡೆದಿದ್ದರೂ ರಾಜಕೀಯ ಮೇಲಾಟದ ಸಾಧ್ಯತೆಯನ್ನು ತಳ್ಳಿ ಹಾಕುವಂತಿಲ್ಲ. ಈ ಸಾಧ್ಯತೆಗಳ ನಡುವೆ ಷೇರುಪೇಟೆ ತಲ್ಲಣಗೊಂಡಿದೆ. ಹೂಡಿಕೆದಾರರು ವಿಶೇಷವಾಗಿ ಅದಾನಿ ಗ್ರೂಪ್‌ನ ಷೇರುಗಳ ಬಗ್ಗೆ ಹೆದರುತ್ತಿದ್ದಾರೆ. ಹೂಡಿಕೆದಾರರ ಈ ಭಯದ ನಡುವೆಯೇ ರಾಹುಲ್ ಗಾಂಧಿ ಅದಾನಿ ಗ್ರೂಪ್ ಷೇರುಗಳ ಬಗ್ಗೆ ದೊಡ್ಡ ಹೇಳಿಕೆ ನೀಡಿದ್ದಾರೆ.

ರಾಹುಲ್ ಗಾಂಧಿ ಹೇಳಿಕೆ ಏನು?:

ವಾಸ್ತವವಾಗಿ, ಮಂಗಳವಾರ, ರಾಹುಲ್ ಗಾಂಧಿ ಚುನಾವಣಾ ಫಲಿತಾಂಶಗಳ ಕುರಿತು ಮಾಧ್ಯಮಗಳ ಮುಂದೆ ತಮ್ಮ ಮೊದಲ ಪ್ರತಿಕ್ರಿಯೆ ನೀಡಿದರು. ಈ ವೇಳೆ ಗೌತಮ್ ಅದಾನಿ ಕಂಪನಿಗಳ ಷೇರುಗಳ ಭಾರೀ ಕುಸಿತವನ್ನು ಪ್ರಸ್ತಾಪಿಸಿದರು.

ಸಾರ್ವಜನಿಕರು ನೇರವಾಗಿ ಮೋದಿಜಿಯನ್ನು ಅದಾನಿಯೊಂದಿಗೆ ಸಂಪರ್ಕಿಸುತ್ತಾರೆ ಎಂಬುದು ಬಹಳ ಕುತೂಹಲಕಾರಿಯಾಗಿದೆ. ಮೋದಿಜಿ ಸೋತರೆ ಷೇರು ಮಾರುಕಟ್ಟೆ ಹೇಳುತ್ತದೆ, ಮೋದಿ ಹೋದರೆ ಅದಾನಿ ಹೋದರೆಂದು. ಅದಾನಿಜಿ ಅವರು ಮೋದಿಯವರೊಂದಿಗೆ ನೇರ ಸಂಪರ್ಕ ಹೊಂದಿದ್ದಾರೆ, ಷ್ಟಾಚಾರದೊಂದಿಗೆ ಸಂಪರ್ಕ ಹೊಂದಿದ್ದಾರೆ ಎಂದು ರಾಹುಲ್ ಗಾಂಧಿ ಆರೋಪಿಸಿದ್ದಾರೆ.

ಅದಾನಿ ಗ್ರೂಪ್ ಬಗ್ಗೆ ರಾಹುಲ್ ಗಾಂಧಿ ಹೇಳಿಕೆಯನ್ನು ರಾಜಕೀಯ ತಜ್ಞರು ವಿಭಿನ್ನ ದೃಷ್ಟಿಕೋನದಿಂದ ನೋಡುತ್ತಿದ್ದಾರೆ. ಚುನಾವಣಾ ಫಲಿತಾಂಶದಲ್ಲಿ ಕಾಂಗ್ರೆಸ್ ನೇತೃತ್ವದ ಇಂಡಿಯಾ ಮೈತ್ರಿಕೂಟವು ಎನ್‌ಡಿಎಗೆ ಕಠಿಣ ಹೋರಾಟ ನೀಡಿರುವುದರಿಂದ, ಇಂಡಿಯಾ ಮೈತ್ರಿ ಸರ್ಕಾರ ರಚಿಸುವ ಸಾಧ್ಯತೆಯನ್ನು ತಳ್ಳಿಹಾಕಲಾಗುವುದಿಲ್ಲ. ಹೀಗಾದರೆ, ಅದಾನಿ ಗ್ರೂಪ್ ಬಗ್ಗೆ ರಾಹುಲ್ ಗಾಂಧಿ ಅವರ ದಾಳಿ ಹೆಚ್ಚಾಗಲಿದೆ ಎಂಬ ಭಯ ಹೂಡಿಕೆದಾರರಲ್ಲಿದೆ. ಕಳೆದ ಕೆಲವು ವರ್ಷಗಳಿಂದ ರಾಹುಲ್ ಗಾಂಧಿ ಅವರು ಅದಾನಿ ಗ್ರೂಪ್ ವಿರುದ್ಧ ನಿರಂತರವಾಗಿ ಮಾತನಾಡುತ್ತಿದ್ದಾರೆ.

ಚುನಾವಣಾ ಫಲಿತಾಂಶಗಳ ನಡುವೆ ಮಂಗಳವಾರದ ವಹಿವಾಟಿನ ಸಮಯದಲ್ಲಿ, ಅದಾನಿ ಗ್ರೂಪ್‌ನ ಷೇರುಗಳು ಕುಸಿತ ಕಂಡಿವೆ.

ಈ ಸಮೂಹದ 10 ಲಿಸ್ಟೆಡ್ ಕಂಪನಿಗಳ ಮಾರುಕಟ್ಟೆ ಬಂಡವಾಳವು 3.64 ಲಕ್ಷ ಕೋಟಿ ರೂಪಾಯಿಗಳಷ್ಟು ಕಡಿಮೆಯಾಗಿದೆ. ವಹಿವಾಟಿನ ಅಂತ್ಯಕ್ಕೆ ಅದಾನಿ ಪೋರ್ಟ್ಸ್ ಷೇರುಗಳು ಶೇ. 21.26ರಷ್ಟು, ಅದಾನಿ ಎನರ್ಜಿ ಸಲ್ಯೂಷನ್ಸ್ ಶೇ. 20ರಷ್ಟು, ಅದಾನಿ ಎಂಟರ್‌ಪ್ರೈಸಸ್ ಶೇ. 19.35ರಷ್ಟು, ಅದಾನಿ ಗ್ರೀನ್ ಎನರ್ಜಿ ಶೇ. 19.20ರಷ್ಟು ಕುಸಿದಿವೆ. ಅದಾನಿ ಟೋಟಲ್ ಗ್ಯಾಸ್ ಶೇ.18.88, ಎನ್ ಡಿಟಿವಿ ಶೇ.18.52, ಅದಾನಿ ಪವರ್ ಶೇ.17.27 ಮತ್ತು ಅಂಬುಜಾ ಸಿಮೆಂಟ್ ಶೇ.16.88ರಷ್ಟು ಕುಸಿದಿವೆ. ಎಸಿಸಿ ಷೇರುಗಳು ಶೇಕಡಾ 14.71 ಮತ್ತು ಅದಾನಿ ವಿಲ್ಮರ್ ಶೇಕಡಾ 9.98 ರಷ್ಟು ಕುಸಿದಿವೆ. ಮಂಗಳವಾರದ ವಹಿವಾಟಿನ ಸಮಯದಲ್ಲಿ, ಈ ಗುಂಪಿನ 10 ಕಂಪನಿಗಳ ಪೈಕಿ 8 ಲೋವರ್ ಸರ್ಕ್ಯೂಟ್‌ ಹಿಟ್ ಆಗಿವೆ.

https://www.vijayavani.net/how-to-make-money-in-a-falling-stock-market-you-should-do-these-5-things

https://www.vijayavani.net/up-10-despite-great-recession-know-which-penny-stock-is-an-upper-circuit-hit

https://www.vijayavani.net/stock-market-crash-what-should-investors-do-in-the-current-situation